Internet texnologiyalari. Internet xizmetleri menen islew. Intenet tarmag’i ha’m onin’ xizmetleri

Úyretiwshi internet dáreklerine aralıqtan oqıtıw, virtual mektepler, laboratoriyalar hám veb klasslardı mısal retinde keltiriw múmkin.
Máslahát beretuǵın internet dáreklerine túrli telekonferenciyalar, virtual pedagogikalıq keńesler, virtual stilistik, birlespeler mashqalalıq keńesler, virtual kafelar hám taǵı basqalardı mısal keltiriw múmkin.
Informaciyalı internet dáreklerine elektron oqıw qóllanbalar, málimlemeler, elektron kitapxanalar, sózlikler, kataloglar, virtual muzeylerdi keltiriw múmkin.
Bahalaytuǵın internet dereklerge teletesting, aralıqtan jarıslar, túrli viktorinalar, olimpiadalardı mısal keltiriw múmkin.
Prezentaciyalı internet dáreklerine tálim mákemeleriniń tálim baǵdarları haqqında hár tárepleme maǵlıwmatlar kórsetilgen bólek betlerdi keltiriw múmkin.
Oqıw mákemeleri ushın jaratılǵan saytlar járdeminde oqıtıwshılar tálim alıwshılarǵa aralıqtan turǵan halda bilim alıwlarına múmkinshilik jaratadılar. Oqıw mákemeleri ushın jaratılǵan saytlar ásirese oqıtıw jaylarına qatnası qıyın bolǵan tálim alıwshılarǵa qolaylı esaplanadı. Bulardan tısqarı tálim alıwshılar informaciya texnologiyaları menen islew mádeniyatı, kónlikpe hám ilmiy tájriybelerine iye boladılar Oqıw mákemeleri ushın jaratılǵan saytlardan sabaq processinde paydalanıw kútá úlken múmkinshilikler jaratadı
Oqıw mákemeleri ushın jaratılǵan saytlar járdeminde oqıtıw, oqıw procesin a'nanaviy shólkemlestiriwdiń tiykarǵı formaların óz ishine aladı. Lekciya, seminar hám ámeliy shınıǵıwlar, laboratoriya ámeliyatı, qadaǵalaw sisteması, tıńlawshılardıń ilimiy izertlew hám ózbetinshe jumısları usılar gápinen bolıp tabıladı. Oqıw procesin shólkemlestiriwdiń bul barlıq formaları ámeliyatda tıńlawshılardı ǵárezsiz biliw iskerligi túrli informaciya dárekleri menen ańsatǵana birlestiriwdi, kurs alıp baratırǵan oqıtıwshı yamasa t'yutor menen operativ hám sistemalı baylanıs qılıw hám de tıńlawshılardıń gruppa bolıp islerdi ámelge asırıw múmkinshiligin beredi.
Oqıw processinde oqıw mákemeleri ushın jaratılǵan saytlardan paydalanıw oqıtıwshılarǵa :
- internet tarmaǵı járdeminde ol yamasa bul oqıw pánlerden tóplanǵan tájiriybe hám usıllardı basqa kásiplesleri menen almaslaw ;
- bir waqtıniń ózinde túrli taypa daǵı studentler ushın hár túrlı oqıtıw usılların ámelge asırıw arqalı oqıw procesin individuallastırıw ;
- oqıw mákemeleri ushın jaratılǵan saytlar daǵı qadaǵalaw tapsırmalarınan shınıǵıw retinde paydalanıw nátiyjesinde studentlerde pán boyınsha iyelengen bilimlerdi kónlikpe hám ilmiy tájriybe dárejesine jetkiziw;
- qolda atqarılatuǵın islerdi kemeytiw esabınan studentlerge jalǵız tártipte islew hám óz qábiletlerin kórinetuǵın qılıw múmkinshiligin jaratıw ;
- studentlerdi ǵárezsiz bilim alıw procesin nátiyjeli shólkemlestiriw sıyaqlı múmkinshiliklerdi jaratadı.