Инвестиция жараёнларининг мазмуни ва асосий босқичлари

Инвестиция жараёни иштирокчилари

• Инвестиция жараёнининг бош иштирокчилари – давлат, компаниялар ва жисмоний шахслар бўлиб, уларни ҳар бири инвестиция жараёнида талаб томонида ҳамда таклиф томонида туриб иштирок этиши мумкин.

• Давлат – бу пул маблағларини истеъмолчисидир, яъни у маблағ беришга қараганда кўп маблағни ишлатади.
• Компаниялар. Қисқа ва узоқ муддатли эҳтиёжларни молиялаштириш учун компаниялар муомалага турли хил қарз қимматли қоғозларни ва акцияларни чиқарадилар. Қачонки уларда вақтинча ортиқча пул маблағлари пайдо бўлса, улар пулларни бошқаларга таклиф қиладилар. Амалда кўпгина йирик компаниялар нақд пулларини бошқаришда фаол ва мураккаб стратегияни амалга оширадилар ва қисқа муддатли қимматли қоғозларни асосий ҳаридорлари ҳисобланадилар. Давлатга ўхшаб компаниялар умуман пул маблағларини соф ҳаридорлари ҳисобланади.

• Жисмоний шахслар – пул соф етказиб берувчилардир, бошқача қилиб айтганда улар инвестиция жараёнига олганига қараганда кўп берадилар. Давлат ва компаниялар пул маблағларининг соф харидорлари ҳисобланар экан, хусусий инвесторларнинг иқтисодий ўсиш ва ривожланишни молиялаштириш учун пул етказиб беришдаги роли жуда салмоқлидир.

Молиявий инвестициялаш босқичлари:

• Инвестициялаш учун зарурий маблағни ажратиш.
• Инвестициялаш мақсадларини аниқлаштириш.
• Қўйилма мақсадлари бўйича инвестицион воситаларни баҳолаш.
• Диверсификацияланган портфелни шакллантириш.
• Портфелни бошқариш.

Инвесторлар.

• Икки типдаги инвесторлар бор:
• - институционал инвесторлар
• - якка инвесторлар.

Институционал инвесторлар

• Институционал инвесторлар - муассасалар бўлиб, уларга бошқаларнинг пулини бошқаргани учун ҳақ тўлайдилар. Уларни молиявий муассасалар, масалан, банклар, суғурта компаниялари, ўзаро ва пенсия фондлари, ҳамда йирик номолиявий корпорациялар, айрим ҳолларда хусусий шахслар ёллайдилар. Молиявий институтлар ўз омонатчиларига яхшигина даромадни таъминлашга ҳаракат қилиб катта суммани инвестициялайдилар.