Investitsion loyihalar tahlili

Baho pariteti deganda turli mamlakat bahosining bir xil o‘lchamga keltirilishi tushuniladi. Masalan, milliy valyuta so‘mni Rossiya rubli bilan tenglashtirish uchun ularning ham oltindagi ekvivalenti bilan hisoblab olish lozim. Hozir amaliyotda ular 1 AQSh dollariga tenglashtirish orqali amalga oshiriladi. Undan tashqari O‘zR Markaziy banki haftaning har dushanba kuni milliy valyuta kursining xorijiy valyutaga nisbati aniqlanib e’lon qilinadi. Bunda so‘mning Rossiya rubliga nisbatan kursi ham ko‘rsatiladi.
Baho pariteti xorijiy mamlakatlarda qishloq xo‘jalik mahsulotlariga nisbatan qo‘llaniladi. Bunda yillar o‘tishi bilan qishloq xo‘jalik mahsulotlarining bir birligiga boshqa nooziqovqat mahsulotlarini sotib olishi tushuniladi. Masalan, 1 kg. go‘shtning narxi 1995 yilda 100 so‘m bo‘lgan. Unga shu yili har bir kilosi 2 so‘mdan 50 kg o‘g‘it sotib olgan. Go‘shtning narxi 2000 yilda 900 so‘mga ko‘tarildi. U bu yil ham shu pulga 50 kg. o‘g‘it sotib olishi mumkin bo‘lsa baho pariteti (tengligi) ta’minlanadi. Xuddi shunday holat xalqaro savdoda ham qo‘llanilishi lozim. Shundagina baho poriteti (tengligi) ta’minlanadi. Bu esa halqaro savdoda muhim ahamiyatga ega.
Ushbu ko‘rsatkichlar investitsiya loyihalarining moliyaviy tahlil qilishda ham, iqtisodiy tahlilda o‘rganiladi. Baho paritetiga amal qilish ichki va tashqi bozorda muhim ahamiyatga ega. Shu tufayli bu muammo o‘ziga xos muammo. Uning ayrim yechimlari valyuta kursini aniqlash orqali yechiladi.


MAVZU:INVESTITSIYA LOYIHALARIDA QALTISLIK TAHLILI
Reja:
1. Tavakkal xavfi tushunchasi
2. Investitsiyalarda tavakkal xavfi darajasi
3. Xavflarni aniqlash usullari
4.Loyiha tahlilida qo‘llaniladigan xavflar tizimi va ularning tasnifi
Tavakkal xavfi tushunchasi
Iqtisodiy xatarni biror iqtisodiy inqirozga, zararli faoliyatga olib kelishi mumkin bo‘lgan sharoit, xavf deb tushunmoq lozim. Agar ushbu tushunchadan kelib chiqadigan bo‘lsak, iqtisodiy jarayonni amalga oshirishdan maqsad foyda olish bo‘lsa, unga zid tushuncha kelib chiqadi. Chunki iqtisodiy faoliyatdan asosiy maqsad foyda olishdan iborat. Ammo vaziyat hamisha shunday maqsadga erishish imkoniyatini ham beravermaydi. Hayotda, ayniqsa erkin iqtisodiyotda juda ko‘p xatarli vaziyatlar bo‘lishi mumkin. Shu tufayli loyihaga inflyatsiya qo‘yishdan oldin xatarlilik darajasini baholab qo‘yish maqsadga muvofiqdir.