Investitsiyalar va moliya bozori

5.2. Tadqiqotdan kelib chiqqan xolda ishlab chiqilgan takliflar
Fond birjalari xorijiy davlatlarda mamlakat iqtisodiyotining asosiy dastaklaridan biri hisoblanadi. Rivojlangan davlatlarda esa mazkur soha iqtisodiyot rivojlanishida muhim o‘lchov vositasi (barometri) hamdir.
Shu sababdan ham “Toshkent” RFBni doimiy ravishda rivojlantirib borish, ushbu bozor faoliyatini tartibga solishda eng ilg‘or usullardan foydalanishga harakat qilishadi.
Bu borada, “Toshkent” RFBni rivojlantirishda xorij tajribalari quyidagi yo‘nalishlarda talqin etilmoqda:
1-yo‘nalish: Toshkent” RFB xorijiy davlatlar bilan a’loqalarini kuchaytirish va ularning fond birjalari bilan integratsiyalashuvini rivojlantirish;
2-yo‘nalish: Toshkent” RFB faoliyatini rivojlantirishda amalga aniq chora-tadbirlar loyihasini ishlab chiqish;
3-yo‘nalish: Toshkent” RFBning faoliyatini xorijiy davlatlarda rivojlantirish strategiyalari (istiqbolli yo‘nalishlar)ni ishlab chiqish.
1-yo‘nalish bo‘yicha Toshkent” RFBning iqtisodiy munosabatlarni tartibga solish va nazorat qilish, uni kelgusida rivojlantirish bilan bog‘liq muammolar Osiyo qita’sidagi rivojlanayotgan davlatlar iqtisodiyotida muhim o‘rinni egallab bormoqda.Bunga asosiy sabab, yirik xalqaro moliya institutlari mintaqa davlatlarida o‘z kapitali bilan ulardagi moliya bozorlari, jumladan uyushgan qimmatli qog‘ozlar bozorlaridagi ishtirokini faol tarzda oshirmoqda. Shuningdek, Osiyo mintaqasi mamlakatlari o‘rtasidagi moliyaviy munosabatlarning doimiy o‘sib borishi yirik mamlakatlararo moliyaviy operatsiyalar hajmining ham ortishini ta’minlamoqda.
Quyidagi omillar Osiyo mamlakatlarida Toshkent” RFBning moliya bozori munosabatlarini samarali tartibga solish zaruriyatini kuchaytirib bormoqda:
1. Rivojlangan davlatlardagi moliya institutlarining kapital oqimi Osiyo mintaqasi tomon faol kirib kelishi;
2. Osiyo banklarining o‘sib borayotgan xalqaro ekspozitsiyasi;
3. Osiyo mintaqasi davlatlariningxorijiy investitsiyalariga bo‘lgan talabining kuchayib borishi;
4. Potensial va institutsional investorlarning roli tobora oshib borishi.
Umuman olganda Toshkent” RFBni tartibga solish va uni rivojlantirish borasida xorijiy davlatlar tomonidan umumqabul qilinadigan me’yorlar va standartlarni joriy etishda yirik xalqaro tashkilotlar asosiy o‘rinni egallab bormoqda