I(q-q). indd

21.
 Yeger jaqti’li’q nuri’ shiyshe plastinkani’n’ betine hawada 45° mu’yesh asti’nda 
tu’sse, nurdi’n’ hawag’a si’ni’w mu’yeshi qanday boladi’?
22.
Ta’repleri parallel bolg’an 2 sm qali’n’li’qtag’i’ shiyshe plastinkag’a 60° mu’yesh 

---

102
Optika
asti’nda nur tu’spekte. Plastinkadan shi’qqan nurdi’n’ ji’lji’w shamasi’n ani’qlan’.
23.
Rubin ushi’n toli’q qaynati’wdi’n’ shegarali’q mu’yeshi 34° qa ten’. Rubinnin’ 
si’ndi’ri’w ko’rsetkishin tabi’n’.
24.
Si’ndi’ri’w mu’yeshi 60° bolg’an tuwri’ mu’yeshli u’shmu’yesh formasi’ndag’i’ 
shiyshe prizmag’a 50° mu’yesh asti’nda nur tu’spekte. Nurdi’n’ prizmadan 
shi’g’i’wdag’i’ si’ni’w mu’yeshin tabi’n’.
25.
Diametrleri ten’ ha’m do’n’esleri ha’r qi’yli’ bolg’an yeki simmetriyali’q shiy-
she linzalardi’n’ qaysi’ birinin’ fokus arali’g’i’ u’lken yekenin qalay ani’qlaw 
mu’mkin?
26.
Diametri d ha’m fokus arali’g’i’ F bolg’an ji’ynawshi’ linzani’n’ betine woni’n bas 
optikali’q ko’sherine parallel ra’wishte nurlar da’stesi bag’darlang’an. Ekranda 
diametri d bolg’an jaqti’ aylanani’n’ payda boli’wi’ ushi’n ekrandi’ linzadan 
qanday L arali’qqa jaylasti’ri’w lazi’m?
27.
Optikali’q ku’sh 10 dptr g’a ten’ bolg’an ji’ynawshi’ linzadan 12,5 sm arali’qta 
sham turi’pti’. Ko’rinis linzadan qanday arali’qta payda boladi’ ha’m wol qan-
day?
28.
Fokus arali’g’i’ 20 sm bolg’an linzani’n’ ja’rdeminde wonnan 1 m ari’da jay-
lasqan ekranda buyi’mi’n’ ko’rinisi payda yetildi. Buyi’m linzadan qansha ari’da 
turi’pti’? Ko’rinis qanday boladi’?
29.
Buyi’mdi ji’ynawshi’ linza arqali’ qarali’p ha’m woni’ linzadan 4 sm ari’g’a 
jaylasti’ri’n’, qi’yali’y ko’rinisi payda yetildi. Bul ko’rinis buyi’mni’n’ wozinen 
5 yese u’lken. Linzani’n’ optikali’q ku’shi qanday?
30.
Buyi’mi’n’ haqi’yqi’y ko’rinisi woni’n’ wo’zinen u’sh yese u’lken boli’wi ushi’n 
fokus arali’g’i’ 12 sm bolg’an bul linzadan buyi’mdi’ qanday arali’qqa qoyi’w 
lazi’m?
31.
Buyi’mni’n’ qi’yali’y su’wretleniwi shashi’rati’wshi’ linza ha’m woni’n’ qi’yali’y 
fokusi’ arasi’nda payda boli’wi ushi’n buyi’mdi’ shashi’rati’wshi’ linzani’n’ 
aldi’na qay jerge qoyi’w lazi’m?
32.
Buyi’mdi’ shashi’rati’wshi’ linzani’n’ aldi’na 40 sm arali’qqa qoyg’anda 4 yese 
kishireygen qi’yali’y ko’rinis payda boladi’. Sol shashi’rati’wshi’ linzani’n’ 
optikali’q ku’shin ani’qlan’.