Iqtisodiyot asoslari

Sug’urta tavakkalchiligi - zarar yoki yo’qotishlar xavfining vujudga kelishi. 
Sug’urta holati - yuz berishi bilan sug’urtachi sug’urtalanuvchiga sug’urta 
summasi yoki sug’urta tovonini to’lashi lozim bo’lgan hodisa. 
Soliq deklarasiyasi - soliq to’lovchining muayyan davr mobaynida topgan 
daromadlari miqdori va manbalarini ko’rsatuvchi hujjat. Rivojlangan iqtisodiy 
munosabatlar sharoitida soliq deklarasiyasi soliq tizimining muhim tashkil 
etuvchisiga aylanib boradi. 

T 
Tadbirkor - foyda olish maqsadida tavakkalchilikka asoslanib, qonunchilik 
doirasida har qanday iqtisodiy faoliyat yurituvchi shaxs. 
Talab - iste’molchilarning ma’lum bir mahsulot va xizmatlarni ma’lum bir narxlar 
asosida sotib olishga bo’lgan iqtisodiy imkoniyatlari. Talab - ehtiyojning pul bilan 
ta’minlangan qismidir. 
Talab qonuni - talab hajmi va narxlar darajasi o’rtasidagi teskari bog’liqlikni 
ko’rsatuvchi iqtisodiy qonuniyat. 
Taklif - ishlab chiqaruvchi va xizmat ko’rsatuvchilarning bozorga ma’lum tovar va 
xizmatlarni ma’lum narxlar asosida sotishga olib chiqish imkoniyatlari. 
Taklif qonuni - taklif hajmi va narxlar darajasi o’rtasidagi to’g’ri bog’liqlikni aks 
ettiruvchi iqtisodiy qonuniyat. Talab va taklif qonunlari bozor iqtisodiyotining 
muhim qonunlari hisoblanadi. 
Talab narxi - xaridorlar tovar va xizmatlar uchun to’lashlari mumkin bo’lgan eng 
yuqori narx. 
Taklif narxi - tovar va xizmatlarni sotishda sotuvchilar tomonidan taklif etiluvchi 
eng past narx. Taklif narxining yuqori bo’lishi sotishdan tushgan pul 
tushumlarining yuqori bo’lishini ta’min etadi. 
Tuzilmaviy siyosat - iqtisodiyotning tarmoq tuzilmasini o’zgartirishga qaratilgan 
davlatning iqtisodiy siyosati. 
Tovar - o’zining almashuv va iste’mol qiymatiga ega bo’lgan va bozor orqali 
ayriboshlanadigan, yakuniy iste’mol uchun mo’ljallangan mahsulot. 
To’la bandlik - milliy iqtisodiyotda mavjud mehnat resurslarining iqtisodiyot 
sohalarida to’la band bo’lishi.

---

73