Iqtisodiyotimizda so‘nggi yillarda Vazirlar Mahkamasining 13 fevral 2009-yildagi majlisida ta’kidlaganidek

3.3 Саноат сувларини тайёрлаш
Саноат сувлари учун ҳам бегона аралашмаларининг миқдори нормадан юқори бўлмаслиги керак ва бу норма сувнинг кайси тармоғида ишлатилишига: қараб турлича бўлади. Масалан, тўғри оқимли буғ қазонлари учун ишлатиладиган сув таркибида козон кувурларини коррозияга учратувчи СО₂ ва О₂ бўлмаслиги ва қуруқ қолдиқ миқдори 0,2 - 0,3 мг,/л. дан ошмаслиги керак.
Козонларда буғ босимининг ортиши ҳам сувнинг тозалигига бўлган талабни кучайтиради. Масалан, I МПа босимда катиқлиги 0,36 мг/экв бўлган сувни ишлатиш мумкин бўлса, 6 МПа босимда эса сувнинг қаттиқлиги 0,01 мг/экв. дан ошмаслиги керак. 10 МПа босимда эса тўлиқ тузсизлантирилган ва кислороди мутлақо бўлмаган сув ишлатилади.
Саноат сувларини тайёрлаш қуйидаги операциялар: коагуляция тиндириш ва фильтрлаш, юмшатиш, тузсизлаш дистилаш ва деаэрациялаш орқали амалга оширилади. Коагуляция, тиндириш ва фильтрлаш жараёнлари, ичимлик сувини тайёрлашдагидек бажарилади. Юмшатиш бу сув таркибидаги қасмоқ чукинди ҳосил қилувчи котионларни Ca²⁺ ва Мg²⁺қисман ёки тўлиқ йўқотишорқали амалга оширилади.
Сувни юмшатиш уч хил: I. физикавий; 2. кимёвий; 3.физик кимёвий усуллар билан амалга оширилади.
Физик усул, бу сувни қайнатиш, дистиллаш ва музлатишга асосланган. Сув қайнатилганда муваққат қаттиқлик йўқолиши юқорида баён қилинган эди. Дистиллаш ва музлатиш орқали ҳам сув тузсизланади. Дистиллаш бу сувни қайнатиб, буғини конденсациялаб ажратиб олишга асосланган.
Сувни юмшатишнинг кимёвий усули, кимёвий реагентлар таъсирида ва ионларни боғлаб ажратишга асосланган. Кимёвий юмшатишнинг бир неча оҳакли, содали, натронли, фосфатли усуллари бор.
Оҳакли усулда, сувга сўндирилган оҳак таъсир этилади. Бунда муваққат қаттиқлик йўқолади, темир иони ва СО₂ ни боғлаб ажратиб олинади.
Са(НСО₃)₂ + Ca (OH)₂=2CaCO₃↓+2H₂O;
Mg(HCO₃)₂+Ca(OH)₂=CaCO₃↓+Mg(OH)₂↓++H₂O+CO₂
FeSO₄+Ca(OH)₂=Fe(OH)₂↓+CaSO₄↓
4Fe(OH)₂+O₂+2H₂O=4Fe(OH)₃↓
CO₂ + Ca (OH)₂=CaCO₃↓+H₂O

Содали усулда сувга кальцинацияланган сода қўшиб доимий қаттиқлик йўқотилади.

MgSO­₄+NaCO₃=MgCO₃↓+Na₂SO₄

MgCl₂+Na₂CO₃=MgCO₃↓+2NaCl
CaSO₄+Na₂CO₃=CaCO₃↓+Na₂SO₄
CaCl₂+Na₂CO₃=CaCO₃↓+2NaCl

Натрон усулда, баъзан қўлланилиб унда сувга уювчи натрий таъсир эттирилиб муваққат қаттиқлик йўқотилади.

Mg(HCO₃)₂+4NaOH=Mg(OH)₂↓+2Na₂CO₃+2H₂O

Ca(HCO₃)₂+2NaOH=CaCO₃↓+Na₂CO₃+H₂O

Реакция натижасида ҳосил бўлган сувнинг доимий қаттиқлиги йўқотишдаиштирок этади. (содали усулга қаранг).

Фосфатли усулда натрий фосфат билан ҳам муваққат, ҳам доимий қаттиқлик йўқотилади.

3Ca(HCO₃)₂+2Na₃PO₄=Ca₃(PO₄)₂↓+6NaHCO₃

3MgCl₂+ Na₃PO₄= Mg₃(PO₄)₂↓+6NaCl
3CaSO₄+ 2Na₃PO₄= Ca₃(PO₄)₂↓+ 3Na₂SO₄

Кальций вамагний фосфатларнинг эрувчанлиги жуда камлиги сабабли бу усулда қаттиқлик тўла 0.03 г. - экв/л гача йўқотилади. Аммо юқоридаги бошқа усуллардан кўра қимматга тушади. Оҳакли содали усулларда сув дағал юмшайди. 0.3 г. - экв/л гача.

Амалиётда сувнниг қаттиқлиги аввал арзон реагентлар ёрдамида, масалан, Са(ОН)₂ билан, сўнгра қаттиқликни тўлиқроқ йўқотиш учун Na₃ PO₄ дан фойдаланилади.
Кейинги йилларда ўзининг оддийлиги, юқори самарадорлиги ва иқтисодий арзонлиги сабабли физик-кимёвий, яъни ион алмашиниши усули кенг қўлланилмоқда. Ион алмашиниш усули билан сувни юмшатиш, сувдаги Ca²⁺ ва Mg²⁺ ионларини ўз котионларига алмаштириш хоссасига эга бўлган котионидлар ёрдамида қаттиқликни йўқотишга асосланган. Шундай хоссага эга бўлган бирикмаларини ионидлар дейилиб, улар котионид ва анионидларга бўлинади. Котионидлар таркибида одатда, ҳаракатчан натрий котиониди ёки водород котиониди сақлайди. Анионидлар эса ҳаракатчан гидроксил (ОН-анионит) группа сақлайди. Натрий котионит сифатида турли хилдаги алюмо-силикатлар: глоуконит, цеолит. Пермутит ва бошқалар, Н – катионити сифатида эса, сульурланган кўмир синтетик схемалардан фойдаланилади. ОН – анионитлар, сифатидан юқори молекуляр моддалар масалан карбомидли схемалар ишлатилади.
Сувни Na – канионит билан юмшатиш реакцияси тенгламасини қуйидагича ёзиш мумкин
Na(Kam)+Mg(HCO₃)₂=Mg (Kam)+2NaHCO₃
Na(Kam)+CaSO₄= Ca(Kam)+Na₂SO₄
Бунда (Кат) – катионитнинг алмашиниши реакциясида иштирок этмайдиган қисми.
Сувдаги барча тузларни йўқотиш (тузсизлаш) учун, сув навбат билан аввал Н – Катионитдан, сўнгра ОН – анионитдан ўтказилади:

2H(Kam)+CaSO₄= Ca(Kam)₂+H₂SO₄

H(Kam)+NaCl= Na(Kam)+HCl
2(AH)OH+H₂SO₄=(AH)­₂SO₄+2H₂O
(AH)OH+HCl=(AH)Cl+H₂O

Ион алмашиниш реакцияси қайтар бўлиб, ионитнинг ион алмашиниш хоссасини қайта тиклаш мумкин. Бунниг учун ион интрегенацияланади. Натрий катионитни ош тузининг эритмаси билан, водород катионитни минерал кислоталарнинг эритмаси билан регинерацияланади. Анионитлар эса ишқор эритмаси билан регинерацияланади. Ионит фильтрининг тузилиши 13-расмда берилган. У пўлатдан ясалган цилиндр симон корпус бўлиб тепаси гумбазсимон бекилган, остидан сув чиқадиган тешиги, тепасига яқин жойида, ён томонида сув кирадиган қувури бўлади. Унинг ичига остки қисмида метал чамбара (тўр) ўрнатилган бўлиб, унинг устига 2-4 м қалинликда ионит доначалари (шарчалар шаклида) солинган бўлади. Сув фильтрнинг тепасидан кириб, ионит орқали тозаланиб ўтади ва фильтрнинг остки қисмидан чиқариб олинади. Регинерациялашда эса тепа қисмидан ош тузи ишқор ёки кислота киради ва ионит орқали ўтиб уни регенирациялайди ва остидан чиқариб олинади. Деаэрациялаш бу сув таркибида бўлган газларда сувларни тозалаш бўлиб, икки хил физик ва кимёвий усуллар ёрдамида амалга оширилади. Физикавий усулда, сув қайнатилади, натижада сувда эриган газлар (СО₂ ва О₂) ажралиб чиқади. Сув деаэрацияланади. Кимёвий деаэрацияда сувга СО₂ ва О₂ ни бириктириб олувчи реагентлар қўшилади. Сувни кимёвий усулда юмшатилганда сув СО₂ дан тозаланади. Сувдаги кислород эса кучли қайтарувчилар (Na₂SO_3, N₂H₄ – гидрозин) қўшиш орқали бириктириб олинади.

Na₂SO₃ + O₂=2 Na₂SO₄
N₂H₄ + O₂=N₂+2H₂O