Ishlanadi ijtimoiy sug‘urta

5.4-§. «Covid-19» pandemiyasi sharoitida tibbiy sug‘urtaning amal qilish xususiyatlari

JSST 2020 yil 30 yanvarda dunyoda yangi koronavirus Covid-19 pandemiyasini eʼlon qildi. Covid-19 pandemiyasi jahondagi oxirgi ming yillikning 23 ta pandemiyasi bilan qiyosiy taqqoslasak, eng halokatli yigirmatalikka kirmaydi. «Deutsche Bank» tadqiqot mualliflari 100 ming kishining o‘limiga olib kelgan pandemiya va epidemiyalarni tahlil qilishdi. Ular 24 ta kasallik ro‘yxatini tuzdilar va ushbu kasalliklardan dunyo aholisining qanchasi o‘lganligini hisobladilar. Oxirgi maʼlumotlarga ko‘ra, «dunyoning 191mamlakatida 81 million kishi koronavirus bilan kasallangan. Ulardan 1 million 765 ming nafari vafot etgan»¹⁹⁶. So‘nggi yuz yillikda eng keng tarqalgan pandemiya 1918-1919 yillarda Birinchi jahon urushidan keyin tarqalgan «Ispaniya grippi» edi. Uning qurbonlari o‘sha yillarda dunyo aholisining 2,7 foizini tashkil etgan.

5.7-jadval
Dunyo axolisining pandemiya va epidemiyalarni oqibatlari tahlili

Yillar	Pandemiya nomi	Vafot etganlar	Dunyo aholisining vafot etganlari, jamiganisbatan foizda
541-542	Vabo	60 mln	28,51
1347-1351	Qora o‘lat	200 mln	42
1918-1919	Ispaniya grippi yoki «ispanka»	50 mln	2,72