Ishlanmalari

Bolalar uchun amaliy ish.

Tarbiyachi bolalarga xonadagi buyumlarning har biri qaysi shaklga o‘xshashini aytib chiqishni taklif qiladi.

Bolalar bilimlarini mustahkamlash uchun o‘yin: “Topgan-topaloq”.

Bolalar, hozir biz sizlar bilan “Topgan topaloq” o‘yinini o‘ynaymiz. Buning uchun sizlar 2 guruhga bo‘linasizlar.

Bolalar 2 guruhga bo‘linadilar. 1-guruhdagi bitta bola bironta buyumni ta’riflaydi. 2-guruhdagi bolalar maslahatlashib javobini aytadilar, ikkinchi bola 2-buyumni ta’riflab aytadi, yana uning javobini qarshi tomondagi guruh bolalari aytadilar.
Masalan: U to‘rtburchak shaklida unga har kuni odamlar qaraydi (ko‘zgu).

U uchburchak shaklida. Bu shakl baland, balandroq va juda baland joylarga joylashgan. U shu baland joyni va bizni yomg‘ir hamda qordan asraydi (uyning tomi).

Uning shakli to‘rtburchak. Uni onamiz har kuni ertalab cho‘ntagimizga solib qo‘yadi. U kir bo‘lganda yuvish kerak (ro‘molcha).

O‘yinda har bir to‘g‘ri javob uchun guruhlar yulduzcha bilan taqdirlanadi.