Ishlanmalari

Faoliyatning borishi:

Tarbiyachi: Bir kishining Ra’no degan qizi va Sardor degan o‘g‘li bor ekan. Bir kuni ularnikida nima bo‘libdi deng? Ra’noning Lolaxon degan qo‘g‘irchog‘i yo‘qolib qolibdi. Ra’no akasi Sardor bilan qo‘g‘irchoqni rosa qidirishibdi. Oxiri ular qo‘g‘irchoqni divanning tagidan topishibdi.

Ra’no: -Nimaga bu erga yashirinib olding?,-deb so‘ragan ekan. Qo‘g‘irchog‘i xafa bo‘lib,- Siz menga e’tibor bermay qo‘ydingiz, qarang ko‘ylaklarim yirtilib ketgan, uycham ham yo‘q. Men uycham bo‘lishini judayam xohlayman, debdi.

Sardor bilan Ra’no maslahatlashishibdi va Ra’no qo‘g‘irchoqqa yangi ko‘ylak tikib beradigan, Sardor bo‘lsa uycha yasab beradigan bo‘libdi.

Ra’no onasidan so‘rab sandiqchadan 2 xil gazlama olibdi. Biri mana bunday yupqa, yana biri mana bunday qalin. YUpqa gazlama qanday rangda ekan? (Qizil). Qalin gazlama qanday rangda ekan? (YAshil). Ikkala gazlamani qo‘g‘irchoqqa ko‘rsatishibdi. Qo‘g‘irchoqqa yupqa gazlama juda yoqibdi. Bolalar qaranglar yupqa gazlama engil bo‘ladi. Ushlaganda barmoqlarimiz bir-birini sezadi. Bolajonlar, sizlar ham oldingizdagi yupqa gazlamani ushlab ko‘ringlar. Qalin gazlama og‘ir bo‘ladi, ushlaganda barmoqlarimiz bir-birini yaxshi sezmaydi. Ra’no yupqa gazlamadan ko‘ylakcha tikib, qo‘g‘irchoqqa kiydirib qo‘yibdi. Ko‘ylakcha qo‘g‘irchoqqa juda yarashibdi.

Sardor qo‘g‘irchoqqa uychani nimadan yasasam ekan, deb rosa o‘ylabdi. Uychani qog‘ozdan yasamoqchi bo‘libdi. YUpqa va qalin qog‘ozlar olib kelibdi, lekin qog‘ozdan yasalgan uycha tez buzilishi mumkin, deb o‘ylabdi. Bolalar, Sardor to‘g‘ri o‘ylabdimi? Ha, to‘g‘ri o‘ylabdi.

Keyin qalin va yupqa taxtalarni olib kelibdi. Qaranglar, bolalar, mana bunaqa qalin va yupqa taxtalar. Sardorbek shu taxtalardan uycha yasab beribdi. Ra’noning qo‘g‘irchog‘i juda xursand bo‘libdi. Ra’no bilan Sardorning o‘zlari ham juda xursand bo‘lishibdi.