Қишлоқ хўжалик фитопатологияси фанининг мақсади ва вазифалари

Ток касалликлари ва уларга қарши кураш чоралари 
Ун-шудринг ёки оидиум касаллиги қўзғатувчиси Uncinula necator Burril замбуруғи бўлиб 
Erysiphales тартибига мансубдир. Касаллик асосан Маркзий Осиёда кенг тарқалган бўлиб, токнинг 
куртак, барг, поя ва мевасини касаллантириб катта иқгисодий зарар етказади. Касалланган 
ўсимлик қисмлари оқ-кулранг, қўнғир ранг ғубор билан қопланиб мицелий ва конидиялар билан 
ўралган бўлади 
Касалликни асосий белгиси куртак ва ёш новдаларда пайдо бўлиб, унинг усти мицелий ва 
конидиялар билан қопланади. Новдаларда мицелийларни пайдо бўлиши эрта баҳордан гуллашгача 
ёки гуллашдан кейин ҳам бўлади. Касалликни асосий манбалари ўсимлик қолдиқларидаги 
замбуруғни мицелийлари ҳисобланади. Касалликни эрта пайдо бўлиши натижасида мева 
ривожланмайди, қурийди ва тушиб кетмайди. Касалликни кеч пайдо бўлиши натижасида узумбош 
мевасини ёрилиб кетишига олиб келади. Новдаларда оқиш ипсимон ғубор ҳосил бўлади. Баргнинг 
ҳар икки томонида оқиш ғубор ҳосил бўлади. Кейинчалик бу ғуборлар қўнғир рангга айланади. 
Касалликга оқ мускат, тоифи, ҳусайни ва каттакўрғон навлари берилувчан бўлади. 
Касаллик қўзғатувчисини ривожланиши учун оптимал намлик 70% ни ташкил этади. Замбуруғни 

---

138 
мицелийлари 11-12°С да ўса бошлайди, 18-25°С да яхши ривожланади. Инфекция манбаи 
касалланган новда ва куртак пўстидаги мицелийлар ҳисобланади. 
Кураш чоралари: Экиш учун тайёрланадиган новдаларни соғлом ўсимликлардан олиш, 
хомтокни сифатли ўтказиш, куртак чиқариш вақтидан бошлаб фунгицидлардан фойдаланишни 3-4 
марта ўтказиш керак. Бунда олтингугурт кукунини 20-25 кг дан гектарига чанглатиши керак. 
Байлетонни 25 % намланувчи кукунидан 0,15-0,3 кг/га, Вектрани 10 % ли суспензиясидан 0,3 л/га, 
25 % ли Импактни суспензиясидан 0,1-0,15 л/га, Каратан-ЛЦ ни эмульсион концентратидан 1,0- 
1,5 л/га, Олтингугуртни 80 % ли намланувчи кукунидан 9-12 кг/га, Сапрольни 20 % ли эмульсион 
концентратидан 1,0-1,5 л/га, Бамперни эмульсион концетратидан 0,25 л/га, 10% Топазни
эмульсион концетратидан 0,2 -0,25 л/га, Топсин –М 70 % намланувчи кукунидан 1, кг/га, Фоликур 
БТ ни 22,5 % гидан 0,5 л/га пуркалади.