Islom ummatining mashhur bahodirlari

28. Julaybib Ansoriy roziyallohu anhu.  

U  ansorlarning  bahodirlaridan  edi.  Julaybib  Rosululloh 

sollallohu  alayhi  vasallam  bilan  birga  bir  g‘azotda  qatnashib, 

ajoyib  jasoratlar  ko‘rsatdi  va  shu  jangda  shahid  bo‘ldi.  Jang 

musulmonlarning  g‘alabasi  bilan  tugadi.  Rosululloh  sollallohu 

alayhi vasallam ashoblaridan: 

    – Biror kishini yo‘qotmadingizmi? – deb so‘radilar. 

    – Yo‘q, – deb javob berishdi ular.  

    – Lekin men Julaybibni ko‘rmayapman, uni axtaringlar,  – 

dedilar  Rosululloh  sollallohu  alayhi  vasallam.  Uni  axtarishib 

etti mushrikning jasadi o‘rtasida topdilar. Rosululloh sollallohu 

alayhi vasallam: 

    –  Ettitasini  o‘ldiribdi,  keyin  uni  o‘ldiribdilarmi?  Bu 

mendan,  men  esa  undanman,  –  dedilarda  qabr  kovlab 

bo‘lingunicha  uni  ikki  bilaklariga  qo‘yib  turdilar.  Keyin  uni 

yuvmasdan dafn qildilar.