Исроилжон пўлатов, Ҳикматхон аҳмедова

ТИЛ ВА НУТҚ


I машғулот. ТИЛНИНГ ИЖТИМОИЙ МОҲИЯТИ

Дарснинг мақсади: а) таълимий мақсад. Талабаларга тил-нинг ижтимоий ҳодиса эканлиги, тил ва тафаккур бирлиги ҳақида билим ва кўникмалар бериш;

б) тарбиявий мақсад. Талабаларда она тилига бўлган меҳр-муҳаббатни уйғотиш;
в) ривожлантирувчи мақсад. Келажакда талабалардан саводхон шахсни тарбиялаш.
Дарснинг жиҳози: дарслик, қўшимча адабиётлар, маъруза мат-ни, тарқатма материаллар, кўргазмали восита.
Дарснинг бориши: Ташкилий қисм. Саломлашиш, Давлат мадҳиясини айтиш, навбатчи ахбороти.
Ўқитувчи: Ҳурматли талабалар. Бугунги дарсимиз биринчи дарс бўлганлиги учун бу дарсимизни Ватанимиз ҳақидаги суҳбат билан бошлаймиз.
Азиз талабалар, биз Ўзбекистон дея аталмиш жаннатмакон юрт-да яшаймиз. Жаннатмакон ўлкамизнинг ҳар бир куни байрам, ҳар бир куни шодиёна. Келинг, фурсатдан фойдаланиб, мустақил Ўзбе-кистонимиз ҳақида суҳбат қурайлик.
– Ўзбекистон қачон мустақилликни қўлга киритган?
– Ўзбекистон 1991 йил 31 августда ўз мустақиллигини эълон қилган, 1 сентябр кунини байрам қилиб нишонлаймиз.
– Давлатимиз рамзлари ҳақида нималар биласиз?
– Давлат рамзлари Ўзбекистон Республикасининг Конституция-сида белгиланган бўлиб, байроқ, герб ва мадҳия ҳисобланади.
– Қандай миллий байрамларимизни биласиз?
– Рўза ҳайит, Қурбон ҳайит, Янги йил, Наврўз, Мустақиллик байрамлари юртимизда кенг миқёсда нишонланади.
– Талабалар, куни кеча республикамизда қайси байрамни
нишонладик?
– Мустақиллик байрамини нишонладик.
– Демак, Ўзбекистон мустақилликка эришган экан, у биз санаб ўтган рамзлардан ташқари яна нималарига эга?
– Ўз Давлат тилига, Миллий валютасига.
– Тўғри. Қани, айтинглар-чи, Ўзбек тилига қачон Давлат тили мақоми берилган?

• 
  Ўзбек тилига Давлат тили мақоми 1989 йил 21 октябрда бе-
  

рилган.
– Азиз талабалар, биз бугунги дарсимизда ана шу тилнинг иж-тимоий моҳияти ҳақида суҳбатлашамиз.