Isroiljonov jamshidbekning yuridik psixologiya fanidan jinoyatchi shaxsini o

O‘ZBEKISTON RESPUBLIKASI
OLIY VA O‘RTA MAXSUS TA’LIM VAZIRLIGI
FERG’ONA DAVLAT UNIVERSITETI
PEDAGOGIKA-PSIXOLOGIYA FAKULTETI
PSIXOLOGIYA YO’NALISHI
ISROILJONOV JAMSHIDBEKNING
YURIDIK PSIXOLOGIYA FANIDAN

• 
  JINOYATCHI SHAXSINI O‘RGANISH
  

PSIXOLOGIYASI»
Mavzusidagi
KURS ISHI


ILMIY RAHBAR ____________________
FARG’ONA -2023.
REJA:
Kirish
I-bob. Jinoyatchi shaxsi psixologiyasini o’rganishning nazariy axamiyati
I.1.G’ayriijtimoiy xulq va «normadan chetga chiqish» tushunchasi
I.2.Jinoyatchi shaxsi va uning o’ziga xos psixologik xususiyatlari
I.3.Jinoyatchi shaxs tipologiyasi
I BOB bo’yicha xulosa.
Ii-bob. Alohida toifadagi jinoyatchi shaxslarning psixologik xususiyatlari
II.1.G’arazli jinoyatlarni sodir etuvchi shaxslar toifasi
II.2.Zo’ravonlik jinoyatlarini sodir etuvchi shaxslar toifasi.
II BOB bo’yicha xulosa.
Xulosa
Foydalanilgan adabiyotlar


KIRISH


Kurs ishining dolzarbligi: O’zbekiston Respublikasi mustaqillikka erishganidan so’ng bozor iqtisodiyoti munosabatlariga asoslangan huquqiy demokratik davlat va adolatli fuqarolik jamiyatini barpo etishni maqsad qilib qo’ydi. Ushbu maqsadga erishishda, eng avvalo, jamiyatda jamoat tartibini saqlash va xavfsizlikni ta’minlash, jinoyatchilikning oldini olish va unga qarshi kurashish sohasidagi muammolarni hal qilish asosiy vazifalardan biridir.
Birinchi prezidentimiz Islom Karimov ta’kidlaganidek, “mamlakatimizni demokratik yangilashning bugungi bosqichdagi eng muhim yo’nalishlaridan biri bu – qonun ustuvorligi va qonuniylikni mustahkamlash, shaxs huquqi va manfaatlarini ishonchli himoya qilishga qaratilgan sud-huquq tizimini izchil demokratlashtirish va liberallashtirishdan iboratdir. Bir so’z bilan aytganda, yurtimizda huquqiy davlat asoslarini yanada takomillashtirish va aholining huquqiy ongi va madaniyatini yuksaltirish biz uchun hal qiluvchi vazifa bo’lib qolmoqda”.
Shu ma’noda, jinoyatchilikning sodir etilishi demokratik huquqiy davlat qurish va erkin fuqarolik jamiyatini barpo etishga, jamiyatda aholining tinch, osoyishta, farovon hayot kechirishiga hamda jamiyatda har tomonlama yetuk, bilimli, mustaqil fikrlaydigan, ma’naviy-ruhiy jihatdan komil insonni shakllantirishga to’sqinlik qiladi.