Иссиқлик алмашиниш қурилмалари ва буғ Қозонлари ва турбиналарининг ишлаш принциплари ва конструкциялари таянч сўз ва иборалар
Download 1.94 Mb. Pdf ko'rish
|
12- маъруза (21.03.2020 й.) (2)
|
12 маъруза ИССИҚЛИК АЛМАШИНИШ ҚУРИЛМАЛАРИ ВА БУҒ ҚОЗОНЛАРИ ВА ТУРБИНАЛАРИНИНГ ИШЛАШ ПРИНЦИПЛАРИ ВА КОНСТРУКЦИЯЛАРИ ТАЯНЧ СЎЗ ВА ИБОРАЛАР Иссиқлик алмашиниш ускуналари, иссиқлик ташувчи агентлар, юзали иссиқлик алмашгичлар, аралаштирувчи иссиклик алмашгичлар, регенератив иссиқлик алмашгичлар, иситкичлар, совиткичлар, буғлаткичлар, конденсаторлар, қобиқ-қувурли иссиқлик алмашгичлар, қобиқ, қувурлар тўплами, қувур тўри, қопқоқ, фланец, развальцовка, пайвандлаш, сальникли қистирма, патрубка, бир йўлли ѐки кўп йўлли қобиқ-қувурли иссиқлик алмашгичлар, линзали иссиқлик алмашгичлар, ҳаракатчан қалпоқчали иссиқлик алмашгичлар, U–симон қувурли иссиқлик алмашгич, қўш қувурли иссиқлик алмашгич, намланувчи иссиқлик алмашгич, змеевикли иссиқлик алмашгич, пластинали иссиқлик алмашгич, спиралсимон иссиқлик алмашгич, ғилофли иссиқлик алмашгич, қиррали иссиқлик алмашгич, аралаштирувчи иссиқлик алмашгичлар, конденсаторлар, барометрик конденсатор, регенератив иссиқлик алмашгичлар, юзали иссиқлик алмашгичларни ҳисоблаш, иссиқлик ҳисоби, конструктив ҳисоблаш, гидравлик ҳисоблаш. УМУМИЙ ТУШУНЧАЛАР Нефть ва газни қайта ишлаш саноатида суюқлик ва газларни иситиш ва совитиш, буғларни конденсациялаш каби иссиқлик жараѐнлари кенг тарқалган. Бундай жараѐнлар иссиқлик алмашиниш ускуналарида амалга оширилади. Иссиқлик алмашиниш жараѐнларида қатнашувчи моддалар иссиқлик ташувчи агентлар деб юритилади. Юқори ҳароратга эга бўлиб, ўзидан иссиқликни иситилаѐтган муҳитга берувчи моддалар иситувчи агентлар деб юритилади. Совитилаѐтган муҳитга нисбатан паст ҳароратга эга бўлган ва ўзига муҳитдан иссиқликни олувчи моддалар совитувчи агентлар деб аталади. Нефть ва газни қайта ишлаш технологиясида кўпинча бевосита иссиқлик манбаси сифатида ѐқилғиларнинг ѐнишидан ҳосил бўлган газлар ва электр энергияси ишлатилади. Бундай бевосита иссиқлик манбаларидан иссиқлик олиб, ўзининг иссиқлигини ускуналарнинг деворлари орқали иситилаѐтган муҳитга берувчи моддалар оралиқ иссиқлик ташувчи агентлар деб аталади. Оралиқ иссиқлик ташувчи агентлар қаторига сув буғи, иссиқ сув ва юқори ҳароратли иссиқлик ташувчи моддалар (қиздирилган сув, минерал мойлар, органик суюқликлар ва уларнинг буғлари, суюлтирилган тузлар, суюқ металлар ва уларнинг қотишмалари) киради. Оддий ҳароратгача (10÷30 0 С) совитиш учун сув ва ҳаво каби совитувчи агентлар кенг ишлатилади. Иссиқлик алмашиниш ускуналарида иссиқликни бериш ѐки олиш учун қўлланиладиган агентларни танлашда уларнинг қуйидаги хоссаларига аҳамият берилади: 1) керакли муҳитни иситиш ѐки совитиш даражаси ва уни бошқариш имконияти; 2) минимал массавий ва ҳажмий сарфларда юқори иссиқлик алмашиниш тезлигига эришиш; 3) қовушоқлиги кам, зичлик, иссиқлик сиғими ва буғ ҳосил бўлиш иссиқлиги юқори; 4) ѐнмайдиган, заҳарсиз, иссиқликка чидамли бўлгани маъқул; 5) иссиқлик алмашиниш ускунаси тайѐрланган материални бузмаслиги керак; 6) камѐб бўлмаслиги ва арзон бўлиши зарур. Кўпчилик шароитларда иситувчи агентлар сифатида ишлаб чиқаришдан чиқаѐтган маҳсулотлар, ярим маҳсулотлар ва чиқиндиларнинг иссиқликларидан фойдаланиш иқтисодий жиҳатдан мақсадга мувофиқдир. Саноатда иссиқлик алмашиниш жараѐнлари қуйидаги мақсадлар учун олиб борилади: 1) жараѐн ҳароратини берилган даражада ушлаб туриш; 2) совуқ маҳсулотларни иситиш ѐки иссиқ маҳсулотларни совитиш; 3) буғларни конденсациялаш; 4) эритмаларни қуйилтириш ва ҳоказо. Бу жараѐнлар алоҳида олинган иссиқлик алмашиниш ускуналарида ѐки технологик ускуналарнинг ўзида амалга оширилади. Иссиқлик алмашиниш ускуналари умуман олганда иккига бўлинади: иссиқлик алмашиниш ускуналарининг ўзи ва реакторлар. Иссиқлик алмашиниш ускуналарида иссиқлик алмашиниш асосий жараѐн ҳисобланади. Реакторларда эса физик-кимѐвий жараѐнлар асосий ҳисобланиб, иссиқлик алмашиниш эса ѐрдамчи жараѐндир. Нефть ва газни қайта ишлаш ва кимѐ саноатлари корхоналарида қўлланиладиган технологик ускуналарнинг катта бир улушини иссиқлик алмашиниш ускуналари ташкил қилади. Кимѐ саноатида ишлатиладиган иссиқлик ускуналари умумий ускуналарнинг ўртача ҳисобда 15-18 % ни ташкил этса, нефть ва газни қайта ишлаш саноатида эса бу рақам 50 % га тенг. Саноатда турли-туман иссиқлик алмашиниш ускуналари қўлланилади. Иш принципига кўра иссиқлик алмашиниш ускуналари уч турга бўлинади: 1) юзали иссиқлик алмашгичлар; 2) аралаштирувчи иссиқлик алмашгичлар; 3) регенератив иссиқлик алмашгичлар. Нефть ва газни қайта ишлаш саноатида кенг ишлатиладиган қувурли печлар алоҳида турни ташкил этади. Бу ҳақда тўлиқ маълумот 9-бобда келтирилган. Юзали иссиқлик алмашгичларда иссиқлик ташувчи агентлар бир-бири билан девор орқали ажратилган ва иссиқлик биринчи иссиқлик ташувчи муҳитдан иккинчисига уларни ажратувчи девор орқали ўтади. Аралаштирувчи ускуналарда иссиқлик ташувчи агентларнинг ўзаро тўқнашуви ва аралашуви натижасида иссиқликнинг алмашиниши юз беради. Регенератив иссиқлик алмашгичларда қаттиқ жисмдан ташкил топган бир хил юза навбат билан турли иссиқлик ташувчи агентлар билан контактда бўлади. Қаттиқ жисм унга тегиб ўтган иссиқлик ташувчидан иссиқлик олиб исийди; бошқа иссиқлик ташувчи ўтганда эса қаттиқ жисм ўз иссиқлигини унга бериб совийди. Иссиқлик алмашиниш ускуналари қуйидаги белгиларга кўра синфланади: конструктив тузилиши бўйича-қувурдан қилинган ускуналар (қобиқ-кувурли, «қувур ичида қувур», змеевикли ва бошқалар); иссиқлик алмашиниш юзаси листли материалдан тайѐрланган ускуналар (пластинали, спиралсимон ва бошқалар); иссиқлик алмашиниш юзани тайѐрлашда нометал материаллар(графит, пластмасса, шиша ва ҳоказо) дан фойдаланилган ускуналар. Ишлатилиш мақсадига кўра – совуткичлар, иситкичлар, буғлаткичлар, конденсаторлар. Иссиқлик ташувчи агентлар ҳаракатининг йўналишига кўра – тўғри, қарама-қарши, кесишган ва ҳоказо йўналишли ускуналар. Саноат ускуналарида иссиқлик алмашинишнинг шарт-шароитлари ҳар хил бўлади. Иссиқлик алмашиниш ускуналари турлича агрегат ҳолат (газ, буғ, томчили суюқлик, эмульсия ва ҳоказо), ҳар хил ҳарорат ва босим қийматлари ҳамда маълум физик-кимѐвий хоссаларга эга бўлган иш муҳитлари учун мўлжалланган бўлади. Бунинг учун маълум бир жараѐн учун ҳақиқий шарт- шароитни ҳисобга олган ҳолда тегишли иссиқлик алмашгич танлаб олинади. Download 1.94 Mb. Do'stlaringiz bilan baham: 
|