Issiqlik almashinish qurilmalarini

Havo bilan sovitiladigan kondensator - sovutkichlar. Bu turdagi 
sovutkichlar keng tarqalmokda. Ularni montaj kilish va taʼmirlash nisbatan sodda 
va ortiqcha sarf talab qilmaydi. 
Qurilmalar tayyorlovchi zavod tomonidan kontrol yig‘ishdan so‘ng, 
qismlarga ajratilgan holda yuboriladi. Shuning uchun montaj vaqtida, qoidasi 
bo‘yicha moslash shart emas. Tayyor poydevorga avval kran yordamida 
elektrodvigateli burchak reduktori o‘rnatiladi. Bunda elektrodvigatel reduktori va 
rotorli vallarning markazlashuvi aniq bo‘lishiga alohida eʼtibor beriladi. 
Reduktorning chiqish o‘qi qatʼiy vertikalligini poydevor va mahkamlashning 
barcha boltlarini oxirigacha tortib bog‘lamdan so‘ng tekshiriladi. Valga ventilyator 
g‘ildiragi o‘rnatilib, mahkamlanadi. So‘ngra metallokonstruksiyalar montaj 
qilinadi, poydevorga boltlari bilan mahkamlanadigan ustun panjaralari montaj 
qilinadi. Metallokonstruksiyalarning yuqorigi tayanch to‘sinlarini gorizantalligi 
tekshiriladi, ularga qurilmalarning seksiyalari taxlangan bo‘ladi. 
Seksiyaning qiya joylashgan holatida, bundan tashqari yuqorigi va quyi 
to‘sinlarning eng yuqori belgilari o‘rnatiladi. 
Bir necha qismlardan iborat bo‘lgan ventilyator qobig‘ini, ko‘tarilgunga 
qadar yerda yig‘iladi, so‘ngra metallokonstruksiyalarga panjalari bilan o‘rnatiladi 
va unga boltlar bilan qattiq mahkamlanadi. 
Yig‘ishning oxirgi etaplari - qurilmaning truba seksiyalarini o‘rnatish, ularni 
trubalar bilan bog‘lash, yuqorigi nuqsonlarni o‘rnatish, havoni namlagichlar va 
boshqa detallar o‘rnatiladi. 
Montaj tugagandan so‘ng, trubali seksiyalarni, ularni bog‘lovchi truba 
quvurlari bosim ostidagi suv bilan tekshiriladi, ventilyator esa, turli aylanish 
tezliklarida va karraklarning burchaklari turlicha bo‘lganda sinaladi. 
Havo bilan sovitiladigan kondensatorlar quyidagi hollarda taʼmirlanadi: 
truba seksiyalari ishdan chiqqanda, (bu muhitning seksiyadan chiqib ketishi bilan 
aniqlanadi); yuritmaning ventilyator g‘ildiragi reduktorning nosozligi; to‘qilgan 
muhofazalovchi setkaning yirtilishi. 
Qovurg‘alangan trubalarning nuqsonli seksiyalari sozlanganlariga 
almashtiriladi yoki vaqtincha planli taʼmirlashga to‘xtatilgunga qadar, 
kollektorlardan yopib (uzib) qo‘yiladi. Zaxira seksiyalari bo‘lmagan hollarda olib 
kuyilgan seksiyadagi yemirilgan trubalar har ikki tomondan konussimon metall 
tiqinlar bilan yopib qo‘yiladi, so‘ngra seksiyani yarim marotaba ishchi bosimda 
bosim bilan tekshiriladi. 
Ishdan chiqqan muhofazalovchi setkani havo oqimi parraklarda va seksiya 
qovurg‘alangan trubalar yuzalarida tasodifan bo‘lishi mumkin bo‘lgan qattiq 
zarrachalar bilan zararlanmasligi uchun taʼmirlanadi. Shuningdek, xizmat 
personalining xavfsizligini taʼminlaydi. 
Ichki yuzalar tez-tez tozalanadi, zarurat tug‘ilganda ular suv bilan yuviladi 
yoki kimyoviy tozalashga yuboriladi. Mexanik tozalash ham bundan mustasno 
emas. Tashqi yuzalarni chiqindilardan kuchli siqilgan havo oqimi bilan yoki mayda 
qumdan iborat suv oqimi yordamida tozalanadi. 

---