Issiqlik almashinish qurilmalarini

Qurilma va yirik bloklarini yig‘ish. 
Yirik o‘lchamli kolonna qurilmalarini alohida tarkibiy qismlari yig‘ish 
maydonchasiga olib kelinadi, uni loyihaga muvofiq yig‘ma qurilma o‘rnatishi 
lozim bo‘lgan joyga mumkin qadar yaqinroqqa joylashtiriladi. Yig‘ish 
maydonchasi stentlar, o‘chirgichlar, payvand avtomatlari, ko‘tarma - transport 
mexanizmlari bilan qurilmalanadi. Bu yerda qurilmani tayyor bloklardan yig‘ish 
yoki yirik bloklarni qism yoki detallardan yig‘ish ishlari amalga oshiriladi. 
Aytib o‘tilganidek, kolonna qurilmalari gorizontal holatda yig‘iladi. Buning 
uchun alohida blokni (silindr qismlarini) yig‘uvchi stentdagi aylanuvchi g‘altaklar 
(rolgang) bilan yoki chegaralovchi tayanchlari bor shpalalarga taxlanadi. Har bir 
tutashtiriluvchi qism ostidagi tayanchlar sonini qurilmaning kesimi va og‘irligidan 
kelib chiqqan holda tanlanadi. Tayanch oralig‘idagi masofa odatda 5 m dan 
oshmaydi. 
Qurilmaning tutashtiriluvchi qismlarini bir-biriga truba yotqizgichlar yoki 
traktorlar yordamida tortiladi. Barcha tutashuvlar butun perimetr bo‘ylab bir-biriga 
to‘g‘ri kelishi uchun tutashuvchi qismlardan istalgan bittasini qirrasiga 8 ta yoki 
undan ortiq yo‘naltiruvchi plankalar payvandlanadi (4.6-rasm.). Payvand choklari 
nuqtali payvandlangandan so‘ng ular gaz kislorodli keskich bilan kesib tashlanadi. 
Bunday yo‘naltiruvchi plankalarni vertikal holatda bitta blokni ikkinchisiga 
o‘rnatilayotganda ham (blok bilan montaj qilishda) qo‘llanadi. Tutashtiruvlarni 
zavod nazorat belgi chizmalari bo‘yicha yoki kran bo‘yicha amalga oshiriladi, bu 
belgi chiziqlari qobiqlarga chizilgan bo‘lib, ularni diqqat bilan o‘rniga qo‘yiladi, 
shu detallardagi markirovka bo‘yicha ham o‘rniga qo‘yiladi. Tutashuvchi 
uchastkalar o‘lchamlardan chetlanish ruxsat etilgan norma chegaralarida bo‘lishi 
kerak: xalqali choklardagi qirralar siljishi, qurilma listi qalinligi 10% dan 
oshmasligi kerak, ikkilamchi po‘lat bo‘lganda esa qoplanayotgan qoplam 
qalinligidan oshmasligi kerak. Tutashuvlarni moslash, masalan, joydagi tortish, 
ulashish, nasadka orqali moslashlarni mashinasozlik zavodida qo‘llanadigan 
asboblar va moslamalar: vintli qiskichlar (4.7-rasm), tortuvchi ponalar (4.8-rasm) 
va boshqalar bilan amalga oshiriladi. 
Payvandlanayotgan tutashuvlardagi zararlarni diqqat bilan nazorat qilinadi, 
ular obechaykalar listlari qalinliklariga bog‘liq bo‘lmagan holda 2-4 mm 
chegaralarda bo‘lishi kerak. Payvandlanayotgan qirralarni metall shchyotka 
yordamida yaxshilab tozalanadi. Ilashib olishni, xuddi butkul payvandlash kabi 
loyihada ko‘rsatilgan elektrodlarda amalga oshiriladi. 

---