Иқтисодиёт Ишсизлик даражаси қандай аниқланади?

ЙЎНАЛИШЛАР КЕСИМИДА САВОЛЛАР ТЎПЛАМИ


Қурилиш йўналиши бўйича


1. Бино билан иншоотнинг фарқи нимада?
Жавоб: Бино — функционал мақсадига қараб одамлар яшаши ёки бўлишига ва ҳар хил турдаги ишлаб чиқариш жараёнларини бажаришга мўлжалланган, ёпиқ ҳажмни ташкил этувчи таянч, тўсма ёки ҳар иккала мақсадга хизмат қилувчи конструкциялардан иборат қурилиш тизими
Иншоот — ҳар хил турдаги ишлаб чиқариш жараёнларини бажаришга, материаллар, буюмлар, асбоб-ускуналарни сақлашга, одамларнинг вақтинча бўлишига, одамлар, юклар ва бошқа нарсаларни олиб ўтишга мўлжалланган, таянч, тўсма ёки ҳар иккала мақсадга хизмат қилувчи конструкциялардан иборат ҳажмий, ясси ёки чизиқ тарзидаги қурилиш тизими.


2. Енгил турдаги қурилмалар нима?
Жавоб: енгил конструкциялардан барпо этилган, чуқурлаштирилган пойдеворларга ва ер ости иншоотларига (0,5 метрдан кўп) эга бўлмаган, бузиб олиб (бартараф этиб) кўчиришга имконияти мавжуд объект.


3. Вақтинчалик қурилмалар нима?
Жавоб: объектлар қуриладиган, реконструкция қилинадиган ва таъмирланадиган, дала ишлари (геодезия, қишлоқ ҳўжалиги, ўрмончилик, балиқ кўпайтириш ва бошқалар) бажариладиган мавсумий савдо, умумий овқатлантириш, ўқитиш ва бошқа жараёнлар даврида махсус барпо этиладиган ёки мослаштириладиган ҳамда улардан фойдаланиш зарурати бўлмаганда бартараф этиш (бузиш) имконияти мавжуд бўлган капитал ҳисобланмаган ишлаб чиқариш, омбор сифатида ишлатиладиган, ёрдамчи турар жой ва жамоат капитал хисобланмаган бино ва иншоотлар.
4. Шаҳарсозлик асоси нима ҳисобланади?
Жавоб: Шаҳарсозликнинг нормалари ва қоидалари


5. Аҳоли пунктлари қандай турларга бўлинади?
Жавоб: Шаҳар аҳоли пунктлари ва қишлоқ аҳоли пунктлари


6. Шаҳарсозлик фаолияти соҳасидаги махсус ваколатли давлат органи ким ва унинг ҳуқуқи, вазифалари нимадан иборат?
Жавоб: Шаҳарсозлик кодексининг 21-моддасига асосан Ўзбекистон Республикаси Қурилиш вазирлиги шаҳарсозлик фаолияти соҳасидаги махсус ваколатли давлат органидир.