"Иқтисодиёт ва инновацион технологиялар" илмий электрон журнали. №1, январь-февраль, 2019 йил

Мавзуга оид адабиётлар таҳлили 
Тадқиқот давомида юқорида таъкидланган ахборот технологияларига оид 
дастлабки маълумотлар академик М.Т.Ўрозбоев ташаббуси билан фанга киритилган 
бўлиб, биринчи марта В.И. Романовский номли математика институти қошида 
Ҳисоблаш техникаси бўлими очилган[3]. Академик С.С.Ғуломов ҳам ахборот 
технологияларини ривожланишида қатор тадқиқот ишларини олиб борган[3]. 
Академик 
В.Қ.Қобулов 
фикрига 
кўра 
“Иқтисодий 
кибернетика-машина 
технологияларига асосланган ҳолда ижтимоий-иқтисодий жараёнларни ўрганадиган 
янги 
фанга 
айланмоқда” 
[3]. 
Корхоналарда 
ахборот 
технологияларини 
ривожлантириш юзасидан Ўзбекистон Республикасининг “Ахборотлаштириш 
тўғрисида”ги қонунида[4], “Электрон ҳукумат тўғрисида”ги қонунида[5], “Электрон 
рақамли имзо тўғрисида”ги[6] қонунларида ҳам алоҳида тўхталиб ўтилган.
Ҳозирги пайтда мамлакатимиз иқтисодчи олимлари ахборот-коммуникация 
соҳасида инновация ва инновацион фаолиятни бошқариш ҳамда янада 
такомиллаштириш бўйича иқтисодчи олимлар А.Н.Арипов[7], А.М. Кадиров, К. 
Шакирова [8], М.А.Махкамова[9] ва бошқа олимларнинг илмий-тадқиқот ишларида 
ёритилган. 
Умуман олганда, келтириб ўтилган мутахассис олимлар томонидан 
корхоналарга ахборот-коммуникация технологияларини жорий қилиш устида иш 
олиб борилган бўлиб, корхоналарда ахборот-коммуникация технологияларини 
самарали ривожлантириш мавзуси доирасида тадқиқотлар олиб бориш зарурлигини 
тақозо этади. Бу эса ўз навбатида танланган мавзунинг долзарблигини белгилайди. 
Тадқиқот методологияси 
Мақолада мавзу доирасидан келиб чиққан ҳолда илмий ва назарий 
ёндашувлар ўрганилиб, мушоҳада қилинган. Тадқиқотда қўйилган мақсадга эришиш 
учун йўналиш танлаб олинган. Бирламчи ҳамда иккиламчи маълумот манбаларини 
чуқур ўрганиш ва асослаш учун тадқиқот стратегияси белгилаб олинган. Мақолани 
ёзишда тадқиқот методологиясининг экспериментал, умумлаштириш каби 
усулларидан фойдаланилди.