Ўқитувчи М.Қосимов Транспорт соҳасида амалга оширилаётган ижтимоий – иқтисодий, сиёсий ислоҳотлар ва соҳа истиқболлари

Автомобил ташувчилар фаолиятини тартибга солувчи халқаро конвенсиялар ва битимлар:

• 
  Йўл ҳаракати, йўл белгилари ва сигналлари тўғрисидаги конвенсиялар ва битимлар;
  
• 
  божхона конвенсиялари;
  
• 
  юкларни халқаро йўлларда ташиш шартномаси тўғрисидаги Конвенсия (ЮТК) Баёни;
  
• 
  Йўловчилар ва багажларни, шунингдек юкларнинг айрим турларини халқаро автомобилда ташиш тўгʻрисидаги битимлар;
  
• 
  халқаро автомобилда ташишларни амалга оширадиган транспорт воситалари экипажларининг ишига тааллуқли бўлган Европа битими (ТВЕБ);
  
• 
  халқаро автомобил транспорти ва литсензиялаш тизимини ҳуқуқий тартибга солиш;
  
• 
  халқаро йўл ҳаракати бўйича икки томонлама ҳукуматлараро битимлар;
  
• 
  кўп томонлама конвенсиялар ва битимлар;
  
• 
  транспортни мониторинг қилишнинг ягона тизими (ЭСМТ);
  
• 
  ички автотранспорт қонунчилиги нормалари.
  

ТАШУВЧИНИНГ ҲУҚУҚ ВА МАЖБУРИЯТЛАРИ


Ўзбекистон Республикасининг 29.08.1998 йилдаги “Автомобил транспорти тўғрисида”ги 674-И-сон қонунига асосан
Ташувчи — мулк ҳуқуқи асосида ёки бошқа қонуний асосларда транспорт воситасига эга бўлган, йўловчиларни, багажни, юк багажини, юкларни, почта ва курерлик жўнатмаларини ташиш бўйича тижорат асосида хизматлар кўрсатадиган, шунингдек ташиш учун тегишли литсензияга, сертификатга ёхуд рухсат этиш хусусиятига эга ҳужжати бўлган юридик ёки жисмоний шахс.
17-модда. Ташувчининг ҳуқуқлари
Ташувчи қуйидаги ҳуқуқларга эга:

• 
  умумий фойдаланишдаги барча автомобил йўллари, шунингдек идораларга қарашли умумий фойдаланиш учун очиқ автомобил йўллари орқали ўтиш;
  
• 
  жўнатилаётган юк ўз сертификатига мувофиқ эканлигини тасдиқловчи ҳужжатларни олиш;
  
• 
  фуқаролар ҳаётига, йўл ҳаракати хавфсизлигига таҳдид солувчи, экология ва санитария нормалари бузилишига ёки бошқа ғайриқонуний ҳаракатларга сабаб бўлувчи ҳолатларда ташишдан воз кечиш.
  

Ташувчи қонунчиликка мувофиқ бошқа ҳуқуқларга ҳам эга бўлиши мумкин.