Iv-bap. Menedjment texnologiyasí

4.  Dekodlastırıw  hám  informaciyanı  qabıl  etiw.    Dekodlastırıw  degende 

uzatılıp  atırǵan  xabardı  informaciyanı  qabıl  etiwshi  pikirine  ótkiziw,  belgilerde 

sáwlelendiriw  túsiniledi.  Eger  bir  tárep  informaciyanı  usınsa,  ekinshi  tárep  onı 

hesh qanday tosıqlarsız qabıl ece informaciya almasqan esaplanadı. Biraq hár qıylı 

tosıqlar sebepli, informaciya jetkizilgenshe jol boyınsha hár túrli shawqımlarǵa dus 

kelip óziniń áhmiyetin joǵaltıwı múmkin  

5.  Informaciyanı  talqılaw  hám  juwabın  qáliplestiriw.  Bul  basqıshta 

informaciya  uzatıwshı  menen  informaciyanı  qabıl  etiwshiler  óz  orınları  menen 

almasadı. Informaciyanı qabıl etiwshi alǵan informaciyanı talıqlaydı hám juwabın 

qáliplestiredi.  

6.  Juwaptı  uzatıw.  Qáliplestirilgen  juwap  tańlap  alınǵan  kanal  arqalı 

informaciyanı  uzatqanǵa    qaytıp  uzatıladı  hám  sonıń  menen  kommunikaciyalıq 

process  tamamlanadı.  Házirgi  waqıtta  eń  áhmiyetli  kommunikaciya  quralı 

sıpatında  komp`yuterler  xızmet  kórsetpekte.  Olar  járdeminde  informaciya 

toplanadı,  programmalar  dúziledi,  maǵlıwmatlar  bazası  payda  etiledi. 

Komp`yuterler  tek  óndiristi  basqarıw  ushın  ǵana  emes,  bálkim  ekonomikanıń 

barlıq salaları ushın júdá zárúr bolıp tabıladı. 

Sonı aytıp ótiw lazım, shaxslar aralıq informaciya almasıw procesinde ayırım 

mashqalalar  tuwılıwı  múmkin.  Bunday  mashqalalar  quramına  tómendegilerdi 

kiritiw múmkin:  



 

mánewiy (semantikalıq) tosqınlıq; 



 

verbal emes mimikalar; 

---



 

filtrlew; 



 

baylanıs kanallarınıń hádden tısqarı kóbeyip ketiwi; 



 

optimal emes struktura (dúzilis). 

Kommunikaciyalıq  processti  ámelge  asırıw  ushın  kommunikaciyalıq 

tarmaqtan,  yaǵnıy  kommunikaciyalıq  processte  qatnasıwshılardı  informaciya 

aǵımları menen baylanıstırıwda paydalanıladı.  

Basqarıwda 

paydalanılatuǵın 

informaciyalar 

tómendegishe 

klassifikaciyalanadı: 



 

basqarıwdıń ob`ekti boyınsha; 



 

basqarıwdıń qanday sistemaǵa tiyisliligi boyınsha; 



 

informaciyanı uzatıw túri boyınsha; 



 

waqıttaǵı ózgeriwsheńligi boyınsha; 



 

uzatıw usılı boyınsha; 



 

uzatıw tártibi boyınsha; 



 

belgileniwi boyınsha; 



 

basqarıw ob`ektiniń sub`ektke qatnası boyınsha.