Ызбекистон Республикаси ички ишлар идоралари

O‘ZBEKISTON RESPUBLIKASI ICHKI ISHLAR VAZIRINING

_{BUYRUG‘I
Ички ишлар органлари патруль-пост хизмати фаолияти самарадорлигини ошириш чора-тадбирлари тўғрисида}


Ўзбекистон Республикаси Президентининг “Ўзбекистон Республикаси жамоат хавфсизлиги концепциясини тасдиқлаш ва уни амалга ошириш чора-тадбирлари тўғрисида” 2021 йил 29 ноябрдаги ПФ–27-сон фармонига мувофиқ, ички ишлар органлари патруль-пост хизмати саф бўлинмалари фаолиятини тартибга солиш мақсадида, буюраман:
1. Ўзбекистон Республикаси Президентининг 2021 йил 29 ноябрдаги ПҚ–27-сон фармонига мувофиқ:
Жамоат хавфсизлиги департаменти ва унинг таркибида Жамоат тартибини сақлаш хизмати ташкил этилганлиги;
Ўзбекистон Республикаси жамоат хавфсизлиги концепцияси тасдиқланганлиги маълумот учун қабул қилинсин.
2. Қуйидагилар:
Ички ишлар органлари патруль-пост хизмати фаолиятини ташкил этиш тўғрисидаги низоми 1-иловага мувофиқ;
Ички ишлар органлари патруль-пост хизмати саф бўлинмаларининг бириктирилган ҳудудлари ва жойлашуви графиги 2-иловага мувофиқ тасдиқлансин.
3. Қорақалпоғистон Республикаси Ички ишлар вазири, Тошкент шаҳар
ва Тошкент вилояти ички ишлар бош бошқармалари ҳамда вилоятлар ички ишлар бошқармалари бошлиқларига:
Вазирлар Маҳкамасининг “Ички ишлар органлари патруль-пост хизмати фаолиятига замонавий ахборот технологияларини жорий этиш тўғрисида” 2022 йил 22 июлдаги 399-сон қарорига мувофиқ, ички ишлар органларида босқичма-босқич “E-patrul” тизими жорий этилганлиги сабабли фуқаронинг шахсини аниқлаш учун ички ишлар бўлимига олиб бориш амалиётидан воз кечиб, уларга тегишли бўлган барча маълумотлар ўша жойнинг ўзида планшет орқали текширилиши, патруль-пост хизмати ходимлари фаолиятида “бодикамера”дан фойдаланган ҳолда амалга оширилиши йўлга қўйилсин;
ички ишлар органлари патруль-пост хизмати саф бўлинмаларининг хизмат ҳудудларига кирмайдиган жойларда жамоат тартибини сақлаш ва жамоат хавфсизлигини таъминлаш ҳудудий ички ишлар органлари томонидан ташкил этилсин;
патруль-пост хизмати саф бўлинмалари шахсий таркибининг хизмат фаолияти “Жамоат тартибини сақлаш хизматига жалб этиладиган куч-воситалардан комплекс фойдаланиш
ва бошқариш режаси”га мувофиқ, шунингдек маҳаллалар кесимида ташкил этилсин
ва уларни ўз хизмат вазифаси билан боғлиқ бўлмаган ишларга жалб этиш тақиқлансин;
ички ишлар органлари патруль-пост хизмати саф бўлинмалари шахсий таркибининг фавқулодда вазиятларда юклатиладиган вазифаларни бажариш учун доимий жанговар шайлиги таъминлансин.
4. Ўзбекистон Республикаси Ички ишлар вазирининг “Ички ишлар органлари патруль-пост хизмати саф бўлинмаларининг уставини тасдиқлаш ҳақида” 2018 йил
18 апрелдаги 111-сон буйруғи ўз кучини йўқотган деб ҳисоблансин.
5. Мазкур буйруқ ижросини назорат қилиш Вазир ўринбосари – Жамоат хавфсизлиги департаменти бошлиғи, генерал-майор Б.Т. Абдуллаев зиммасига юклатилсин.
Вазир
генерал-лейтенант П.Р. Бобожонов

Тошкент шаҳри,

2023 йил “20” февраль,
77-сон