Жанабергенова айсулыу жаксылыковна ахборотлашган таълим муҳитида

Novateurpublication.org 
42 
1) илмий ишга ёзилган танқидий тақриз;
2) мавзу бўйича тадқиқот ишининг аналитик обзори;
3) бахснинг танқидий таҳлили.
4) Ўқув тадқиқот ишлари:
а) талаба, ўқитувчи, талаба кабиларни турли вазиятда кузатиш;
б) тадқиқот ўтказиш учун экспериментал методикаларни эгаллаб олиш;
в) тадқиқот объектида юз берувчи психологик ҳолатлар, улар ўртасидаги 
индивидуал типологик фарқлар ҳамда ўртача кўрсатичларни ўрганиш;
г) ўзига хос психик хусусиятларнинг ифодаланиши ўртасидаги ўзаро 
корреляция алоқаларни аниқлаш кабилар;
Эксперимент ўтказиш юзасидан малакалар эгаллаш қуйидагича амалга 
оширилиши мумкин:
1) математик изланишларни ўрганиш малакасини ҳосил қилиш 
фаолиятини уюштириш;
2) эксперимент методикаларини эгаллаш ва уларни турли вазиятларда 
қўллаш билан боғлиқ ишлар мажмуасини амалга ошириш;
3) олинган натижаларни статистик ишончлилик даражасини аниқлашга 
оид содда методларни эгаллаш, ўзлаштириш;
4) Эмперик материаллар ўртасидаги корреляцион алоқаларни ўрганиш, 
дисперцион ва фактор таҳлилларни ўтказиш ҳамда методикаларнинг 
валидлиги, репрезентативлигини белгилашга талабаларни ўргатиб бориш; 
Бундан ташқари, талабалар ўтказилган эксперимент юзасидан илмий 
ҳисобот тайёрлашлари ва уни расмийлаштиришда ушбу талабларга риоя 
қилишлари зарур: 
а) ўтказилган тажриба ишларининг баённомалари ишга қўшиб 
қўйилиши лозим;
б) эксперимент методиканинг баёнида иштирокчиларнинг ёш, жинс ва 
хусусиятлари, тажриба ўтказиш шартлари, принциплари ҳамда босқичлари 
кўрсатилиши шарт;

---

43 
в) хулосалар, жадвал материаллари, уларнинг схематик ва график 
ифодаланишига асосланиб чиқилиши керак; 
г) фаразлар, эҳтимоллар, кўрсаткичлар, мезонлар кабиларни текшириш, 
тавсия қилиш имконияти, яққол шахсий ҳулосалар баёни берилиши мақсадга 
мувофиқ.
5. Ахборотлашган таълим муҳитида математика фанидан курс иши ва 
битирув малакавий ишлари.
Мутахассиснинг касбий тайёргарлик тизимида битирув ишлари ёзиш 
муҳим ҳисобланади.
Талабалар курс ишларини 4,6 семестрларда мактабда, ишлаб чиқаришда 
услубий амалиётни амалга ошираётган даврда бажарадилар. Илмий раҳбар 
ёрдами билан талаба мавзуни танлаб олгач, курс ишининг назарий қисмини 
етарли даражада пухта ишлаб чиқиш имкониятига эришадилар, амалиёт 
давомида эса улар тадқиқот объектлари билан яқиндан танишадилар. Улар 
билан тажриба ишлари ўтказишга муяссар бўладилар (кузатиш олиб 
борадилар, суҳбат уюштирадилар, анкета тарқатадилар ва ҳоказо), бу даврда 
етарли даражада эмперик материалларни йиғиш имкони туғилади.
Ахборотлашган таълим муҳитида математика фанидан курс ишини 
бажариш жараёнида талабалар илмий адабиётлар билан ишлаш уқувини 
такомиллаштирадилар, илмий тадқиқот фаолиятига тааллуқли баъзи бир 
кўникмаларни эгаллайдилар. курс иши ва битирув малакавий ишлари билан 
боғлиқ тадқиқотларни ўтказиш ўқитувчи билан талабанинг бутун ўқув йили, 
ҳатто бир неча ўқув йили давомида ҳамкорликда фаолият ташкил қилишни 
тақозо этади.
Курс иши ва битирув малакавий ишлари танланган математик мавзуга 
биноан тадқиқотлар назарий ва экспериментал хусусияга эга бўлиши 
мумкин, қайсики унинг назарий варианти мана бундай тарзда тузилади: 
мавзу танлаш, илмий адабиётларни танлаш, режа тузиш, мазмунини баён 
этиш, хулосаларни тавсифлаш ва бошқалар. Экспериментал вариант 
қуйидаги таркиблардан таркиб топиши мумкин: мавзу танлаш, назарий 

---