Ájiniyaz atındaǵı Nókis mámleketlik pedagogika institutı T. Т.Ótebaev, U. Q. Seytjanova, Т. A. Esemuratova

Sóylewi apparatı – sóylewin payda etiwde qatnasıwshı organlar
Sóylew mádeniyatı – óz pikirin sóylew járdeminde logikalıq, tuwrı, obrazlı, anıq hám mánili jetkizip beriw tájriybeleriniń ózlestirgenlik dárejesi
Sóylewi texnikası – sóylewin tıńlawshı yaki tálim alıwshıǵa jetkerip beriwde qollanılatuǵın qurallar kompleksi.
Sóylew payda etiwshi organlar – sóylewdi payda etiw protsesinde qatnasıwshı organlar (ókpe, eki bronx, traxeya, kegirdek, dirildewik, tisler, murın boslıǵı, erinler)
Sóylew (yaki sesli) dem alıw (fonatsion, grek. “phono” – “ses”) – demniń sóylew protsesindegi alınıwı.
Pantomimika – bul gewde, qol, ayaq háreketi. Tárbiyashı shınıǵıwda oqıw maǵlıwmatların bayan eter eken, gewde halatı arqalı maǵlıwmatlardıń obrazın sızadı, balalar bunnan zawıqlanadı, ishki tuyǵı-sezimleri, olardıń sırtqı sezimleri menen qosılıp pútin barlıq maǵlıwmatlar mazmunın ózlestiriwge qaratıladı.
Pedagogikalıq dóretiwshilik – pedagog (tárbiyashı)nıń sheberlik baǵanalarınan kóteriliwinde jaratıwshańlıǵın, baslamashılıǵın, pedagogikalıq zeyinligin hám isbilermenlikke jetelewshi jolın, bul joldagı qıyınshılıqlardan qorıqpaslıǵın ańlatadı.
Pedagogikalıq imidj - pedagogtıń mánawiy-tárbiyalıq kórinisi menen sırtqı kórinisi ortasındaǵı óz ara baylanıslıǵı.
Pedagogikalıq qábilet - pedagogikalıq proceste tárbiyashınıń aqılıy, emocional – sabırlılıq táreplerin, shólkemlestiriwshiligin, bilimliligin hám olardın bir-birine baylanıslılıǵın hám de pútinlikti bildiredi.
Pedagogikalıq mádeniyat - tárbiyashılıq minneti, juwapkershiligi, qadir-qımbatı, hújdanı, tárbiyalıq isenimin názerde tutıp, onıń talapshańlıǵı, adalatı, kamalı, tuwrı sózliligin ańlatadı.
Pedagogikalıq sheberlik - tárbiyashınıń sonday jeke (balajanlıǵı, qayırqomlıgı, adamgershiligi, miyrimliligi hám t.b.) hám kásiplik (bilimliligi, ziyrekligi, pidayılıǵı, dóretiwshiligi, eruditsiyası hám t.b.) pazıyletlerin belgileytuǵın ózgesheligi, ol óz pánin tereń hám keń biliwde, psixologiyalıq hám metodikalıq tayarlılıǵında, jaslardı úyretiw, tárbiyalaw hám rawajlandırıwdıń optimal jolların izlep-tawıp ámeliy iskerlikte qollawı.