Ájiniyaz atındaǵı Nókis mámleketlik pedagogika institutı T. Т.Ótebaev, U. Q. Seytjanova, Т. A. Esemuratova

Dóretiwshilik – turaqlı jańalıqtıń áhmiyeti hám paydalı ekanligin belgilewshi shaxs iskerligi hám onıń nátiyjesi.
Sotsiallıq kompetentlik – sotsiallıq múnásibetlerde aktivlik kórsetiw kónlikpe, tájriybelerge iyelik, kásiplik iskerlikte sub`ektler bilan sáwbetke kirisiw.
İmidj - (ing. “image”) túsinigi “kelbet”, “tımsal”, “tús” hám “obraz” mánilerin ańlatadı. A`hmiyetine kóre bul túsinik járdeminde “sulıwlıq”, “gózzallıq” mánilerin bildiredi. İmidj - anıq bir insanǵa bolǵan múnasibette insanlar oyında j úzege keletuǵın shólkem yaki basqa sotsiallıq ob`ekt kelbeti.
İmitacion virtual trenajyor (angl. “train” – “tárbiyalaw”, oqıtıw”, “shuǵıllanıw”) – elektron formadaǵı oqıw-shuǵıllandırıwshı qurılma bolıp, ol járdeminde miynet iskerliginiń real sharayatı odellestiriledi, turaqlı iskerlik (m: mashina (mexanizm)di basqarıw, quramalı stanokta is orınlaw yaki áskeriy texnika sırların ózlestiriw) kónlikpeleri qáliplestiriledi, kónlikpeler tájriybelerge aylandırıladı hám de payda bolǵan tájriybeler jetilistiriledi.
İnnovacion kompetentlik – pedagogikalıq procesti jetilistiriw, tálim sapasın jaqsılaw, tárbiya protsesiniń nátiyjeligin arttırıwǵa tiyisli jańa ideyalardı alǵa súriw, olardı ámeliyatqa nátiyjeli daǵazalaw.
İnnovacion muhit– pedagogikalıq janalıqtıń payda bolıwı, olardıń jedel ózlestiriliwi hám ámaliyatqa járiyalaw.
İnnovacion pedagogikalıq ideya– sistemalastırılǵan pedagogikalıq ideyalar; oqıw procesin boljaw, maǵlıwmatlar toplamı.
İnnovacion tálim - 1) tálim tarawına kiritilgen hám kiritilip atırǵan jańalıqlar; 2)jańalanǵan jańa texnologiyalar tiykarında shólkemlesken tálim protsesin. İnnovacion tálim (angl. “innovation” – jańalık kiritiw) – tálim alıushıda jańa ideyalar miyzamlar, qaǵıydalardı jaratıw, ózine shaxslar tárepinen jaratılǵan aldınǵı ideyalar, miyzam, qaǵıydalardı tábiyiy qabıl etiwge tiyisli sıpatlar, tájriybelerdi qáliplestiriw imkaniyatın jaratatuǵın tálim.
İnnvatsion tálim mekemesi– jańa tiptegi tálim mekemeleri: akademiyalıq litseyler, mektepke shekemgi tálim kompleksi, jeke mektepke shekemgi tálim mekemeleri, qanigelesken klass hám mektepler, gimnaziya, túrli baǵdarlı predmetleri tereń úyretiletuǵın miynetler hám t.b.