Jinoyat huquqi va kriminologiya
III BOB. JAVOBGARLIKNI OG’IRLASHTIRUVCHI HOLATLARIDA
Download 0.73 Mb. Pdf ko'rish
|
bezorilik jinoyatini kvalifikatsiya qilish masalalari.
|
III BOB. JAVOBGARLIKNI OG’IRLASHTIRUVCHI HOLATLARIDA
SODIR ETILADIGAN BEZORILIK JINOYATINI KVALIFIKATSIYA QILISH VA JAZO TAYINLASH MASALALARI 3.1. Javobgarlikni og`irlashtiruvchi holatida sodir etiladigan bezorilik jinoyatining umumiy tavsifi.
Har bir jinoyat ishi sudda ko`rib chiqilish mobaynida ushbu qilmishni sodir etgan shaxsning xatti-harakatlariga ko`ra, ko`rib chiqilayotgan jinoyat ishining og`irlashtiruvchi hamda yengillashtiruvchi holatlari alohida e’tiborga olinadi. Sud jazo tayinlashda sodir etilgan jinoyatning hususiyati va ijtimoiy xavflilik darajasini, qilmishning sababini, yetkazilgan zararning hususiyati va miqdorini, aybdorning shaxsini hamda jazoni yengillashtiruvchi va og`irlashtiruvchi holatlarini hisobga oladi. 1 Hozirgi kunda davlatimiz olib borayotgan odil siyosati natijasida shaxslarga jazo tayinlashda insonparvarlik prinsiplariga ko`p e’tibor berilmoqda ya’ni jinoyat sodir etgan shaxsga jazo tayinlash borasida O`zbekiston Respublikasi Jinoyat kodeksining 57-moddasi (yengilroq jazo tayinlash) ko`p qo`llanilmoqda. Hususan voyaga yetmagan shaxslarga jazo tayinlash vaqtida uning shaxsiga katta ahamiyat berilmoqda. O`zbekiston Respublikasi Oliy sudining 1996 yil 19 iyuldagi 16-sonli “Jinoyat uchun jazo tayinlash amaliyoti to`g`risida”gi Plenumi qarorining 1,7 bandida “Voyaga yetmaganlarga jazo tayinlashda jarima, axloq tuzatish ishlari, qamoq kabi jazolarning samadorligiga e’tibor berish lozim. Shu bilan birga og`ir jinoyat sodir etishda ayblangan, muqaddam sudlangan, huquqni buzganligi uchun ichki ishlar organlari hisobida turgan voyaga yetmaganlarga jazo tayinlashda kat’iyatsizlikka yo`l qo`yib bo`lmaydi” 2 . Chunki, ushbu holatlar javobgar shaxsga jazo tayinlash vaqtida unga tayinlanadigan jazo turi va muddatiga ta’sir qiladi. Bizga ma’lumki, O`zbekiston Respublikasi Jinoyat kodeksining 55-56-moddalarida jazoni yengillashtiruvchi hamda og`irlashtiruvchi holatlari ko`rsatib o`tilgan.
1 O’zbekiston Respublikasi Jinoyat kodeksi 55-modda, -T.: “Adolat”, 2015-yil. 412 bet. 2 O’zbekiston Respublikasi Oliy sudining Plenumi Qarorlari. 1991-1997 yillar // “Sharq”, Т:.1997 y., 43-bet. 35
Sudlar tomonidan jinoyat ishlarini ko`rishda eng avvalo jinoyat sodir eilish bilan bog`liq bo`lgan barcha holatlarni, uni sodir qilgan shaxsni, qilmishda jinoyat qonunida ko`zda tutilgan barcha belgilarning mavjudligini to`la va batafsil aniqlash, jinoyatni to`g`ri kvalifikatsiya qilish, qonuniylik va adolatlilik prinsipiga rioya qilishning asosiy shartidir. Jazoni yengillashtiruvchi va og`irlashtiruvchi holatlar ma’lum darajada qilmishning ijtimoiy xavfliligini belgilovchi mezon bo`lib ham hisoblanadi. Quyida jazo tayinlashda e’tiborga olinadigan jazoni yengiullashtiruvchi holatlarga to`xtalamiz: a) aybni bo`yniga olish to`g`risida arz qilish, chin ko`ngildan pushaymon bo`lish yoki jinoyatni ochishga faol yordam berish; b) yetkazilgan zararni ixtiyoriy ravishda bartaraf qilish; v) og`ir shaxsiy, oilaviy sharoitlar oqibatida yoki boshqa mushkul ahvolda jinoyat sodir etish; g) majburlash yoki moddiy tomondan, xizmat jihatidan yoxud boshqa jihatdan qaramliligi sababli jinoyat sodir etish; d) jabrlanuvchining zo`rlik, og`ir xakorati yoki boshqacha g`ayriqonuniy harakatlari tufayli vujudga kelgan kuchli ruhiy xayajonlanish holatida jinoyat sodir etish;
e) zaruriy mudofaaning, oxirgi zaruratning asosli chegarasidan chetga chiqib jinoyat sodir etish, ijtimoiy xavfli qilmishni sodir etgan shaxsni ushlashda, kasb yoki xo`jalik faoliyatiga bog`liq bo`lgan asosli tavakkalchilikda zarar yetkazish; j) voyaga yetmaganning jinoyat sodir etishi; z) homilador ayolning jinoyat sodir etishi; i) jabrlanuvchining g`ayriqonuniy yoki ahlokka zid xulq-atvori ta’siri ostida jinoyat sodir etishi. Professor M.X.Rustamboyevning fikriga ko`ra, O`zbekiston Respublikasi Jinoyat kodeksining 55-moddasida jazoni yengillashtiruvchi holatlarning, bir tomonidan real xayotda ko`proq uchraydigan turlari va turli-tuman jinoyatlar sodir qilish uchun tipik bo`lgan holatlar olingan bo`lsa, ikkinchi tomondan, qonun
36
chiqaruvchi organ jinoyat sodir etish va jinoyatchi shaxsiga jiddiy ta’sir qiladigan holatlarnigiga jazoni yengillashtiruvchi holatlar ro`yxatiga kiritgan. Shu o`rinda aytish kerakki, har bir qilmishning yengillashtiruvchi holatlari bo`lganidek uning og`irlashtiruvchi holatlari ham qonun bilan belgilab qo`yiladi. Jazoni
og`irlashtiruvchi holatlar O`zbekiston Respublikasi Jinoyat kodeksining 56-moddasida ko`rsatib o`tilgan bo`lib ular quyidagilardan iborat: a) homiladorligi aybdorga ayon bo`lgan ayolga nisbatan; b) yosh bola, qariya yoki ojiz ahvoldagi shaxsga nisbatan; v) xizmat vazifasi yoki fukarolik burchini bajarganligi munosabati bilan shaxsga yoki uning yaqin qarindoshlariga nisbatan; g) aybdorga moddiy tomondan, xizmat jihatidan yoki boshqa jihatdan qaram shaxsga nisbatan; d) o`ta shafqatsizlik bilan; e) ko`pchilik uchun xavfli bo`lgan usulda; j) yosh bola yoki ruhiy kasalligi aybdorga ayon bo`lgan shaxsdan foydalangan holda;
z) jinoyat natijasida og`ir oqibatlarning kelib chiqqanligi; i) umumiy ofat sharoitidan foydalangan holda yoki favqulodda holat vaqtida yoxud ommaviy tartibsizliklar jarayonida; k) g`arazli yoki boshqacha past niyatlarda; l) irqiy yoki milliy dushmanlik yoxud adovat zamirida; m) bir guruh shaxslar tomonidan oldindandan til biriktirgan holda yoki uyushgan guruh yoxud jinoiy uyushma tomonidan; n) ilgari ham qasddan jinoyat sodir etgan shaxsning takroran yoki qasddan yangi jinoyat sodir etishi; o) mastlik holatida yoki giyohvandlik vositalari; psixotrop yoxud kishining aql-idrokiga ta’sir qiluvchi boshqa moddalar ta’siri ostida jinoyat sodir etish. 1
Yuqorida keltirilgan normaga asosan,
bezorilik jinoyatining ham og`irlashtiruvchi holatlari ushbu jinoyatni taribga soluvchi moddada (JK 277- 1 O’zbekiston Respublikasi Jinoyat kodeksi 57-modda, -T.: “Adolat”, 2015-yil. 412 bet. 37
modda) ko`rsatib o`tilgan. Bezorilik jinoyatining og`irlashtiruvchi holatlari Jinoyat kodeksining 277-moddasi 2 va 3-qismlarida berib o`tilgan. O`zbekiston Respublikasi Jinoyat kodeksining 277-moddasiga ko`ra og`irlashtiruvchi holatlarda bezorilik jinoyatini sodir etishni quyidagicha tasniflab o`rganish maqsadga muvofiq bo`ladi. Obyektiv tomon belgilariga ko’ra: a) sovuq qurol yoki kishining sog’lig’i uchun amalda shikast yetkazishi mumkin bo’lgan narsalarni (qurol sifatida) namoyish qilib, ularni qo’llash b) bilan qo’rqitib yohud qo’llab (JK 277-modda 2-qism “v” bandi); badanga o’rtacha og’ir shikast yetkazib (277-modda 2-qismi “a” bandi); c) ko’p miqdorda zarar yetkazib, birovning mulkini nobud qilib yoki unga shikast yetkazib (JK 277-modda 2-qismi “e” bandi); d) ommaviy tadbirlar o’tkazilayotgan vaqtda (JK 277-modda 3-qism “v” bandi). Obyektiga ko’ra: a) yosh bola, qariya, nogiron yoki ojiz ahvoldagi shaxslarni xo’rlab (277- modda 2-qismi “d” bandi); b) jamoat tartibini saqlash vazifasini bajarib turgan hokimiyat vakili yoki jamoatchilik vakiliga yohud bezorilik harakatlarining oldini olish chorasini ko’rgan boshqa fuqarolarga qarshilik ko’rsatib sodir etilgan bo’lsa (JK 277-modda 3-qismi “g” bandi). Subyektiga ko’ra: a) bir guruh shaxslar tomonidan (JK 277-modda 2-qismi “b” bandi); b) takroran yoki xavfli retsidivist tomonidan (JK 277-modda 3-qismi “a” bandi).
Subyektiv tomon belgilariga ko’ra: a) o’z mazmuniga ko’ra umum e’tirof etgan axloq qoidalarini namoyishkorona mensimaslikda ifodalanuvchi o’ta ketgan behayolik bilan (JK 277-modda 2-qism “g” bandi); 38
b) o’qotar qurolni namoyish qilib, uni qo’llash bilan qo’rqitib yoki qo’llab (JK 277-modda 3-qism “b” bandi). Demak, og’irlashtiruvchi holatlarda bezorilik jinoyatini sodir etilishning turlarini quyidagicha ta’riflashimiz mumkin: 1) bezorilik jinoyatining subyekti belgilariga ko’ra ya’ni ushbu qilmish kim tomonidan sodir etilganligiga ko`ra:
O`zbekiston Respublikasi Jinoyat kodeksining Maxsus qismi ko`plab normalarida jinoyatlarni ishtirokchilikda sodir etilishi og`irlashtiruvchi holat sifatida nazarda tutilib, uning turli shakllari uchun javobgarlik belgilangan. Ishtirokchilik shakllaridan biri bo`lgan oddiy ishtirokchilik (bir guruh shaxslar tomonidan oldindan til biriktirmay) va murakkab ishtirokchilik (bir guruh shaxslar tomonidan oldindan til biriktirib) Jinoyat kodeksining qator normalarida og`irlashtiruvchi holat sifatida nazarda tutilgan. Avvalo shuni aytish kerakki, Jinoyat kodeksining Maxsus qismi muayyan moddasida nazarda tutilgan jinoyat bir kishi tomonidan sodir etilgan bo`lsa, jinoyatni kvalifikatsiya qilish va aybdorga jazo tayinlash masalalari jinoyat qonunida nazarda tutilgan umumiy asoslarda hal qilinadi. Ishtirokchilikda jinoyat sodir etilganda esa, javobgarlik masalasi alohida qoidalarga muvofiq hal qilinadi. M.X.Rustamboyevning fikriga ko`ra, bir guruh shaxslar tomonidan sodir etilgan bezorirlik birga bajaruvchilik bo`lib, birga harakat qiluvchi shaxslar mazkur jinoyatning obyektiv tomonini bevosita bajaradilar, biroq birgalikda ishtirok etish avvaldan kelishib olingan bo`lmaydi. Bunday holatda odatda ishtirokchilar bezorilik harakalarini sodir etayotgan shaxsga kelib qo`shiladilar 1 .
retsidivist tomonidan sodir etilishi ushbu jinoyatning og`irlashtiruvchi holati deb belgilanadi. O`zbekiston Respublikasi Jinoyat kodeksining 34-moddasi 2-qismiga ko`ra, “ilgari hukm qilingan jinoyatiga o`xshash jinoyat sodir etgan, ushbu kodeksda alohida ko`rsatilgan hollarda esa, Maxsus qismining boshqa moddalari
1 M.X.Rustamboyev. Jinoyat huquqi (umumiy qism), -T,: “Adolat” 2006-yil. 39
bilan ham hukm qilingan shaxsning qasddan yangi jinoyat sodir etishi xavfli retsidiv jinoyat deb topiladi”. Bezorilik jinoyati xavfli retsidivist tomonidan sodir qilinsa, Jinoyat kodeksining 277-moddasi 3-qismi “a” bandi bilan javobgarlikka tortiladi. Bezorilik jinoyatini takroran sodir etgan shaxsga jazo tayinlashda takroran jinoyat sodir etganlik asoslariga katta e’tibor berilishi kerak. O`zbekiston Respublikasi Oliy sudi Plenumining “Bir necha jinoyat sodir etilganda qilmishni kvalifikatsiya qilishga doir masalalar to`g`risida”gi qarorida belgilanishicha, jinoyatlar takrorlanganligi deganda shaxs tomonidan turli vaqtlarda qasddan sodir etilgan ikki va undan ortiq jinoyat tushuniladi. Plenumning qonunni bunday sharxlshiga Jinoyat kodeksining 56-moddasi “n” bandida belgilangan qoida sabab bo`lgan deyish mumkin. Unga ko`ra ilgari ham qasddan jinoyat sodir etgan shaxsning takroran yoki qasddan yangi jinoyat sodir etishi jazoni og`irlashtiruvchi holat hisoblanadi. Biroq faqat qasddan sodir etiladigan jinoyatlar takroriy bo`ladi deb hisoblash ehtiyotsizlik tufayli sodir etiladigan jinoyatlarni kvalifikatsiya qilishda muammolarni keltirib chiqaradi. Jinoyat kodeksining 277-moddasi 3-qismi “a” bandida bezorilik jinoyatini sodir etganlik uchun javobgarlik belgilangan bo`lib, ushbu band bilan javobgarlikka tortish uchun shaxs: 1) bezorilik jinoyatini ikki yoki undan ortiq marta sodir etgan bo`lishi; 2) bezorilik harakatlarini turli vaqtlarda sodir etgan bo`lishi; 3) ulardan birortasi uchun ham sudlanmagan, javobgalikka tortish muddati o`tib ketmagan bo`lishi zarur. 1
sodir etilgan deb topiladi. Tergov-sud amaliyotida bezorilik jinoyati uzoq vaqtlar oralig`ida qayta sodir etilganida jinoyatni kvalifikatsiya qilishda muammo vujudga kelmaydi. Shu bilan bir qatorda aytish kerakki, xavfli retsidivist sodir etadigan jinoyatning ijtimoiy xavflilik darajasi takroran sodir etishga nisbatan yuqoridir. 1
1 D.Karaketova. Takroriy jinoyat va uning belgilari // Huquq va burch, 2012 yil, 10-soni. 40
Bu haqida Oliy sud ham o`z qarorlarining birida tushuntirish berib, retsidiv jinoyat bir necha jinoyat turlari ichida eng xavflisi bo`lib, u shaxs tomonidan jinoiy xulq- atvor davom ettirilayotganidan dalolat berishini mustahkamlab qo`ygan. Demak, qonunchilik bu ikki subyektni differentsatsiya qilishni talab etadi. 2) bezorilik jinoyatining sodir etilish usuliga ko`ra ya’ni subyektiv tomoniga qarab:
Sovuq qurol yoki qo`llanilishi sog`liqqa zarar yetkazishi mumkin bo`lgan boshqa predmetlarni namoyish qilish deganda, bezorining o`z qo`lidagi mazkur predmetlarni qo`llashni po`psa qilmasdan ko`rsatishga yo`naltirilgan har qanday harakat tushuniladi. Sovuq qurolni yoki qo`llanishi sog`liqqa obyektiv zarar yetkazishi mumkin bo`lgan boshqa predmetlarni qo`llash yoki qo`llash bilan qo`rqitish deganda, aybdor shaxsga zarar yetkazgan, yetkazishga uringan, biroq aybdorning irodasiga bog`liq bo`lmagan holatlarga ko`ra, oqibatga erishilmagan harakatlar, shuningdek, mazkur predmetlarning qo`llanishi shaxsning hayotiga yoki sog`lig`iga zarar yetkazish xavfini tug`diradigan harakatlar tushunilmog`i lozim 2 . Sovuq qurollarga mushak kuchini ishlatish hisobiga o`ldirish yoki tan jarohati yetkazish uchun mo`ljallangan narsalar kiradi. Sovuq qurollarni teshuvchi (nayza, xanjarlar), chopuvchi (qilich, bolta), teshuvchi-chopuvchi (palashlar, qilichlar), teshuvchi-kesuvchi (xanjarlar, fin pichoqlari), sindiruvchi ( kastetlar, gurzilar) kabi turlari mavjud. Bosha narsalarga sog`liqqa zarar yetkazish hususiyatiga ega bo`lgan har qanday narsalar kiradi 3 . 1 Ametov. A.J. Bezorilik oqibatidagi jinoyat: uni sodir etgan shaxsning kriminologik tavsif // Huquq va burch. Toshkent. 2012. №2. –B 58-59. 2 M.X.Rustamboyev. Jinoyat huquqi (umumiy qism), -T,: “Adolat” 2006-yil. 3 O’zbekiston Respublikasi Jinoyat kodeksiga sharx (maxsus qism), -T.: “Adolat”, 2007 yil. 41
namoyishkorona mensimaslikda ifodalanuvchi o`ta ketgan behayolik bilan (JK 277-modda 2-qism “g” bandi); O`taketgan surbetlik deganda, umum e’tirof etgan, hurmat qiladigan, jamiyatda qabul qilingan xulq-atvor, axloq qoidalarini namoyishkorona, ya’ni oshkora mensimaslik tushuniladi 1 .
Namoyishkorona deganda, hamma qabul qilgan axloq qoidalarini oshkorona mensimaslik tushuniladi. O`ta surbetlik- ma’naviyatning umum e’tirof etgan me’yorlarini, ijtimoiy uyatni, odobni namoyishkorona mensimaslik bo`lib, jamoat joyida yalang`ocha ko`rinishda, boshqa fuqarolar oldida jinsiy aloqaga kirishishda, bemorlar, qariyalar, zaif kishilar, ayollarni, yodgorliklarni tahqirlashda va boshqa harakatlarda ifodalanadi 2 . Shu bilan birga bezorilikning o`ta surbetlik bilan qilinganligini aniqlashda jinoiy harakat amalga oshirilgan barcha sharoitlarni, uning harakterini, vaqtini, joyini shart-sharoitini va boshqa hususiyatlarini hisobga olish zarur 3 . c) o`qotar qurolni namoyish qilib, uni qo`llash bilan qo`rqitib yoki qo`llab (JK 277-modda 3-qism “b” bandi); Bezorilik jinoyatining ushbu turi shaxs tomonidan o`zga shaxsning sog`lig`iga jiddiy ziyon yetkazish xavfini vujudga keltiruvchi turli xil qurollarni namoyish qilish, qo`llash bilan qo`rqitish yoki qo`llash bilan sodir etiladi. Namoyish etish deganda bezorilik harakati jarayonida sovuq qurol yoki boshqa narsalarni, ularni qo`llash tahdidi bor yoki yo`qligidan qat’iy nazar, jamoat oldida ko`rsatishdir. Birovning sog`lig`iga zarar yetkazish mumkin bo`lgan sovuq qurol yoki boshqa narsalarning bezorilik xulqi jarayonida ko`rsatilishi faktining o`ziyoq jinoiy qilmish sodir etilgan deb hisoblash uchun yetarlidir 4 . 3) bezorilik jinoyati obyektiga ko’ra og’irlashtiruvchi holat:
1 M.X.Rustamboyev. Jinoyat huquqi (umumiy qism), -T,: “Adolat” 2006-yil. 2 O’zbekiston Respublikasi Oliy sudining Plenumi Qarorlari. 1991-2005 yillar // “Sharq”, Т:.1997 y., 43-bet. 3 O’zbekiston Respublikasi Jinoyat kodeksiga sharx (maxsus qism), -T.: “Adolat”, 2007 yil. 4 M.X.Rustamboyev. Jinoyat huquqi (umumiy qism), -T,: “Adolat” 2006-yil. 42
277-moddasi 2-qism “d” bandi); “Kichik yoshdagilarga o`n to`rt yoshga yetmagan shaxslar kiradi. Keksa kishi deb, mehnat qonunlarida belgilangan pensiya yoshiga yetgan shaxsga aytiladi. Nogiron deganda esa, belgilangan tartibda I, II, III guruh nogironi deb tan olingan shaxs tushuniladi. Shu bilan birga ayb qo`yishda shaxsning nogironligi yaqqol ko`rinishi va aynan shu qusur tufayli shaxs kamsitilgan (haqoratlangan ) bo`lishi shart” 1 . Ojizlik deyilganida, jabrlanuvchining jinoyatchiga jismoniy qarshilik ko`rsata olmasligi, o`zining shaxsiy manfaatlari va huquqlarini, qadr-qimmatini himoya eta olmasligi, kutilayotgan xavfdan qocha olmasligi yoki o`zini chetga ololmasligi tushuniladi. Ojizlik kasallik, mastlik, giyohvandlik vositalarini iste’mol qilish va boshqalar tufayli yuzaga kelishi mumkin. Xo`rlash yoki tahqirlash deganda, aybdorning jabrlanuvchi shaxsning qadr- qimmati va sha’nini kamsitishga, unga ma’naviy, axloqiy, jismoniy azob-uqubatlar yetkazishga qaratilgan har qanday harakati tushuniladi. 2
nafaqat yuqorida nomlari keltirilgan shaxslarga nisbatan sodir etilmoqda, balki ushbu jinoyat ayollarga nisbatan ham sodir etilish holatlari ko’p uchramoqda. Shuning uchun Jinoyat kodeksining 277-moddasida ko’rsatilgan harakatlar homiladorligi aybdorga ayon bo’lgan ayolga nisbatan sodir etilsa og’irlashtiruvchi holat sifatida baholanishi kerak.
Jamoat tartibini saqlash vazifasini o`tash deganda, ko`cha va jamoat joylarida post yoki patrul xizmatini o`tash; namoyishlar, mitinglar, tomoshalar, sport
1 M.X.Rustamboyev. Jinoyat huquqi (umumiy qism), -T,: “Adolat” 2006-yil. 2 O’zbekiston Respublikasi Oliy sudining Plenumi qarorlari to’plami: ( 2001-2006 yillar) – O’zbekiston Respublikasi Oliy sudi. –T.: “Adolat” 2006-yil. 43-bet.
43
musobaqalari va boshqa ommaviy tadbirlar vaqtida jamoat tartibini saqlash; avariyalar, ijtimoiy va tabiiy halokatlarning oqibatini tugatish; qonunga qarshi harakatlarga to`sqinlik qilish yoki oldini olish tushuniladi. Hoimiyat yoki jamoat vakili deganda, militsiya hodimlari bilan birga davlat organlarida doimiy yoki vaqtincha xizmat o`tayotgan va jamoat tartibini saqlash vazifasini bajarayotgan shaxslar, shuningdek, jamoat tartibini saqlashda ijtimoiy burchini o`tayotgan yoki bu ishga maxsus jalb etilgan shaxslar kiradi. O’zbekiston Respublikasi Ma’muriy javobgarlik to’g’risidagi kodeksning 15- moddasiga ko’ra hokimiyat vakiliga quyidagicha ta’rif berib o’tilgan, ya’ni davlatning biron-bir hokimiyat organi nomidan ish ko’rib, muayyan vazifalarni doimiy yoki vaqtincha amalga oshiruvchi va o’z vakolatlari doirasida ko’pchilik yohud barcha fuqaro yoki mansabdor shaxslar uchun majburiy bo’lgan harakatlarni sodir etish yoki farmoyishlar berish huquqiga ega bo’lgan shaxs hokimiyat vakili deb e’tirof etilgan. Qarshilik ko`rsatish aybdorning qonunda ko`rsatilgan shaxslarning qonuniy faoliyatiga kuch ishlatib yoki kuch ishlatmasdan qarshi harakat qilishini bildiradi. Bezorilikda qonunda ko`rsatilgan shaxslarga qarshilik ko`rsatish ular jamoat tartibini qo`riqlash vazifasini bajarayotgan vaqtlarda amalga oshiriladi. Agar bezorilik harakatlarini to`xtatish chorasini ko`rayotgan shaxsga qarshilik ko`rsatish paytida ishlatilgan zo`rlik natijasida aybdor tomonidan yana boshqa og`ir jinoyat sodir etilgan bo`lsa, bu hol bezorilik jinoyati tarkibi bilan qamrab olinmaydi. 4) jinoyatning obyektiv tomon belgilariga ko`ra: Download 0.73 Mb. Do'stlaringiz bilan baham: 
|