Жиззах 2010 1-лабаратория машғулоти

Аниқлашнинг асосий босқичлари

1. 
   Нуклеопротеидларни ажратиб олиш.
   
2. 
   Нуклеопротеидларни гидролизлаш.
   
3. 
   Нуклеопротеидларнинг таркибий қисмларини аниқлаш.
   
4. 
   ДНК ва РНК нинг миқдорини аниқлаш.
   
5. 
   Нуклеопротеидларни ажратиб олиш ва уларни гидролизлаш.
   

Нуклеопротеидларни ажратиб олиш уларнинг ишқорларда эришига ва кучсиз кислоталар таъсирида чўкишига асосланган. Нуклеопротеидларни ўрганиш учун кўпинча ачитқи замбуруғларидан фойдаланилади, уларни кислотали гидролиз қилинса, улар полипептидлар, пурин ва пиримидин асослари, рибоза, дезоксирибоза ва фосфат кислотасига парчаланади. Натижада ҳосил бўлган маҳсулотлар махсус реакциялар ёрдамида аниқланади.

Иш тартиби:
2 г ачитқи замбуруғини чинни ҳовончага солиб, 3-4 томчи эфир ва 2-4 мл дистилланган сув қўшиб эзилади. Яхши эзилиши учун озроқ шиша кукунларидан қўшиш мумкин. Ачитқи бир хил масса ҳосил бўлгунча 1-2 дақиқа давомида эзилади, натрий гидроксиднинг 0,4 % ли эритмасидан 8 мл қўшиб, 10-15 дақиқа давомида эзилади.
Сўнгра ҳовончадаги аралашма фильтрдан ўтказилиб, фильтратга 2-3 мл сирка кислотаси қўшилади. Бунда нуклеопротеидлар чўкмага тушади. Чўкмани кенг пробиркага солиб, устига 6-10 мл сульфат кислотанинг 10% ли эритмасидан қўшилади. Совитгич сифатида узунлиги 25-30 см шиша найча ўрнатилган пробка билан беркитиб, қайнаб турган сувда 1 соат давомида гидролизланади. Гидролизатдан қуйидаги ишларни бажаришда фойдаланилади:


Оқсилларни аниқлаш
Пробиркага гидролизатдан 1 мл олиб, унинг устига 1 мл 20% ли натрий гидроксид эритмасидан, 3-5 томчи мис сульфатнинг 2% ли эритмасидан қўшамиз. Суюқлик бинафша ранг беради.
Пурин асосларини аниқлаш
Пробиркага гидролизатдан 1 мл олиб, унга аммиакнинг 10% ли эритмасидан 5-7 томчи қўшиб нейтралланади Лакмус қоғоз ёрдамида аниқланади. Кейин кумуш нитратнинг 1% ли эритмасидан 0,5 мл қўшсак, 5-10 дақиқадан сўнг чўкма ҳосил бўлади.