Jizzax filiali oila psixologiya kafedrasi oila psixoterapiya nazariyasi

 Siblinglar raqobati hodisasi G. T. Xomentauskas tomonidan fanga kiritilgan 
va oʻrganilgan. Bunda bolalarning oʻzaro munosabatlari, qachon bir-biriga raqib, 
qachon birlashishlari oʻrganilgan. Masalan, oilaviy inqirozlar paytida, ota-ona qazo 
qilganda yoki xastalanib qolganda ular albatta bir-biriga muruvvat qiladi, 
jipslashadi. Aksariyat hollarda esa, ayniqsa, rivojlangan mamlakatlarda koʻpincha 
bitta ota-onaning farzandlari oʻrtasida oʻziga xos tarang munosabatlar kuzatilgan. 
Bu narsa oʻsha jamiyatlardagi shaxsiy avtonomiya fenomeni bilan bogʻliq boʻlib, 
har bir inson ilk yoshlikdan faqat oʻz manfaati uchun yashaydi va kurashadi. Bunday 
sharoitda sibling munosabatlarining faqat ijobiy boʻlishiga erishish ancha mushkul. 
Oʻziga xos demokratiya muhiti oilalarda barqaror boʻlgan oʻzbekistonliklar millati, 
irqi, kelib chiqishi va iqtisodiy maqomidan qat’iy nazar, albatta, oilada ikki va undan 
ortiq farzand boʻlishiga intiladi va bolalar oʻrtasidagi munosabatlarni ijobiy tarzda 
yoʻlga qoʻyish, oilaviy rollar taqsimoti borasidagi ishlarga alohida mas’uliyat bilan 
qaraydi. Bunda er-xotin momolar va bobolar oʻgitlaridan, asriy an’analar 
samarasidan oʻrinli foydalanishga intiladi.
 
Davlatimiz rahbari va hukumatning oilada sogʻlom turmush tarzini 
barqarorlashtirish, milliy genofondni yaxshilash siyosatining tub ma’nosi 
mamlakatmizda dunyoga kelgan va kelayotgan farzandlar, avvalo, toʻrt muchchasi 
sogʻ tugʻilsin, sogʻ-salomat katta boʻlsin va ularni dunyoga keltirgan ona onalik 
baxtidan toʻla baxramand boʻlib, turmush oʻrtogʻi bilan birgalikda baxtiyor sogʻlom 
turmush tarzini oilasida barqaror etsin. Yurtimizning barcha yirik shaharlarida 
tashkil etilgan skrining markazlari, petenatal shifo maskanlarining asosiy vazifasi 
sogʻlom farzandlar tugʻilishini oldindan aniqlash va nogironlikning oldini olishdir. 
Zero, “Sogʻlom ona – sogʻlom nasl” shiori har bir oʻzbekistonlikning qalbiga singib 
ketgan naqldir.