Jónelisi student Qayırbaeva Arıwxannıń “Dárilik ósimlikler florası hám sistematikası” páninen

Paleotropik Flora dúnyaları
Paleotropik Flora dúnyaları (yamasa Paleotropik oblast) Golarktika Flora dúnyalarınan qublada (Arqa yarım sharda) tap Qubla Afrika subtropiklerine shekem (Hind hám Tınısh okeanlıqtaǵı atawlar menen) bolǵan aymaqtı iyeleydi. Ósimlik dúnyası bay. Endemik ósimlikler kem. Sahara, Sudan, Zambiya, Gvineya, Kongo, Kalaxari, Kap, Madagaskar, Indiya, Vetnam, Malayya, Papua, Gavayya, Polineziya oblastların óz ishine aladı.
Neotropik flora dúnyası
Neotropik flora dúnyası (yamasa Neotropik oblast) Amerika kontinentinde Qubla Kaliforniya hám Bagama arallarınan baslap, tap 41° qublaǵa shekem bolǵan bólegin iyelegen. Florasında kosmopolit ósimlik shańaraqları kóp. Joqarı ıǵallıqdaǵı hám ıssı Ekvatorial zona ormanları túrlerine bay. Karib, Orinoko, Amazonka, Braziliya, LaPlata, And flora oblastlarına bólinedi.
Qubla flora dúnyası Avstraliya materigi hám Tasmaniya atawı, Jańa Zelandiya, Qubla Amerikanıń qubla bólegi, Antarktida qubla atawlari hám Antarktidanı óz ishine aladı. Avstraliya, Jańa Zelandiya, Jańa Kaledoniya hám MagellanAntarktika flora oblastlarına bólinedi. Avstraliya florası ayrıqsha ósimlik túrlerine iye (evkaliptlar hám basqalar). Sol sebepli ayırım botanikler olardı bólek Flora dúnyaları dep esaplaydı.
2.2 Taxtadjyan sisteması
A. L. Taxtadjyan tárepinen berilgen Jer sharınıń floristik oblastları klassifikatsıyasına kóre tiykarınan 10 floristik oblastqa bólınedi. Bular:

• Iran-Turan,
• Tsirkum-bareal’,
• Shıǵıs Aziya,
• Orta Jer teńizi floristik oblastı,
• Atlantik - Arqa Amerika,
• Hindi-Xitay,
• Hindistan,
• Sudan -Zambiya,
• Madagaskar,
• Arab floristik oblastları.

Iran-Turan Floristik oblastı
Bul floristik oblastqa birinshi bolıp E. Boissier (1867) óz jumislarında júdá anıq shegaralanıwlardı kórsetip berdi.
Bul oblast Oraylıq hám Shıǵıs Aziya, Siriyanıń kóp bólimi, Túslik hám Shiǵis Palestina, Iordaniya, Armanistanniń tawliqlari, Túslik hám Batis Kavkaz, volganiń baslaniw bólimi, Kaspiy teńizi qirǵaqlari boylap Eran aymaqlari, Eran tawliqlarinda tropik bolmaǵan rayonlardan tartip, batis Himalay tawlariniń 83° ǵa shekemgi rayonlar, shiǵisqqa taman Gobi qumliqlarina shekem shegaralanǵan.
Bul floristik oblast jaylaniwi jaǵinan Jer Shariniń jeterli iǵal, qurǵaqshil hám yarim qurǵaqshil aymaqlarina tán. Arqa ayamaqlarinda jaz hám qis aylariniń almasiw dawaminda hawa temperaturasi +25°-+30° dan -15°-25° ǵa jetse, ıǵalshiliqtiń ortasha jıllıq muǵdari 400-450 mm ǵa hám hawaniń salistirma iǵalliǵi ortasha 70-75% ǵa jetedi.