Joba: Ma’mleketlik kadastri tu’sinigi ha’m onın’ mazmunı

Ma'mleket kadastrları birden-bir sistemasın ju’ritiw sxeması

Ma’mleket kadastrlarının’ birden-bir sisteması O’zbekistan Respublikası ha’m onın’ ayrım aymaqları tabiy-ekonomikalıq da’rejesinin’ birden-bir uluwma ma’mleket esap-kitabı ju’ritiliwin, bahalanıwın ta’miynlewge mo’lsherlengen ko’p maqsetli mag’lıwmat sistema ta’rzinde jaratıladı.
Ma’mleket kadastrları birden-bir sistemasına kiritiletug’ın ma’mleket kadastrlarının’ mag’lıwmatsın usınıs ta’rtibi ma’mleket kadastrların ju’ritiw tarwındag’ı arnawlı wa’killikli organ ta’repinen belgilenedi.
Ma’mleket kadastrları birden-bir sistemasına to’mendegiler kiredi:
Ma’mleket jer kadastrı;
Paydalı qazılma ka’nleri, belgileri ha’m texnogen tuwındılar kadastrı;
Ma’mleket suw kadastrı;
Ma’mleket tog’ay kadastrı;
O’simlikler du’nyası obiektleri ma’mleket kadastrı;
Haywanat du’nyası ma’mleket kadastrı;
Ayrıqsha qorg’alatug’ın ta’biyiy aymaqlar kadastrı;
Binalar ha’m imaratlar ma’mleket kadastrı;
Ma’mleket qalasazlıq kadastrı;
Gidrotexnika imaratları ma’mleket kadastrı;
Tariyxiy ha’m ma’deniy estelikler ma’mleket kadastrı;
Avtomobil jolları ma’mleket kadastrı;
Temir jollar ma’mleket kadastrı;
Transport kolodslari’ ma’mleket kadastrı;
Baylanıs obiektleri ma’mleket kadastrı;
Energetika obiektleri ma’mleket kadastrı;
Shıg’ındılardı ko’mip taslaw ha’m utilizatsiya qılıw ma’mleket kadastrı;
Ta’biyiy qa’wpi joqarı bolg’an aymaqlar (zonalar) ma’mleket kadastrı;
Texnogen qa’wpi joqarı bolg’an aymaqlar ma’mleket kadastrı;
Kartografiya-geodeziya ma’mleket kadastrı;
Aymaqlar ma’mleket kadastrı.
Ma’mleket kadastrları birden-bir sistemasına nızam menen belgilengennen basqa ma’mleket kadastrları da kiriw mu’mkin.
Ma’mleket kadastrları birden-bir sisteması (MKJS) - ma’mleket kadastrının’ tu’rlerin birlestiriwshi ko’p maqsetli mag’lıwmat sisteması.
Ma’mleket kadastrları birden-bir sisteması O’zbekistan Respublikası ha’m onın’ ayrıqsha aymaqlarının’ ta’biyiy ekonomikalıq da’rejesin birden-bir uluwma ma’mleket ta’repinen kompleks esapqa alıwı ha’m bahalawdı ta’miynlew maqsetinde jaratıladı ha’m ju’ritiledi.
Ma’mleket kadastrları birden-bir sistemasın ju’ritiw O’zbekistan Respublikası Jer resursları, Geodeziya, kartografiya ha’m ma’mleket kadastrı ma’mleket basqarmasi’ («Jergeodezkadastr» ma’mleket basqarmasi’) ta’repinen a’melge asırıladı.
Ma’mleket kadastrları birden-bir sistemasın jaratıw ha’m ju’ritiw usı nızam, sonday-aq basqa normativ-huqıqıy hu’jjetler menen ta’rtipke salınıp barıladı.
Ma’mleket kadastrları birden-bir sisteması ma’mleket ha’kimi ha’m basqarıw organların, yuridikalıq ha’m fizikalıq shaxslardı olardın’ iskerligi ushın za’ru’r bolg’an barlıq tu’rdegi ma’mleket kadastrıları mag’lıwmatları menen tez ta’miynlew ushın mo’lsherlengen.
Belgilengen ta’rtipke muwapıq anıqlang’an kadastr obiektlerinin’ huqıqıy atag’ı haqqındag’ı mag’lıwmatlar, kartografiya-geodeziya materiyalları, statistikalıq esapqa alıw mag’lıwmatları, ma’mleket kadastrları mag’lıwmatları Ma’mleket kadastrları birden-bir sistemasının’ tiykarın payda etedi. Ma’mleket kadastrları birden-bir sisteması shen’berinde aymaqlardı kompleks bahalaw ushın za’ru’r bolg’an basqa mag’lıwmatlar da ja’mlenedi.
Ma’mleket kadastrları birden-bir sistemasında belgilengan shegaralarda ha’r bir esapqa alıng’an jer ju’zesi ushastkası ushın onın’ geografiyalıq jag’dayı, huqıqıy atag’ı, mug’dar ha’m sapa klassifikatsiyaları ha’mde ta’biyiy bahalaw, xojalıqlar ha’m basqa kadastrlar obiektleri haqqında hu’jjetlestirilgen mag’lıwmatlar bolıwı kerek.
Ma’mleket kadastrları birden-bir sisteması obiektleri tuwrısında mag’lıwmatlar respublika ushın birden-bir texnologiya boyınsha:
Ma’mleket jer kadastrı boyınsha - «Jergeodezkadastr» ma’mleket basqarmasi’;
Ka’nler, paydalı qazılmalar ha’m texnogen tuwındılardın’ ju’zege shıg’ıw halları ma’mleket jer kadastrı boyınsha - O’zbekistan Respublikası Ma’mleket geologiya ha’m mineral resurslar basqarması;
Ma’mleket suw kadastrı boyınsha - O’zbekistan Respublikası Ministrler Kabineti janındag’ı Gidrometeorologiya xizmeti orayı (tabiyiy suw derekleri), O’zbekistan Respublikası Ma’mleket geologiya ha’m mineral resurslar basqarması (jer astı suwları), O’zbekistan Respublikası Awıl ha’m suw xojalıg’ı ministrligi (suw resurslarınan paydalanıw ha’m jerlerdin’ meliorativ jag’dayı);
Ma’mleket tog’ay kadastrı boyınsha - O’zbekistan Respublikası Awıl ha’m suw xojalıg’ı ministrini’n’ Awıl xojalıg’ı bas basqarması;
O’simlikler du’nyası obiektleri ma’mleket kadastrı boyınsha - O’zbekistan Respublikası Ma’mleket ta’biyattı qorg’aw basqarması;
Haywanat du’nyası ma’mleket kadastrı boyınsha - O’zbekistan Respublikası Ma’mleket ta’biyattı qorg’aw basqarması;
Ayrıqsha qorg’alatug’ın ta’biyiy aymaqlar ma’mleket kadastrı boyınsha - O’zbekistan Respublikası Ma’mleket ta’biyattı qorg’aw basqarması;
Binalar ha’m imaratlar ma’mleket kadastrı boyınsha - O’zbekistan Respublikası «Jergeodezkadastr» ma’mleket basqarması;
Ma’mleket qalasazlıq kadastrı boyınsha - O’zbekistan Respublikası Ma’mleket arxitektura ha’m qurılıs basqarması;
Gidrotexnika imaratları ma’mleket kadastrı boyınsha - O’zbekistan Respublikası Ministrler Kabineti janındag’ı Iri ha’m ayrıqsha kerek suw xojalıg’ı obiektlerinin’ texnikalıq jag’dayın ha’mde biyqater islewin baqlaw ma’mleket inspektsiyası, basqa wa’killikli organlar;
Ma’deniy miyras obiektleri ma’mleket kadastrı boyınsha - O’zbekistan Respublikası Ma’deniyat ha’m sport isleri ministrligi;
Shıg’ındılardı ko’miw ha’m utilizatsiya jerleri ma’mleket kadastrı- O’zbekistan Respublikası Ma’mleket ta’biyattı qorg’aw basqarması;
Kartografiya-geodeziya ma’mleket kadastrı- «Jergeodezkadastr» ma’mleket basqarması ta’repinen usınıladı;
Tiyisli ma’mleket kadastrların ju’ritiw boyınsha wa’killikli organlar nızam hu’jjetleri menen belgilenedi.
Ma’mleket kadastrların ju’ritiw ta’rtibi O’zbekistan Respublikası Ministrler Kabineti ta’repinen tastıyıqlanatug’ın tiyisli nızamlar menen belgilenedi.
Ma’mleket kadastrları birden-bir sisteması mag’lıwmatları ma’mleket basqarıwı barlıq organları, yuridikalıq ha’m fizikalıq shaxslar, tap sonday shet ellik yuridikalıq ha’m fizikalıq shaxslar ushın ma’jbu’riy ku’shke iye. Kadastr hu’jjetleri mu’lkshilik ha’m xojalıq ju’ritiwdin’ barlıq formalarındag’ı obiektleri tuwrısındag’ı huqıqıy, ekonomikası ha’m texnikalıq mag’lıwmatlardın’ baslang’ısh deregi retinde qabıl etiliwi kerek.
To’mendegiler Ma’mleket kadastrları birden-bir sistemasın ju’ritiwdin’ tiykarg’ı printspleri esaplanadı:
Ha’r bir kadastr obiektleri tu’ri boyınsha O’zbekistan Respublikasın barlıq aymaqların tolıq o’z ishine alıw;
Orın koordinatalarının’ birden-bir sistemasın qollaw;
Kadastr mag’lıwmatların rawajlandırıw metodologiyasının’ birden birligi;
Kadastr mag’lıwmatlarının’ isenimliligi;
Kadastr mag’lıwmatlarının’ ashıqlıg’ı.
A’meldegi kadastrlar ha’m formatsiyalar sistemaları shen’berinde alıng’an obiektlerdin’ esabı ha’m dizimnen o’tkeriliwi na’tiyjekleri Ma’mleket kadastrları birden-bir sistemasına «Jergeodezkadastr» ma’mleket basqarması ha’m ma’mleketke tiyisli kadastrların ju’ritiw haqqındag’ı nızamlar menen belgilen ta’rtipte ma’mleket basqarıw organları ha’mde jergilikli ma’mleket ha’kimiyatı organları ta’repinen biypul beriledi.
«Jergeodezkadastr» ma’mleket basqarması ha’m mag’lıwmatlardı usınıwshı organlardın’ a’meldar shaxsları Ma’mleket kadastrları birden-bir sistemasındag’ı mag’lıwmatlardın’ isenimliligi ushın nızam hu’jjetlerinde belgilengen ta’rtipte juwap beredi.
Ma’mleket kadastrları birden-bir sistemasın jaratıw ha’m ju’ritiw menen baylanıslı jumıslar ma’mleket byudjeti aqshaları esabınan qarjılandırıladı.