Joba: Ma’mleketlik kadastri tu’sinigi ha’m onın’ mazmunı

6-Tema. Kadastr nomerlerin esapqa alıw.

1. 
   Jer ushastkalarının’ kadastr nomerlerin esapqa alıw
   
2. 
   Aymaqlardi kadastr boyinsha boliw jumislarin ámelge asiriw boyinsha juwapkerlik
   
3. 
   Ko’shpes mu’lk obektlerinin’ kadastr nomerin du’ziwdin’ misallariı
   

Jer ushastkalarının’ kadastr nomerlerin esapqa alıw
Jer ushastkalarına kadastr nomerin beriw protsessin ta’rtipke salıw ha’m na’wbettegi kadastr nomerlerin durıs anıqlaw maqsetinde, berilgen kadastr nomerleri sa’ykes ra’wishte esapqa alınıp barıladı.
Jer ushastkalarının’ kadastr nomerlerin esapqa alıw arnawlı reestrda elektron kartotekası retinde standart da’stu’rlerden paydalanıp a’melge asırıladı.
Jer ushastkalarının’ kadastr nomerlerin esapqa alıw reestri ha’r bir rayonda (qalada) kvartallar boyınsha electron formada ju’ritiledi.
Reestrdın’ basında aymaqtın’, zonanın’, massivtin’ ha’m kvartaldın’ kodı keltiriledi. Jer ushastkalarının’ kadastr nomerlerin esapqa alıw reestrde jer ushastkasınan paydalanıwshının’ atı, jer ushastkasına berilgen kadastr nomeri jer ushastkasınan paydalanıw tu’ri, jer ushastkasının’ maydanı, kadastr nomerinin’ biykar qılıng’anlıg’ı haqqındag’ı mag’lumatlar ko’rsetiledi.
Jer ushastkalarının’ kadastr nomerlerin esapqa alıw reestri to’mendegi ta’rtipte toltırıladı:
1-qatarda – ta’rtip nomeri;
2- qatarda – jerden paydalanıwshı yuridikalıq shaxstın’ ra’smiy qısqartırılg’an atı yamasa fizikalıq shaxstın’ familiyası ha’m tolıq atı ochestvası;
3- qatarda – jer ushastkasına berilgen to’rt razryadlı onlıq san kodı;
4- qatarda – jer ushastkasınan paydalanıw tu’ri (jergilikli bina, islep shıg’arıw, du’kan, asxana, fermer xoalıg’ı, diyxan xojalıg’ı, turar jay h.b.);
5- qatarda – jer ushastkasının’ maydanı gektarda;
6- qatarda kadastr nomeri biykar qılıng’an tag’dirde “biykar qılındı” dep jazıladı ha’m jer ushastkasının’ o’zgeriwine tiykar bolg’an hu’jjet atı ha’m sa’nesi jazıladı.