Joba: Ma’mleketlik kadastri tu’sinigi ha’m onın’ mazmunı

3. Ma’mleketlik jer kadastrin ju’ritiw

Da’slepki kadastr mag’liwmatlari jan’alanip atirg’anda jer uchastkalarinin’ huqiqiy jag`dayinda, jerlerdin’ sapa halati ha`m olardan paydalaniwda, olardi bahalawda ju’z berip atirg’an o’zgerisler aniqlanadi ha`m dizimnen o’tkeriledi. Jer uchastkalari mu’lkdarlari, jer uchastkalari iyeleri jerden paydalaniwshilar ha`m ijarashilar ma`mleketlik jer kadastrin ju’ritiw waziypasi ju’klengen tiyisli xizmetlerge ko’rsetip o’tilgen o’zgerisler haqqinda on ku’n mu’ddette xabar beriwge majburligi ko`rsetilgen.

Rayonlar(qalalar) jer resurslari ham jer kadastri bo’limleri:
Mu’lkdarlardan, jer iyelerinen, jerden paydalaniwshilardan ha`m ijarashilardan huquqiy halatta, jer uchastkalarinin’ quraminda ha`m jer uchastkalarinan paydalaniwda ju’z bergen o’zgerisler haqqindag’i mag’liwmatlardi toplaydi ha`m naturada tekserilgennen keyin sol o’zgerislerdi u’sh kun ishinde jer kadastri mag`liwmatlarina kiritedi;
Rayon(qala)jer resurslari mug’dari ham olardin’ sapasi haqqindag’i mag’liwmatlar banklarin du’zedi ha`m olardi zamanago’y darejede tutadi;
Ha`r jili 15-yanvarg’a deyin Qaraqalpaqstan Respublikasi, walayatlar ha`m Tashkent qalasi jer resurslari ham mamleketlik kadastri basqarmalarina jerlerdin’ mug’dari ha`m olardan paydalaniw haqqinda esabat beredi.
Qaraqalpag’istan Respublikasi, wa’la’yatlar ham Tashkent qalasi jer resurslari basqarmalari:
Rayonlar(qala) jer resurslari ha`m ma`mleketlik kadastri bo’limlerinin’ jer kadastrin ju`ritiwge tiyisli iskerligin muwapiqlastirip baradi;
Rayonlar(qalalar) jer resurslari ha`m ma`mleketlik kadastri bo`limlerinin’ esabatlarin uliwmalastiradi, jer uchastkasina iyelik huquqi subiektleri, regiondag’i jer resurslari mug`dari, sapasi ha`m olardin’ bahalawg’a baylanisli mag’liwmatlar bazasin jaratadi, Respublika jer mag’liwmatlari jeke bazasin jaratiwda qatnasadi;
Jer uchastkalarina bolg’an mu’lkshilik, olarg’a iyelik qiliw, olardan paydalaniw ha`m ijarag’a aliw huquqin, servitutlar haqqindag’i kelisiwlerdi ha`m bul huquqlar boyinsha basqa sheklewlerdi dizimnen o’tkeredi;
Tabiyatti qorg’aw organlari menen kelisip aling’an region jerlerinin’ mug’dari ha`m olardan paydalaniliwi haqqindag’i esabatlardi ha`r jili 1-fevralg’a shekem “Jergeodezkadastr” ma`mleketlik komitetine tapsiriladi.