Joba: Ma’mleketlik kadastri tu’sinigi ha’m onın’ mazmunı

"Jergeodezkadastr" ma’mleketlik komiteti:
Ma`mleketlik jer kadastri ju’ritiliwin ta`rtipke saliwshi normativ hujjetlerdin’ islep shig’iliwin ta’miynleydi;
Wa’layatlar, qalalar, rayonlar administrativlik shegaralarin, keyin ala olardin’ maydanlarin muwapiqlastirilg’an halda, geodeziyaliq usillar menen belgilew ha`m orinlarg’a biriktirip qoyiw jumislarin a’melge asiradi;
Topografiya-geodeziya jumislarin ha`m jerlerdi tiyisli masshtablarda kartag’a aliwdi payda etedi;
Jer resurslarin aerokosmik usillar menen u’yreniwdi a`melge asiradi;
Aymaqliq bo’linbelerdin’ jerlerdin’ mug’dari ha`m olardan paydalaniliwi haqqindag’i esabatlarin u`yrenedi, analizleydi ha`m uliwmalastiradi;
Islep shig’ilg’an jer kadastri mag`liwmatlari sapasin qadag’alaydi;
Qa’niygeler tayarlaw ha’m olardin’ ta’jireybesin asiriwdi a`melge asiradi;
Topiraq, geobotanika ha`m basqa tu’rdegi arnawli izertlewlerdi, jerlerdi bahalawdi payda etedi;
Jer kadastri mag`liwmatlarinin’ sapasi ha`m ha’r tu’rliligi talapti barqulla u`yrenip turadi, jer kadastrin ju`ritiw texnologiyasin jetilistiriwdi ta’miynleydi;
Respublika regionlari boyinsha jer kadastri hujjetlerin jan’alaw na’wbetin ha’m mu’ddetlerin tiykarlap beredi;
Avtomatlastirilg’an jer informatsiyaliq sistemasin jaratiwdi ha’m onin’ iskerligin a’melge asiradi;
Jer kadastri mag`liwmatlarin baspadan shig’aradi, ma’pdar ministrlikler ha`m mekemelerge mag’liwmatlar tapsiriladi;
Ma`mleketlik kadastrlari birden bir sistemasina tapsirilatug’in jer kadastri mag`liwmatlari quramin, ko’lemin ha’m olarg’a texnikaliq talaplardi belgileydi;
Ha`r jili 1-martqa shekem O’zbekistan Respublikasi Ministrler Kabineti Jer resurslarinin’ jag’dayi haqqinda milliy esabatti beredi.
Ma’mleketlik jer kadastrlarin ju’ritiw tartibi:
1. Jer uchastkalari mu’lkdarlari, paydalaniwshilari o’zlerine tiyisli bolg’an jer uchastkalari boyinsha kadastr mag`liwmatlarin rayon(qala) jer resurslari ha`m ma’mleketlik kadastri bo’limlerine tapsiradi.
2. Rayon(qala) jer resurslari ha`m ma’mleketlik kadastri bo’limlerine bul jer uchastkalari mu’lkdarlari ha`m paydalaniwshilarinan jer uchastkalari boyinsha kadastr mag`liwmatlarin toplaydi, o’z aymag’i shen’berinde kadastr jumisin sho`lkemlestiriledi, jer uchastkalari boyinsha kadastr mag`liwmatlari Qaraqalpaqstan Respublikasi, wa’la’yatlar ha’m Tashkent qalasinin’ jer resurslari ha’m ma’mleketlik kadastri basqarmalarina beriledi.
3. Qaraqalpaqstan Respublikasi, wa’layatlar ha`m Tashkent qalasinin’ jer resurslari ha`m ma’mleketlik kadastri basqarmalarina jer uchastkalari haqqindag’i mag’liwmatlardi aladi.
4. Qaraqalpaqstan Respublikasi, wa’layatlar ha`m Tashkent qalasinin’ jer resurslari ham ma`mleketlik kadastri basqarmasina jer uchastkalari haqqindag’i informatsiyalardi mag’liwmatlar bazasina kiritilgennen keyin kadastr mag`liwmatlarin “Ergeodezkadastr” ma’mleketlik komitetinin’ MKBBS mag’liwmatlari bazasina beredi.
5. Qaraqalpaqstan Respublikasi, wa’layatlar ha`m Tashkent qalasinin’ jer resurslari ha`m ma’mleketlk basqarmasina soraw boyinsha “Ergeodezkadastr” ma’mleketlik komitetinin’ DKTYaT mag’liwmatlar bazasinan jer uchastkalari boyinsha mag`liwmatlardi aliwi mu’mkin.
6. "Ergeodezkadastr" ma’mleketlik komiteti “Geodeziya ha’m kartografiya milliy orayi” MKBBS mag’liwmatlar bazasinan jer uchastkalari boyinsha kerekli mag`liwmatlardi Qaraqalpaqstan Respublikasi, walayatlar ha`m Tashkent qalasinin’ jer resurslari ha`m ma`mleketlik kadastri basqarmalarina jiberedi.
7. MKBBStan paydalaniwshilar soraw boyinsha “Ergeodezkadastr” ma’mleketlik komitetinin’ MKBBS mag’liwmatlar bazasinan jer uchastkalari haqqindag’i kadastr mag`liwmatlarin aliwi mu`mkin.