Joba: Ma’mleketlik kadastri tu’sinigi ha’m onın’ mazmunı

3.5. Paydalanıwshılardı kadastrg’a tiyisli mag’lıwmat menen ta’miynlew.
Ma’mleket kadastrlarına tiyisli mag’lıwmat ma’mleket ha’kimiyatı organlarına biypul, basqa yuridikalıq ha’m fizikalıq shaxslarg’a bolsa belgilengen ta’rtipte haq esabına usınıladı.
Ma’mleket sırı esaplang’an ma’mleket kadastrlarına tiyisli mag’lıwmatdan paydalanıw nızam hu’jjetleri menen ta’rtipke salınadı.
Kadastr obiektleri tuwrısındag’ı kadastr mag’lıwmatlarının’ kompyuter bazası ma’mleket kadastrların ju’ritiwshi juwapker organ ta’repinen rayon, qala kadastr, reestr da’pterine kiritilgen mag’lıwmatları tiykarında du’ziledi.
Kadastr obiektleri haqqındag’ı kompyuter mag’lıwmatları Qaraqalpaqstan Respublikası, wa’layatlar, Tashkent qalası boyınsha jıldın’ ha’r shereginde uluwmalastırıladı ha’m bir sistemag’a salınadı.
Qaraqalpaqstan Respublikası, wa’layatlar, Tashkent qalasının’ kadastr obiektleri tuwrısındag’ı kompyuter kadastr mag’lıwmatları tiykarında O’zbekistan Respublikası boyınsha kadastr obiektleri haqqındag’ı kadastr mag’lıwmatlarının’ bir sistemag’a salıng’an kompyuter bazası tu’rlendiriledi.

Texnikalıq inventarizatsiya jumısların o'tkeriw

Kadastr obiektlerinin' mug'dar ha'm sapa klassifikatsiyaların esapqa alıw

Kadastrg'a tiyisli informaciyanı sistemag'a salıw, saqlaw ha'm jan'alap barıw

Mag'li'wmatlar banki'ni' jarati'w

Kadastr jıynalma jildin du'ziw

GIS na salıw, saqlaw ha'm jan'alap barıw

Sapa jag'ınan bahalaw

Kadastr obiektlerin sapa ha'm ma'nis jag'ınan bahalaw

Ma'mleket kadastrların ju'ritiw

Ma'mleket kadastrların jeke sistemag'a kiritiw ushın tiyisli mag’lıwmat usınıw

Esapqa alıw ha'm dizimnen o'tkeriw

Ma'nis jag'ınan bahalaw

Bahasına baylanıslı mag’lıwmatlar

Mug'darı ha'm sapa jag'dayı

Kadastr obiektlerinin' jag'dayı haqqında esabatlar du'ziw

Paydalanıwshılardı kadastrg'a baylanıslı mag’lıwmat menen ta'miynlew

Ma'mleket organlarına mag’lıwmatlar beriw

Bahalaw

Yuridikalıq ha'm fizikalıq shaxslarg'a mag’lıwmatlar beriw

Arza beriw

Kadastr obiektlerine bolg'an mu'lk huqıqı ha'm basqa huqıqlardı ma'mleket diziminen o'tkeriw

Dizimnen o'tkeriw ha'm guwahnama beriw

Arzanı tekseriw

Temag`a baylanisli sorawlar

1. 
   Ma’mleketlik kadastrin ju’rgiziw o’z ishine nelerdi aladi?
   
2. 
   Ma’mleketlik kadastrlar birden-bir dizimin ju’rgiziwdin’ tiykarg’i printsipleri nelerden ibarat?
   
3. 
   Ma’mleketlik kadastrlar birden-bir dizimine kiritiw ushin tiyisli mag`liwmatlardi usinis etiw ta’rtibi qanday?
   
4. 
   Qaysi ma’mleketlik kadastrlari Ma’mleketlik kadastri birden-bir dizimine kiredi?
   
5. 
   Ma’mleketlik Kadstri qanday mag’liwmatlar ha’m hu’jjetler diziminen ibarat boladi?
   

4-Tema: O’zbekistan Respublikası aymaqlarin
kadastr boyınsha bo’liw ha’mde kadastr nomerlerIn jaratiw
Joba:

1. 
   O’zbekistan Respublikası aymaqların kadastr boyınsha bo’liw ta’rtibi ha’m prinsipleri
   
2. 
   Jer ushastkası bina ha’m inshaatlar kadastr nomerlerinin’ du’ziliwi
   

O’zbekistan Respublikası aymaqların kadastr boyınsha bo’liw ta’rtibi ha’m prinsipleri

Kadastr boyınsha bo’liw – bul O’zbekistan Respublikası aymaqların belgilengen ta’rtipte kartografiyalıq materiallarda (kartalarda, planlarda, sxemalarda) kadastr birliklerine (zonalar, massivler, kvartallar) bo’liw.

O’zbekistan Respublikası aymaqların kadastr boyınsha bo’liw ko’shpes mu’likti esapqa alıwdın’ jeke sistemasın jaratıw ha’mde jer ushastkaları, binalar ha’m inshaatlarg’a kadastr nomerlerin beriw maqsetinde a’melge asırıladı.
Kadastr boyınsha bo’liw ha’m ko’shpes mu’lk obektlerine kadastr nomerin beriw sisteması ko’shpes mu’likti esapqa alıwdın’ jeke sistemasında ha’r qanday jer ushastkaları, binalar ha’m inshaatlardı birdey identifikatsiyalawdı ta’minlew kerek.
Aymaqlardı kadastr boyınsha bo’liw ha’r bir rayonda ha’m Qaraqalpaqstan Respublikası ha’mde wa’layatlarg’a boysınıwshı qalalarda sho’lkemlestiriledi.
Qaraqalpaqtan Respublikası, walayatlar, Tashkent qalası, rayonlar (qalalar), kadastr zonaları (bir neshe kadastr massivlerinin’ birlespesi), kadastr massivleri (bir neshe kadastr kvartallarının’ birlespesi), kadastr kvartalları (bir neshe jer ushastkalarının’ birlespesi), jer ushastkaları O’zbekistan Respublikası aymaqların kadastr boyınsha bo’liw birlikleri esaplanadı.
Ayrım jag’daylarda rayon ha’m qala aymaqlarının’ qa’siyetlerine, jer ushastkalarının’ sanına, u’lken-kishiligine qarap, ayırım zonalar bir massivten, ayırım massivler bir kvartaldan ha’m ayırım kvartallar bir jer ushastkasınan quralg’an bolıwı mu’mkin.
Aymaqlar, rayonlar (qalalar) da’rejesinde kadastr boyınsha bo’liw shegaraları jergilikli-aymaqlaq bo’liw shegaralarına tuwrı keliwi kerek. Jergilikli rayon (qala) aymag’ı tiyisli ra’wishte kadastr zonalarına bo’linedi.
Jergilikli rayon aymag’ın bo’liwde kadastr zonaları retinde kishi rayonlar, awıllar ha’m rayong’a boysınıwshı qalalar (qalashalar) aymaqları qabıl qılınadı. Qaraqalpaqstan Respublikası walayatqa boysınıwshı qalalar aymag’ın bo’liwde kadastr zonaları retinde qala rayonları (bar bolsa) yamasa tu’rli, (ta’biyiy imarattın’ qurılıwı qa’siyeti, paydalanıw maqseti sıyaqlı) belgileri boyınsha ajıralıp turatug’ın qalalar bo’limleri, ma’selen: sanaat zonası, turar jay massivi, dem alıw bag’ları, dem alıw zonaları ha’m sol sıyaqlar, qabıl qılınadı.
Kadatsr zonaları shegaraları kadastr massivlerinin’ sırtqı shegaraları ta’biyiy obektler (da’ryalar, temir jollar, magistral kanallar, kollektorlar, basqa ulıwma obektler) boylap o’tiwi kerek.
Kadastr zonası aymag’ı o’z na’wbetinde kadastr massivlerine bo’linedi.
Awıl jaylarında kadastr massivi retinde awıl xalqı punktleri, awıl xojalıg’ı ha’m basqamaqsetlerde jerler qabıl qılınadı.
Rayong’a boysınıwshı qalalarda (qalashalarda) kadastr massivleri retinde ma’ha’lle aymag’ı yamasa qala ha’m qalashalardın’ ayrım bo’limleri qabıl qılınadı. Bunda kadastr massivleri shegarası kadastr kvartallarının’ sirtai shegaraları boylap o’tiw ha’m elatlı punktlerinin’ ko’sheleri yamasa sırtqı shegaraları menen sa’ykes keliwi kerek.
Kadastr massivi aymag’ı kadastr kvartallarına bo’linedi .
Awıllıq jerlerde kadastr kvartalı retinde awıl xojalıg’ı ha’m basqa maqsetlerdegi jerler, bag’shılıq-ju’zimshilik shirketleri aymag’ı qabıl qılınadı.
Qala ha’m qalashalarda kadastr kvartalı retinde qala ha’m qalashalardın’ bas rejeleri, bar bolg’an uzın obiektler (ko’sheler, jollar, da’riyalar, kanallar ha’m basqalar), basqa ta’biyiy obiektler shegarası esapqa alıng’an halda ha’r tu’rli belgiler (ta’biyiy, imarattın’ qurılıw qa’siyeti, paydalanıw maqseti ha’m basqalar) boyınsha ajıralıp turatug’ın jer ushastkaları ja’mi qabıl qılınadı.
Kadastr kvartallarının’ aymag’ın sonday qılıp du’ziw kerek, olarda jer ushastkalarının’ sanı to’rt razryadlı onlıq sannan (yag’nıy 9999 dan) artpawı za’ru’r. A’melde sonday jag’day ju’z berse, usı kadastr kvartalı ekige bo’liniwi kerek.
Kadastr boyınsha bo’liwdin’ birlemshi bo’legi bolıp, belgilengen ta’rtipte du’zilgen jer ushastkası esaplanadı.
Anıqlang’an yuridikalıq ha’m fizikalıq shaxslarg’a biriktirilmegen ulıwmalıq paydalanılatug’ın jerler (ko’sheler, maydanlar, ko’klemzarlar, zapas jerler) kadastr boyınsha bo’linbeytug’ın ha’m olarg’a kadastr nomeri berilmeydi.