Joba: Ma’mleketlik kadastri tu’sinigi ha’m onın’ mazmunı

Ma’mleketlik Qalasazliq kadastri – bul Ma’mleketlik Qalasazliq kadastri obiyektleri, olardin’ geografiyaliq jag`dayi, huqiqiy maqami, mug`dari ha’m sapasi tuwrisinda ha’mde ekanomikaliq bahasi tuwrisinda jan’alap barilatug’in isenimli mag`liwmatlar sistemasi.
Ma’mleketlik qalasazliq kadastri MKBBS tin` bir bo’legi bolip esaplanadi ha’m elatli punktler ha’mde awillar ortasinda aymaqlardi rawajlandiriw tuwrisinda qalasazliq hu’jjetleri talaplarina a’mel qiliw tiykarinda jasaw ushin qolay jolin, transport ha’m ja’miyetlik infradu’zilme sistemalari xizmetlerin mag`liwmatlar menen ta’miynlew maqsetinde ju’ritiledi.
Qalasazliq xizmeti a’melge asirilatug’in elatli punktlar aymag’inda ha’m basqa aymaqlardin’ ha’mde awillar ortasindag’i aymaqlardin’ bo’legi Ma’mleketlik qalasazliq kadastrinin’ obiyektleri esaplanadi.
Qalasazliq xizmeti degende Ma’mleketliklik organlarinin’, yuridikaliq ha’m fizikaliq shaxslardin’, aymaqlardin’, elatli punktlerdin’ rawajlandiriwi qalasazliq ta’repinen rejelestiriliw salasinin’ xizmeti, jer ushastkalardin’ paydalaniw tu’rlerin belgilew, puqaralardin’, ja’miyetlik ha’m Ma’mleketliklik, sonin’ menen ko’rsetip o’tilgen aymaqlar ha’m elatli punktlerdin’ milliy, ta’riyxiy ha’m ma’deniy, ekologiyaliq ta’biyiy qa’siyetlerin esapqa alg’an halda qurilis ma’teriallari ha’m buyimlar islep shig’ariw, binalar, inshaatlar ha’m basqa obiyektlerdi joybarlaw, quriw ha’m rekonstruktsiya qiliw tu’siniledi.
O’zbekistan Respublikasi Arxitekturasi ha’m qurilis komiteti Ma’mleketlik qalasazliq kadastrin ju’ritiw boyinsha juwapker organ esaplanadi.
Ma’mleketlik qalasazliq kadastri Ma’mleketlik ha’kimyati ha’m basqariw organlari, ma’pda’r yuridikaliq ha’m fizikaliq shaxslardi Ma’mleketlik qalasazliq kadastri obiyektleri tuwrisinda isenimli mag’liwmatlar menen ta’miynlew ushin mo’ljellengen.
Ma’mleketliklik qalasazliq kadastri ju’ritiwdin’ tiykarg’i printsipleri to`mendegiler esaplanadi.

• 
  O’zbekistan Respublikasi uliwma aymaqti toliq qamitip aliw;
  
• 
  Ma’ka’n koordinatalari birden-bir sistemasi boyinsha ha’m topagrafiya tiykarin qollaniw;
  
• 
  Kadastr mag`liwmatlarin rawajlandiriw metodikasinin’ birden-birligin ta`minlew;
  
• 
  Kadastr mag`liwmatlarinin’ isenimli ha’m hu’jjetliligi;
  
• 
  Kadastr mag`liwmatlarinin’ nizam hu’jjetlerinde belgilengen ta’rtipte paydalaniw qolaylig’.
  

Aymaqlardin’ a’melde paydalaniwdin’, paydalaniw sha’rtleri qalasazliq bayliqlari ha’m aymaqta a’mel qilatug’in qalasazliq reglamentlari tuwrisinda isenimli mag’liwmatlar Ma’mleketlik qalasazliq kadastrinin’ tiykarin sho’lkemlestiriw.
Qalasazliq reglamenti deyilgende elatli punktlardi ha’m aymaqlardi quriw qag’iydalari menen belgilengen qalasazliq xizmetin a’melge asiriwda jer ushastkalari ha’mde elatli punktlerdin’ ha’m awillar orayi aymaqlardin’ ko’shpes mu’lki basqa obiyektlerden paydalaniw parametrleri ha’m tu’rleri jiyindisi tu’siniledi.
Ma’mleketlik qalasazliq kadastri mag`liwmatlari to’mendegilerden ibarat boladi;

• 
  Tapografiya- geodeziya ha’m kartografiya materiallari;
  
• 
  Aymaqlardin’ ekologiyaliq, texnikaliq-geologiyaliq, seysmik, gidrigeoliyaliq jag`dayi tuwrisinda mag’liwmatlar;
  
• 
  Texnikaliq, transport ha’m ja’miyetlik infradu`zilme obiyektleri sonin’ menen birge aymaqlardin` abadanlastiriw tuwrisinda mag’liwmatlar;
  
• 
  Aymaqlardi, elatli punktlerdi rawajlandiriw ha’m olardi quriwda qalasazliq ta’repten rejelestiriw tuwrisinda mag’liwmatlar;
  
• 
  Aymaqlardi zondlaw ha’m aymaqliq zonalardin’ qalasazliq reglamentleri tuwrisinda mag’liwmatlar;
  
• 
  U’y-jay fondinin’ texnikaliq jag`dayi tuwrisinda mag’liwmatlar;
  
• 
  Qalasazliq xizmeti obiyektleri monitoring mag’liwmatlari.
  

Ma’mleketlik qalasazliq kadastri ju’ritiw aymaqliq arxitektura ha’m qurilis organlari ha’mde ma’ha’lliy Ma’mleketliklik ha’kimyati ha’m basqariw organlari ta’repinen Ma’mleketliklik qalasazliq kadastri obiyektleri tuwrisinda mag’liwmatlar ma’jburiy tu’rde to’lemsiz beriwdi na’zerde tutadi.

Kadastr hu’jjetkeri Ma’mleketliklik qalasazliq kadastri obiyektleri tuwrisinda huqiqiy ekanomikaliq, texnikaliq ha’m rejelestiriwde mag’liwmatlardin’ baslang’ish deregi sipatinda qabil qilinadi ha’m qalasazliq xizmeti a’melge asiriwda ba’rshe Ma’mleketlik basqariw organlari basqa yuridikaliq ha’m fizikaliq shaxslar ushin ma’jburiy ku’shke iye boladi.
Ma’mleketlik qalasazliq kadastrinin’ ju’ritiw qag’az ya’ki elektron dereklerinde a’melge asiriladi.
Ma’mleketliklik qalasazliq kadastri obiyektleri tuwrisinda sistemalang’an kadastr mag`liwmatlari belgilengen ta’rtipte MKBBS qa beriledi.
Ma’mleketliklik qalasazliq kadastrin ju’ritiw jumislarin qarjilastiriw Ma’mleketliklik byudjeti esabinda a’melge asiriladi.