K. PàlÍmbetov, P. Allàshov

Miywe  hám  japıraq
(tımsal)
Miywe  jetilisip  pisip  shaqada,
«Xojam  ushın  men  húrmetli  oǵada,
Áy  japıraqlar,  seniń  joq  ǵoy  keregiń,
Adamzatqa  sennen  lázzet  bola  ma?
Men  mazalı,  paldan  tatlı  bar  dámim,
Kóziniń  qurtıman,  bilseń  hámmeniń,»  —
Dedi, — ǵawlap  turǵanıńız  bolmasa,
Qásiyetiń  bar  ma,  sirá,  al  seniń?
Ayttı  japıraq: — Kútá  jaqsı  dámiń  de,
Al  soǵan  ılayıq  bolsın  pámiń  de,
Oylap  kóriń,  kem  be  sennen  lázzetim.
Mazańa  bergisiz  sayam  meniń  de.
Quwraǵan  aǵashqa  miywe  piter  me,
Japıraqsız  ózińdi  bálent  kóterme,
«Maqtanǵan  adamnıń  dánesi  joqdur»,
Degen  xalıq  naqılı  biykar  keter  me?
Bul  sózdi  esitip  miywe  jeńildi,
Mensinbegen  ádetine  ókindi,
Geypara  joldaslar  turmısta  biziń,
Tımsalda  maqtanshaq  miywe  sekilli.

---

131