Калийли ўғитлар технологияси

Тош тузи.

Тюбегатан туз қатлами жойлашишида асосий ролни конларда учрайдиган тош тузи эгаллайди. Тош тузи – шаффоф, пушти ранг, кўк ранг, камдан-кам сут каби оппоқ. Тузилиши бўйича йирик, ўрта ва майда тузлар мавжуд бўлиб, кўпинча турли ўлчамли доналари учрайди. Галит доналарининг катталиги кўпгина ўрганиб чиқилган намуналарда миллиметр улушидан 2…3 см гача ўзгариб туради.

Тюбегатанда кристалланиш жараёнлари кенг ривожланган, бу эса йиллик қатламлар деб ифодаланадиган туз жинсларининг қатлами мавжуд эмаслигини изоҳлайди. Айрим интервалларда куз-қиш мавсумида, яъни паст температураларда (<10⁰С) пайдо бўладиган гидрогалитнинг кристалланиши натижасида пайдо бўлган сувдек шаффоф ёки оқ-пушти ранг галитнинг йирик кристалл доналари учрайди. Температура кўтарилиши билан у сувни йўқотиб, галитга айланади. Тюбегатан учун қуйидаги
галит турлари характерлидир: шаффоф ва рангсиз галит; кул ранг галит; шаффоф пушти рангли галит; шаффоф қизил галит; кўк галит; Темир оксидлари, лой тупроқ заррачалари қўшилган галит.
Оқ шаффоф галитга ҳар қандай ангидрит – лой-тупроқли материаллар қўшилмаган ёки унда жуда оз миқдорда мавжуд. Энг кўп пушти ранг галит тарқалган, у айрим пайтларда сарғиш рангга айланади. Оч пушти ранг ва пушти рангининг сабаби аниқ эмас. Кўк галит кристаллари камдан-кам учрайди. Галитнинг ҳаво рангда бўлишини минералда натрий металининг коллоидларга бўлиниб кетган (атомлар) заррачаларнинг оз миқдорининг мавжудлиги келтириб чиқарган. Кўк ранг ҳар доим мустаҳкам кристалл ҳолатга интиладиган коллоидал моддага қарашли. Вақт ўтган сари кўк ранг йўқолади, бунга кристалл панжаранинг тикланиши дарак беради. Тош тузининг кўк рангини пайдо бўлишига кристалл панжаранинг бутунлигини бузаётган ва янги бўялган марказлар пайдо бўлишини тезлатаётган босим ёрдам беради.
Тюбегатан туз қатламининг пастки горизонти – тоза, оз миқдордаги аралашмадир. Тош тузи асосан ангидрид ва кул рангли лой қўшилгани сабабли рангсиз, шаффоф ёки кўк ранглидир. Галитнинг қопланиш зонаси 16 дан 30 м гача.
Турли зона кесимларидан олинган ҳар хил тош тузининг кимёвий таҳлили: галит NaCI миқдори 97,9% дан 100% гача, оз миқдори – CаCI₂, CaSO₄ ва KCI лардир (2-2 жадвал).
2-2 жадвал
Тюбегатан конидаги турли кўринишдаги галитларнинг кимёвий таркиби

Намуна*	Намуналар тартиби	Эримайдиган қисм	Ca	Na	K	SO4	Cl	Br	B2O3	CaSO4	CaCl2	KCl	NaCl	Эримайдиган қисм ва тузлар йиғиндиси.
Кўк галит	388/4	-	0,03	39,00	0,481	-	60,63	0,0033	0,0008	-	0,090	0,91	99,13	100,14
Қуюқ пушти галит	4/49	0,02	0,44	38,52	0,08	0,90	59,58	0,0014	0,0013	1,27	0,19	0,15	97,91	99,52
Оқ галит	22/49	-	0,14	39,04	0,40	Жуда оз	60,83	0,001	0,001	-	0,39	0,77	99,23	100,4
Оч пушти галит	62/49	-	-	39,44	Жуда оз	Жуда оз	60,83	0,0015	0,0012	-	-	-	100,2	100,27
Рангсиз битумли галит	88/49	0,49	0,20	39,17	0,02	0,41	60,47	0,0008	0,0012	0,06	0,67	0,03	99,59	100,76

* Турлича минералогик намуналар Ўзбошгеология литология лабораториясидан олинган.
Mg ва MgCl₂ – маъдан таркибида чиқмаган.


7. Калий тузларининг мавжуд бўлиш худудлари

Конда учта калий горизонти аниқланган: юқори, ўрта ва пастки. Пастки ўз навбатида учта қатламга бўлинади (1, 2, 3). Калий тузлар саноат аҳамиятига эга бўлган қатламининг кимёвий таркиби 2-3 жадвалда кўрсатилган. У барча кон майдонида тарқалган. KCI нинг текширилган майдондаги ўртача миқдори 33,05% (15 дан 60% гача), айрим участкаларда – КCl - 92%, MgCl₂ - 0,08 дан 2,61% гачани ташкил этади. Тюбегатанда бу қатлам бўйича нам калий тузларининг заҳираси KCI нинг ўртача миқдори 28% бўлганда, 113 млн.тоннани ташкил этади.

2-3 жадвал
Саноат аҳамиятига эга бўлган Тюбегатан калийли туз қатламларининг кимёвий таркиби.

Намуна		Олинган чуқурлик, м	Кимёвий таркиби, оғир.%						Н2О титр.		CaSO4
			K	Na	Mg	Ca	Cl	SO4
64	Қизил сильвин ва гил тупроқли пушти галит	225,80	11,97	26,45	0,17	0,42	52,21	0,85		0,76		1,20
65		226,60	3,42	36,56	0,03	0,08	59,61	0,12		0,15		0,18
66	Пушти сильвинит	227,70	38,41	10,68	0,006	0,03	51,37	0,03		0,01		0,04
67	Қизил сильвинит	228,70	31,57	14,59	0,03	0,36	51,39	0,65		0,07		0,92
68		229,40	35,37	11,28	0,02	0,023	50,49	0,37		0,06		0,52
69	Қизил сильвинли шаффоф галит	232,10	7,22	33,38	0,01	0,07	58,08	0,03		0,05		0,19

Намуна		CaCl2	MgCl2	KCl	NaCl	Эримайдиган қисм	Тузлар йиғиндиси	В2О3	КК
64	Қnзил сильвин ва гил тупроқли пушти галит	0,18	0,66	22,83	67,17	7,98	100,20	0,0026	129,790
65		0,08	0,12	6,52	92,92	0,64	100,50	0	34,240
66	Пушти сильвинит	0,06	0,01	73,25	27,15	0,05	100,59	0,0077	382,037
67	Қизил сильвинит	0,25	0,12	60,21	37,09	1,38	99,98	0	320,180
68		0,20	0,09	67,45	30,01	1,90	100,17	0,001	359,920
69	Қизил сильвинли шаффоф галит	0,04	0,05	13,79	84,83	0,58	99,50	0,0022	72,98

Пастки калий горизонтининг қуввати – 20…25 м. Сильвинит қатламларнинг тош тузлари билан алмашиниши анча кескин. Калий тузлари сильвинит ва оз даражада – карналлитдан иборат булади. Сильвинит йирик мономинерал тўпламларни ҳосил қилмайди. Тюбегатан сильвинларининг барча тури кимёвий таркиби бўйича бир-бирига ўхшаш. KCI нинг миқдори 84,62 дан 99,24% гача ўзгариб туради. Сильвинда галит билан таққослаганда CaCI₂ (1.12 %) миқдори кўпроқ, шунингдек Mg ,Al, Si, Fe, Mn, Cu камдан-кам кристалларда – Pb изи топилган.

Тюбегатан конида карналлитнинг қуйидаги турлари кузатилади:
1. галит билан яқин аралашмада мустақил қатламлар кўринишида тўқ сариқ карналлит;
пушти ранг тузда нотўғри шаклдаги катта бўлмаган кўринишда қўшилган сарғиш турлари;
3. 2-5 мм жилка ва тўқ-пушти ранг лой-тупроқсимон туз кўринишидаги оқ карналлит.
. Биринчи тури – бирламчи, қолган иккитаси – иккиламчи. KCl : MgCl₂ нисбати – 0,782 дан 0.521 гача тенг. Карналлитда Ca, Cu, Cl, Si, Mn, Ti, Ba, Fe лар мавжуд. Карналлитда изоморф аралашмаси кўринишда рубидий, йод, бром, таллий излари ҳамда дугласит (2KCI·FeCI₂H₂О) рангсиз кристаллари учрайди.
Тюбегатан карналлит қатламларида кимёвий йўл билан бишофит ва ангидрид топилган.
Тажриба қудуқларининг (скважина) калий горизонтлари тош тузини қудратли қатламлари билан бир-биридан ажратилган. 189,6…190,25 мм оралиқда пайдо бўлади, унинг максимал миқдори 189 м чуқурликда. Қаттиқ фаза NaCl+ карналлит политермани бош оралиқлари учун нисбатлар П.Н. Чирвинский томонидан ҳисоблаб чиқилган /NaCl+, KCl+ карналлит системасининг 10…20˚С оралиқдаги асосий каттиқ фазасида KCl (61%) : NaCl (39%) нисбат 1,56 га тенг.
Бу нисбатнинг ортиши калийнинг лойтупроқ материал билан адсорбцияланишини изоҳлайди.
2-4 жадвалда калий горизонтларидаги тажриба қудуқларидаги KCl ва NaCl нинг нисбати келтирилган. Калий горизонтларини шаклланишида сильвинит ва пушти ранг тош тузи қатламларининг даврий алмашинишида ифодаланадиган маълум бир маромлик кузатилади.
2-4 жадвал
Тюбегатан конидаги калийли горизонтлардаги KCl ва NaCl нисбатлари.

Намуна	Намуна олинган чуқурлик, м	KCl	NaCl	MgCl2	KCl/NaCl	Қаттиқ фаза
25 – қудуқ
30б	189,60	21,78	9,02	28,25	2,41	Галит+сильвин+карналлит
59 60 61 64	225,00 225,20 225,50 225,80	17,41 7,55 54,73 22,83	81,53 90,33 38,77 67,17	0,82 0,92 2,57 0,66	0,21 0,08 1,41 0,34	Галит+сильвин+бишофит (ёки рападаги MgCl2)
67	228,70	60,21	37,09	0,12	1,62	Галит+сильвин+карналлит
50– қудуқ
7 10 11	466,33 475,05 477,82	48,30 12,19 9,20	48,01 34,88 85,34	0,611 0,74 0,87	1,00 0,3 1,08	Галит+сильвин+бишофит (ёки рападаги MgCl2)
38– қудуқ
8 22	306,20 370,66	8,543 15,123	56,608 16,913	8,025 0,601	0,151 0,894	Галит+сильвин+бишофит (ёки рапалаги MgCl2)
36	415,80	59,329	37,566	0,137	1,579	Галит+сильвин+карналлит