- Креативлик - таълим жараёнини ташкиллаштиришни ўзида мужассамлаштириб, креатив ўқитиш жараёнини шакллантириш, креатив ўқитиш методлари ва дизайн фикрлаш технологияси орқали креатив салоҳиятни ошириш, турли услублардан билим ва кўникмалар мувозанатини ривожлантиришда фойдаланиш, тингловчиларнинг таълим дастурларини шакллантиришда фаол иштирок этишни ўз ичига олади.
- А.И.Остроумов ва О.Ф.Остроумовалар “Креатив ўқитиш асосида ўқитишнинг асосий мақсади яратувчан, фаол шахсни шакллантириш ва ижодий потенциалини очиш, буни олий таълим мисолида кўрадиган бўлсак, талабаларнинг ижодий индивидуаллигини такомиллаштириш. Бунинг учун талабаларда мустақил фикрлаш, мунозаралар олиб бориш, ноодатий ечимларни яратиш, амалиётда креатив сифатларни қўллашга тайёрлик каби қобилиятларни шакллантириш лозим” деб фикрлайди
Таҳлил қилиш - Педагогик кадрларини қайта тайёрлаш ва уларнинг малакасини ошириш курсларида креатив ўқитишнинг хусусиятлари таҳлил қилинади:
- Креатив таълимнинг мақсади;
- Ўқитувчи фаолияти - инновацион;
- Таълим олувчи фаолияти - фаол бўлиб, тингловчиларнинг янги ғояларни яратиш ва таълим жараёнига қўллаш;
- Таълим шакллари - гуруҳли, инвидуал, биргаликда ишлаш;
- Таълим методлари - муаммоли, лойиҳали, креатив ўқитиш методлари;
- Таълим воситалари - тармоқ технологиялари, электрон ва мобил технологиялардан фойдаланиш;
- Фаолиятни баҳолаш - ўз-ўзини назорат қилиш ва баҳолаш.
Боғлаш - Бизга маълумки, креатив ўқитиш инновацион таълим технологиялари таркибига кирувчи таълим туридир. Ушбу таълим турини электрон таълим, аралаш таълим, ноанъанавий ва анъанавий таълим турлари билан боғлаш мақсадга мувофиқ бўлади.
Фойдаланиш - Ўқув дастурларида берилган бошқа фанлар маъруза ва амалий машғулотларига қўллаш.
Баҳолаш - Юқорида берилган креативликнинг хусусиятларидан келиб чиқиб таълим олувчиларни креативлиги мақсадли-мотивацион, креатив билим ва кўникмаларга эгалик ва инновацион фаолиятга йўналтирилганлик мезонлари асосида баҳоланади.
Do'stlaringiz bilan baham: |
