Касб-ҳунар мактаби

Малака талаблари:
олий маълумот, 3 йилдан кам бўлмаган амалий иш стажи, тегишли автомобилни ҳайдаш ҳуқуқини берувчи гувоҳнома.

20-§. Техникани бошқариш бўйича ишлаб чиқариш таълими устаси
Т/Р Лавозим номи ММСК бўйича коди Ходимлар тоифаси Таълимнинг энг паст даражаси
1378 Техникани бошқариш бўйича ишлаб чиқариш таълими устаси 3340 мутахассис ЎМКҲТ
Лавозим вазифалари:
Техника хавфсизлик қоидаларини ва ўқув техникасининг тузилиш механизм хусусиятларини мукаммал билиш;
техникани яхши ҳолатда сақлаш, таъмирлаш ва техник хизматни ўз вақтида бажариш;
техника воситаларини индивидуал ўргатиш учун техник жиҳатдан тайёрлаш, ўқувчилар билан инструктаж ўтказиш;
ҳавфсизлик техникаси қоидалари билан таништириш, техникани ўргатиш машқларини машғулотлар бўйича тақсимлаш;
ўқувчиларни индивидуал ўргатиш бўйича жадвал тузиш, жадвал асосида машқларни бажартириш;
ўқув устахонаси, ўқув полигони ва гаражда иш ўринларини тайёрлаш, жиҳозлаш, ўқувчиларни амалий имтихонларга тайёрлаш.
Билиши керак:
таълимга оид норматив-ҳуқуқий ҳужжатларини, ўқувчиларда малака кўникмаларни ҳосил қилишни;
хизмат кўрсатилаётган техниканинг ишлашини қайд этиш учун дастлабки ҳужжатларни тўлдириш қоидаларини;
кейинги техник хизмат кўрсатиш, техник кўрикдан ўтказиш муддатини;
иш ўринларини жиҳозлаш, ёнғинга қарши ҳимоя, ҳавфсизлик техникаси ва меҳнатни муҳофаза қилиш қоидалари ва меъёрларининг бажарилишини таъминлаш.
Малака талаблари:
камида ўрта махсус маълумот, автомобил ҳайдашни ўргатувчи йўриқчи гувоҳномаси,3 йилдан кам бўлмаган автомобилни ҳайдаш амалий иш стажи

21-§. Механик

Т/Р Лавозим номи ММСК бўйича коди Ходимлар тоифаси Таълимнинг энг паст даражаси
1736 Механик 3115 Мутахассис ЎМКҲТ
Лавозим вазифалари:
ускуналарни ўз вақтида ва сифатли таъмирлаш ва модернизациялашни ташкил этиш, уларнинг ҳолати ва таркибини техник назорат қилиш;
таъмирлаш жараёнида материаллардан оқилона фойдаланишни таъминлаш;
эскирган асбоб-ускуналарни, мукаммал таъмирлашга муҳтож техникаларни аниқлаш;
қурилмалар ва ускуналарнинг узлуксиз ва техник жиҳатдан тўғри ишлашини ва ишончли ишлашини таъминлаш;
ускуналар эскирганлигининг сабабларини ўрганиш, уларнинг ишдан чиқиши, бахтсиз ҳодисаларниолдини олиш, уларни бартараф этиш бўйича чора-тадбирларни ишлаб чиқиш ва амалга ошириш;
асбоблар ва ускуналарни ишлаши учун зарур бўлган материаллар ва эҳтиёт қисмларни сотиб олиш учун раҳбариятга таклиф киритиш;
ускуналарнинг мавжудлиги ва ҳаракатини ҳисобга олиш, техник ва ҳисобот ҳужжатларини тайёрлаш ишларини олиб бориш.
меҳнатни муҳофаза қилиш ва хавфсизлик қоидаларига риоя қилишни таъминлаш;
Билиши керак:
корхона жиҳозларининг ишлаб чиқариш қуввати, техник хусусиятлари, ишлатиш тартиби ва ундан фойдаланиш қоидаларини;
носозлик акт варақаларини, паспортларини, жиҳозларни ишлатиш бўйича кўрсатмаларни ва бошқа техник ҳужжатларни тузиш тартибини;
ишлаб чиқариш технологияси асосларини, таъмирлаш хизматини ташкил қилишни;
таъмирлашдан кейин ускунани қабул қилиш ва этказиб бериш қоидалари.
меҳнатни муҳофаза қилиш ва техника хавфсизлик қоидалари ва нормаларини.