Касб-ҳунар мактаби

Билиши керак:
профессионал таълим тизимининг буйруқларини ва бошка ҳужжатларини, замонавий ишлаб чиқариш технологияларини, ўқув ва ишлаб чиқариш амалиётларини режалаштиришни, менежмент ва маркетинг ҳусусиятларини, меҳнатни илмий ташкил қилишни, меҳнат муҳофазаси ва хавфсизлик техникаси қоидаларини.
ўқув жараёнини ташкил этиш ва ўқув-ишлаб чиқариш устахонаси (машғулот ўтадиган бошқа жой)нинг ишини ташкил этиш бўйича локал меъёрий хужжатларни;
касбий тайёргарликни ташкил етиш асослари ва усуллари, амалий ўқитишнинг замонавий технологияларини;
касб бўйича амалий тайёрлаш (машғулот ўтказиш) учун намунавий (таянч) дастурлар (агар мавжуд бўлса) ва ишчи дастурларнинг талаблари, тегишли дарсликлар ва ўқув қўлланмаларининг мазмунини;
меҳнатни ташкил этишнинг ўзига хос хусусиятлари, замонавий ишлаб чиқариш технологиялари, ишлаб чиқариш ускуналари ва уни ишлатиш қоидалари, касб бўйича меъёрий-ҳуқуқий ҳужжатлар, технологик операцияларни бажариш бўйича вақт меъёрларини (мавжуд бўлса);
ўқувчиларнинг ёши билан боғлиқ хусусиятлари, иқтидорли таълим олувчилар ва ривожланишида муаммолари ҳамда ўқишда қийинчиликлари бўлган ўқувчиларни ўқитиш (профессионал таълим бериш) хусусиятлари, ўқитишни индивидуаллаштириш масалаларини;
психологик ва жисмоний ривожланиш хусусиятлари, соғлиги жихатидан имконияти чекланган шахсларнинг индивидуалимкониятларини (соғлиги жихатидан имконияти чекланган шахсларниўқитиш учун).
Малака талаблари:
касб-ҳунар таълим йўналиши бўйича муҳандис-педагог ёки муҳандислик олий маълумот, махсус фан ўқитувчиси даражасида 2-йиллик иш стажи ёки
1-тоифали ишлаб чиқариш таълими устаси.

17-§. Устахона мудири
т/р Лавозим номи ММСК бўйича коди Ходимлар тоифаси Таълимнинг энг паст даражаси
879 Устахона мудири 1239 бошқарув О/М
Лавозим вазифалари:
Ўқув режаси, дастури ва амалий машғулотлар, ўқув амалиётларини ўтказиш жадвалига мос равишда ўқув-ишлаб чиқариш ишларини ташкиллаштириш;
ўқув устахоналарида иш жойларини лозим жиҳозлар, инвентарлар, йўриқномалар ва услубий материаллар (плакатлар, стендлар, схемалар, макетлар, намуналар, моделлар ва бошқалар) билан ўз вактида жиҳозлашни таъминлаш;
иш ўринларини жиҳозлаш, созлаш, таъмирлаш, уларни амалий ишлар технологиясига мувофиқ тақсимлаш (режалаштириш)ни ташкиллаштириш;
ўқув устахонасига хизмат кўрсатувчи ходимлар, ишлаб чиқариш таълим усталари ва ўқувчилар билан устахоналарда меҳнат муҳофазаси ва хавфсизлик техникаси қоидалари бўйича инструктаж олиб бориш;
амалий машғулот ва ўқув жараёнини ўтказишда ишлаб чиқариш таълими усталарига амалий ёрдам кўрсатиш;
ўқув устахонасида ишлашда меҳнат муҳофазаси, хавфсизлик техникаси, ёнғин ва электр хавфсизлиги қоидаларига риоя этилишини, ўқув устахонада асбоблар, инвентарлар, жиҳозларнинг техник соз ҳолатда бўлишини таъминлаш;
ўқувчилар касбий тайёргарлигининг давлат талабларига мослигини назорат қилиш, устахона фаолиятини тартибловчи ҳужжатларнинг тўғри юритилишини таъминлаш.
Билиши керак:
профессионал таълим тизимининг ўқув амалиётларни ташкил этишга оид ҳужжатларни, буйруқларини;
устахонадаги станок, машиналар, аппаратлар, асбоблар вамосламаларнинг техник тавсифларини, уларнинг ишлаш тамойилларини, қўллаш қоидаларини, ишлаб чиқарилган маҳсулотлар сифатини баҳолаш усулларини;
санитария-гигиена талабларини, хавфсизлик техникаси ва ёнғин хавфсизлиги қоидаларини.