“kasbiy pedagogika” fan sifatida

      Ilmiy pedagogik kengash ishining mazmuni quyidagilardan iborat bo‘lishi
mumkin:
Ø O‘zbekiston Respublikasi Prezidenti farmonlari, Vazirlar Mahkamasining
qarorlari, Oliy va o‘rta maxsus ta’lim vazirligi, o‘rta  maxsus, kasb –hunar ta’limi
Markazi kabi boshqaruv idoralarining ta’lim – tarbiya ishlari bilan bog‘liq bo‘lgan
buyruq  va ko‘rsatmalarini bajarish yuzasidan kasb-hunar kollejlari bo‘yicha chora-
tadbirlar ishlab chiqish va ularni amalga oshirish;
Ø tarbiya jarayoni mazmunini, respublikaning ijtimoiy va iqtisodiy taraqqiyot
darajasi, istiqbollari, fan va texnikaning yutuqlari asosida  takomillashtirish;
Ø samarali talim  texnologiyalarini  amaliyotga joriy etish;
Ø amaldagi o‘quv reja va dasturlarni takomillashtirish bo‘yicha tavsiyalar
ishlab chiqish;
Ø mahalliy sharoitni hisobga olib, mutaxassis  kadrlarga bo‘lgan talab va
ehtiyojni o‘rganish;
Ø kasb-hunar kollejlarida malakali kichik mutaxassislarni  tayyorlash
dasturini va uning bajarilishini muntazam ravishda muhokama qilib borish;
Ø o‘quv reja va dasturlarning bajarilishini, o‘tilayotgan mashg‘ulotlarning
sifati, o‘quv predmetlari kesimida o‘quvchilarning o‘zlashtirish darajasini tahlil
qilish;
Ø guruhlar kesimida  ta’limiy–tarbiyaviy ishlarning holati to‘g‘risida
o‘qituvchilarning hisobotini eshitish;
Ø turkum o‘quv predmetlari uyushmalari faoliyatini o‘rganish  va  tahlil
qilish;
Ø o‘quv yili yakunlari bo‘yicha o‘quvchilarni kursdan kursga o‘tkazish
masalalarini ko‘rib chiqish va uning natijalarini  tahlil qilish, sayoz o‘zlashtiruvchi
o‘quvchilarning bilim saviyasini ko‘tarish chora-tadbirlarini ishlab chiqish;
Ø kasb - hunar kollejlarini boshqaruv tuzilmasini o‘zgartirishga oid  ilmiy
asoslangan va amalda o‘zini oqlagan takliflar berish;
Ø o‘qituvchi, muhandis–pedagoglarning faoliyatini ichki nazorat va davlat
attestasiyasi natijalariga ko‘ra rag‘batlantirishga tavsiya etish;
Ø o‘quvchilar safidan chiqarish, ularni rag‘batlantirish bo‘yicha tavsiyalar
berish;
Ø kasb - hunar kollejlarining rahbarlari, o‘qituvchilari, muhandis-pedagoglari
tomonidan tayyorlangan ilmiy-uslubiy ishlanmalar, o‘quv qo‘llanmalar,
tavsiyanomalar, didaktik materiallarning dolzarbligini o‘rganib chiqib nashr ettirishga
oid  tavsiyalar berish;
Ø yakuniy nazorat, davlat attestasiyasini yuqori darajada o‘tkazish va uning
natijalarini tahlil qilish;
Ø kollejning o‘quv-tarbiyaviy, o‘quv-amaliy ishlari va istiqbol rejalarini,
moddiy-texnik va ilmiy-uslubiy  bazasini  mustahkamlash;

---

168
Ø qabul komissiyasining hisobotini muhokama etish;
Ø byudjetdan tashqari topilgan mablag‘lar sarf-xarajati hisobotlarini eshitish;
Ø ta’lim muassasasining moliyaviy va xo‘jalik ishlari bilan bog‘liq
masalalarini muhokama etish;
Ø o‘quvchilarni sog‘lomlashtirish, sport va yoshlarni chaqiriqqacha
tayyorgarligiga oid davlat dasturlarini bajarish borasida olib borilayotgan ishlarni
o‘rganish va ularni takomillashtirish chora-tadbirlarini ishlab chiqish;
Ø o‘quvchilarning o‘qishi, yashashi va madaniy dam olishlari uchun
yaratilgan sharoitlarni yaxshilash;
Ø o‘quvchilarning o‘z-o‘zini boshqarishini  rivojlantirish;
Ø yosh o‘qituvchilarning ish faoliyatini o‘rganish, ularga zarur uslubiy
yordam ko‘rsatish, malakasini oshirish kabilar.
Pedagogik kengash kasb-hunar kollejlarida tashkil etilib o‘tkaziladigan uslubiy
ishlarning muhimi bo‘lishi bilan birga kollej faoliyatini boshqarishda o‘ziga xos omil
hisoblanadi. Ana shu bois ham biz keyingi faslda unga to‘xtalib o‘tamiz.