Кимё фанидан абитуриентлар

О К С И Д Л А Р

247. Оксидлар қандай агрегат ҳолатларда учрайди? Мисол келтиринг. Оксидлар барча агрегат ҳолатларда учрайди. Масалан: CO, CO₂, NO, NO₂-газсимон, Н₂О-суюқ, Р₂О₅, Fе₂О₃- қаттиқ агрегат ҳолатда.

248. Оксидлар қандай туркумланади? Оксидлар қуйидагича туркумланади: асосли, кислотали, амфотер, нейтрал,
пероксид.
249. Асосли оксидларга мисол келтиринг. Асосли оксидларга қуйидагилар мисол бўла олади:K₂O, Na₂O,CaO,MgO,CuO,
Li₂O,BaO,FeO,CrO.
250. Кислотали оксидларга мисол келтиринг. Кислотали оксидларга қуйидагиларни мисол келтириш мумкин:CO₂,SO₂,SO₃,NO₂,N₂O₃,N₂O₅, P₂O₅, CrO₃,Mn₂O₇.
251. Амфотер оксидларга мисол келтиринг.
Амфотер оксидларга мисоллар: BeO, ZnO, Al₂O₃, Cr₂O₃, PbO, Fe₂O₃,MnO.
252. Нейтрал оксидларга мисол келтиринг.
Нейтрал оксидларга мисоллар: N₂O, NO, CO, SiO. Нейтрал оксидлар шунингдек, индифферент, бетараф,бефарў, туз ҳосил қилмайдиган оксидлар деган номлар билан ҳам аталади.
253. Пероксидларга мисол келтиринг.
Пероксидларга мисоллар: H₂O₂, Na₂O₂, BaO₂,CaO₂. Улар таркибида пероксо гуруҳ - О-О- тутганлиги билан тавсифланади.
254. Асосли ва амфотер оксидлар қандай номланади?
Асосли ва амфотер оксидлар уларни ҳосил қилган металл номидан сўнг оксид сўзини айтиш билан номланади. Масалан, MgO-магний оксид. Агар металл ўзгарувчан валентлик намоён этса, металл номидан кейин унинг валентлиги айтилади. Масалан, FеО-темир(II) оксид, Cu₂O- мис(I) оксид, Cr₂O₃-хром(III)оксид, FеО₃ темир(VI) оксид.
255. Кислотали оксидлар қандай номланади?
Кислотали оксидлар асосли ва амфотер оксидлар каби номланади. Масалан, SO₂- олтингугурт(IV) оксид,SO₃ олтингугурт(VI) оксид,P₂O₅-фосфор(V) оксид,CrO₃-хром (VI) оксид,CO₂-углерод(IV) оксид. Ундан ташқари кислотали оксидлар ангидридлар ҳам деб аталади. Масалан, СО₂-карбонат ангидрид, Р₂О₅-фосфат ангидрид.
256. Асосли оксидлар қандай олинади?
Асосли оксидлар металларнинг кислород билан ўзаро таъсирлашувидан олинади. Масалан: 2Cu+O₂=2CuO.
257. Асосли оксидлар қандай кимёвий реакцияларга киришади?
Асосли оксидлар учун қуйидаги реакциялар хос: a)кислотали оксидлар билан а) бирикиш:
К₂О+CO₂=K₂CO₃, Na₂O+SO₃=Na₂SO₄.
б) кислоталар билан алмашиниш: СaO+2HNO₃=Ca(NO₃)₂+H₂O Fe₂O₃+6HCl=2FeCl₃+3H₂O
В )сув билан бирикиш: K₂O+H₂O=2KOH.
258. Кислотали оксидлар қандай реакцияларга киришади?
а) Кислотали оксидлар учун қуйидаги реакциялар хос: а)сув билан бирикиш:
H₂O+SO₃=H₂SO₄.
б) асослар билан алмашиниш: 6KOH+P₂O₅=2K₃PO₄+3H₂O
в асосли оксидлар билан бирикиш: СаО+CO₂=CaCO₃.
259. Амфотер сўзи нимани билдиради?
«Амфотер» сўзи иккиёқлама деган маънони билдиради. Яъни амфотер моддалар
икки хил хоссани намоён этади.
260. Амфотер оксидлар қандай хоссаларни намоён этади?
а)амфотер оксидлар ишқорлар билан таъсирлашади: 2КОН+Al₂O₃=2KAlO₂+H₂O
б)амфотер оксидлар кислоталар билан таъсирлашади: Al₂O₃+6HCl=2AlCl₃+3H₂O