Кимё фанидан абитуриентлар

Азот асосан икки хил кислота ҳосил қилади: нитрит HNO₂ ва нитрат-HNO₃. Нитрит кислотада азот III валентли, оксидланиш даражаси +3 га тенг. Нитрат кислотада эса 4 валентли, оксидланиш даражаси +5.

534. Нитрат кислота саноатда қандай олинади? Саноатда нитрат кислота уч босқичли жараёнда олинади:
NH₃→NO→NO₂→HNO₃. Учинчи босқич қандай шароитларда амалга оширилишига
қараб турли жараёнлар содир бўлади: 1)ҳаво иштирокисиз паст ҳароратда: 2NO₂+H₂O=HNO₂+HNO₃.
2)Ҳаво иштирокисиз юқори ҳароратда: 3NO₂+H₂O=2HNO₃+NO 3)ҳаво иштирокида: 4NO₂+2H₂O+O₂=4HNO₃.
535. Нитрат кислота қандай реакцияларда иштирок этади? Нитрат кислота қуйидаги реакцияларда иштирок этади:
а)алмашиниш: 2HNO₃+CuO=Cu(NO₃)₂+H₂O 6HNO₃+Al₂O₃=2Al(NO₃)₃+3H₂O
б)нейтралланиш: HNO₃+KOH=KNO₃+H₂O 2HNO₃+Ca(OH)₂=Ca(NO₃)₂+2H₂O
в)оксидланиш-қайтарилиш: 4HNO₃(конц)+C=CO₂+4NO₂+2H₂O 6HNO₃(конц)+S=H₂SO₄+6NO₂+2H₂O
4HNO₃(конц)+Cu=Cu(NO₃)₂+2NO₂+2H₂O 8HNO₃(суюл)+3Cu=3Cu(NO₃)₂+2NO₂+4H₂O
Изоҳ: нитрат кислота учун ўрин олиш хос эмас.
536. Нитрат кислота тузлари қаерларда ишлатилади? Нитрат кислота тузлари қуйидаги мақсадларда ишлатилади
:KNO₃,NaNO₃,Ca(NO₃)₂,NH₄NO₃-селитралар, KNO₃- порохнинг таркиби.


Ф О С Ф О Р.
537. Фосфорга умумий тавсиф. Фосфорнинг белгиси Р, тартиб рақами 15, нисбий атом массаси 31
атом таркиби 15р, 15е, 16n. Даврий жадвалдаги ўрни- 3 давр, VA гуруҳ Валентлиги III, V. Оксидланиш даражалари: -3, +3, +5. Электрон конфигурацияси: 1s²2s²2p⁶3s²3p³.
538. Фосфорнинг табиатда учраши. Фосфор табиатда эркин кўринишда учрамайди. Фақат бирикма кўринишида
мавжуд. Асосий бирикмалари: Ca₃(PO₄)₂-апатит ёки фосфорит талқони, Ca₃(PO₄)₂·Ca(OH)₂-гидроксилапатит, Ca₃(PO₄)₂·CaF₂-фторапатит.
539. Фосфорнинг олиниши. Фосфор олиш учун фосфоритга қум ва кўмир қўшиб қиздирилади:
Ca₃(PO₄)₂+5С+3SiO₂=3CaSiO₃+5CO+2P.
540. Фосфорнинг физик хоссалари. Фосфор уч хил аллотропик шакл ўзгаришига эга: оқ, қора ва қизил. ОҚ фосфор
молекуляр, қора ва қизил фосфор атомли кристалл панжарага эга.
541. Фосфорнинг кимёвий хоссалари. қуйидаги реакция фосфор иштирокида оддий ҳароратда содир бўлади:
Р₄(оқ)+5O₂=2P₂O₅. ОҚ Р ҳавода ўзидан-ўзи алангаланади. қуйидаги реакциялар фосфор иштирокида юқори ҳароратда содир бўлади: 4P+5O₂=2P₂O₅, 2P+3Cl₂=2PCl₃(ёки PCl₅), 3К+P=K₃P
542. Фосфорнинг оксидлари. Фосфор 2 хил оксид ҳосил қилади: фосфор(III)оксид Р₂О₃ ва фосфор(V) оксид Р₂О₅.
Ҳар иккаласи кислотали оксид ҳисобланади.Фосфор оксидлари учун асосан қуйидаги реакциялар хос: Р₂О₃+O₂=P₂O₅.
P₂O₅+H₂O(сову=)=2HPO₃, P₂O₅+2H₂O(илиқ)=H₄P₂O₇, P₂O₅+3H₂O(иссиқ)=2H₃PO₄, P₂O₅+6KOH=2K₃PO₄+3H₂O Фосфат
ангидрид кучли гигроскопик хусусиятга эга, яъни намни ўзига тортади. Шунинг учун у моддаларн қуритишда шлатилади.
543. Фосфиннинг олиниши ва хоссалари. Фосфин фосфидлар гидролизидан олинади: Mg₃P₂+3H₂O=3Mg(OH)₂+2PH₃.
Фосфин кучсиз асос хоссасига эга: РН₃+H₂O=PH₄OH(фосфоний гидроксид). Фосфин икки хил ёнади: чала ва тўла.
а)кислород етишмаганда: 2PH₃+3O₂=P₂O₃+3H₂O б)кислород мўл бўлганда: 2PH₃+4O₂=P₂O₅+3H₂O
544. Фосфор тутган кислоталар. Н₃РО₂-гипофосфит кислота. Бир асосли кислота,фақат КН₂РО₂ типидаги тузлар
ҳосил қилади. Унда фосфор V валентли, оксидланиш даражаси +1 Н₃РО₃-фосфит кислота, икки асосли кислота, КН₂РО₃ ва К₂НРО₃ типидаги тузлар ҳосил қилади. Ундаги фосфор V валентли, оксидланиш даражаси +3. НРО₃-метафосфат кислота. Н₄Р₂О₇-пирофосфат кислота. Н₃РО₄-ортофосфат кислота.
545. Фосфат кислотанинг хоссалари. Фосфат кислота ишқорлар билан турли нисбатларда таъсирлашиб, қуйидаги
тузларни ҳосил қилиш мумкин: Н₃РО₄+KOH=KH₂PO₄+H₂O, дигидроортофосфатлар. Н₃РО₄+2KOH=K₂HPO₄+2H₂O, гидроортофосфатлар. Н₃РО₄+3KOH=K₃PO₄+3H₂O, ортофосфатлар. Сувсизланиб,фосфат ангидридга айланади:
2H₃PO₄=P₂O₅+3H₂O
546. Минерал ўғитлар қандай туркумланади? Минерал ўғитлар қуйидагича туркумланади: а)озиқ элемент турига кўра: калийли,фосфорли,азотли. б)озиқ элемент миқдорига кўра: макро ва микроўғитлар . в)озиқ элемент сонига кўра: оддий ва мураккаб.
547. Калийли ўғитлар га мисоллар келтиринг?. Калийли ўғитлар га мисоллар:K₂CO₃-калий карбонат, KCl-калий хлорид,
KNO₃-калийли селитра, K₃PO₄-калийфосфат, K₂SO₄-калий сульфат.
548. Азотли ўғитлар га мисоллар келтиринг? Азотли ўғитлар га мисоллар: NH₃-аммиак, NH₄NO₃-аммиакли селитра,
NaNO₃-натрийли селитра, Ca(NO₃)₂-кальцийли селитра, CO(NH₂)₂-карбамид ёки мочевина.
549. Фосфорли ўғитлар га мисоллар келтиринг? Фосфорли ўғитлар га мисоллар: Ca₃(PO₄)₂-суяк кули, NH₄H₂PO₄-аммофос, (NH₄)₂HPO₄-диаммофос, СaSO₄·Ca(H₂PO₄)₂-оддий суперфосфат, Ca(H₂PO₄)₂-қўш суперфосфат.
550. Микроўғитлар га мисоллар келтиринг? Микроўғитлар га таркибида асосий микроэлементлар тутган ўғитлар киради. Микроэлеметларга мисоллар: Cu, Co, Mn, Mo, Zn.
551. Озиқлик миқдори деганда нима тушунилади? Озиқлик миқдори деганда ўғит таркибидаги К₂О, Р₂О₅ ёки N₂O₅ нинг масса улуши тушунилади. Масалан: KCl нинг озиқлик миқдори қуйидагича аниқланади:
2KCl→K₂O: 149 г ўғитда 94 г К₂О мавжуд,
100 г------------х-------- х=63,1.
552. Оддий ўғитлар деганда нима тушунилади? Оддий ўғитлар деб таркибида битта озиқ элемент тутган ўғитлар га айтилади. Масалан: NaNO₃, KCl.
553. Мураккаб ўғитлар деганда нима тушунилади? Мураккаб ўғитлар деб таркибида икки ва ундан ортиқ
озиқ элемент тутган ўғитларга айтилади. Масалан:KNO₃.


У Г Л Е Р О Д.
554. Углеродга умумий тавсиф. Углероднинг даврий жадвалдаги ўрни 2 давр, IVА гуруҳ, тартиб рақами 6,
нисбий атом массаси 12, атом таркиби 6р, 6n, 6е. Электрон конфигурацияси 1s²2s²2p². Валентлиги II, IV. Оксидланиш даражалари -4, +2, +4.
555. Углероднинг табиатда учраши. Углероднинг табиатдаги эркин кўриниши кўмир ҳисобланади. Бирикмалар ҳолида
Ер қобиғида қуйидагикўринишлар мавжуд: СаСО₃-мармар, бўр, оҳактош MgCO₃-магнезия, СаСО₃·MgCO₃-доломит, FeCO₃-сидерит,CuCO₃·Cu(OH)₂-малахит. Ундан ташқари углерод барча тирик организмлар ва ысимликлар таркибига киради.
556. Углероднинг физик хоссалари. Углерод уч хил аллотропик шаклга эга: олмос, графит, карбин. Олмос sp³-гибридланишга эга. Фазовий шаклиетраэдр.Табиий моддалар ичида энг қаттиғи ҳисобланади. Графит sp²-гибридланишга эга. Фазовий шакли ясси олтибурчак. Юмшоқ, осон уқаланади. Ток ўтказади. Карбин sp-гибридланган.
Чизиқли тузилишга эга.

557. Углероднинг кимёвий хоссалари. Углерод учун қуйидаги реакциялар хос: 1)бирикиш: 2С+O₂=2CO; C+O₂=CO₂;

C+2H₂=CH₄; C+2Cl₂=CCl₄; 4Al+3C=Al₄C₃. 2)оксидланиш-қайтарилиш: C+2H₂SO₄=CO₂+2SO₂+2H₂O
C+4HNO₃=CO₂+4NO₂+2H₂O 3)ўрин олиш: C+H₂O=CO+H₂; 3C+Fe₂O₃=3CO+2Fe
558. Метан. Олиниши. Метан СН₄-ботқоқлик гази ҳам дейилади. Табиий газнинг асосий таркиби ҳисобланади. Лабораторияда метан баъзи металларнинг карбидлари гидролизидан олинади: