«kimyoi saodat»

www.ziyouz.com кутубхонаси 
116
SAKKIZINCHI ASL 
Qur’on tilovat qilmoq bayonida 
 
Bilgilki, Qur’on tilovat qilmoq hamma ibodatlardan fozilroqdur. Aladxusus, 
namozda turib qiroat qilmoq. Rasul alayhissalom aytibdurlar: «Ummatlarimning 
hamma ibodatlaridan ortiqrog‘i Qur’on tilovat qilmokdur: kimki, Haq taolo Qur’on 
tilovat qilmoqni ne’mat sifatida ato qilibdur, agar gumon qilsaki, mundan ham 
ulug‘ ne’mat bo‘lg‘ay (deb aytsa), ayni xatodurki, Xudo azza va jalla ulug‘ bilgan 
nimarsani kichik bilgan bo‘lur. Rasul alayhissalom aytibdurlarki: «Qiyomat kuni 
Haq taoloning nazdida hen shafoat qilg‘uchi Qur’ondan ulug‘roq emasdur. Na 
payg‘ambar, na farishta va na o‘zgalar». Yana aytibdurlar: «Haq taolo aytur: Kur’on 
tilovat qilmoqg‘a mash/ul bo‘lub, duo talab qilmog‘ga fursati qoshasa, ul bandamg‘a. 
shokirlarga bergandin ziyoda savob ato qilurman». Rasul alayhissalom aytibdurlar: 
«Ko‘ngilga zang o‘ltirur, temirga zang o‘ltirgani kabi». Sahobalar arz qildilar: «Yo, 
rasululloh! Ul zangni qaysi nimarsa birla aritg‘ali bo‘lur?» Rasululloq s.a.v. aytdilar: 
«Kur’on o‘qimoq, o‘limni ko‘p yod olmoq birla bo‘lur». Rasul alayhissalom 
aytibdurlar:  «Men bu olamdan ketayotib, sizlarga ikki va’z qo‘yib ketdim: Biri go‘yo 
so‘zlar, ya’ni Kur’ondur. Yana biri va’zi xomushiy, ya’ni o‘lumdurkim, sizlarga hamisha 
pandu-nasihat bo‘lur». Ibn Mas’ud roziyallohu anhu aytur: «Qur’on o‘qig‘ilki, har bir 
harfig‘a ikki hasana berurlar. Aytamenkim, alif bir harfdur va lom bir xarf va fa bir 
harfdur». Ahmad roziyallohu anxu aytur: «Haq taoloni tushimda ko‘rdim, 
so‘radimki, yo Rab, senga qaysi amal birla yaqin bo‘lurmiz? 
Haq taolo aytdiki, Kalomim Kur’onni tilovat qilmoq birla. Aytdikim, agar ma’nosin fahm 
qilmasa ham, bilgilki, kishi Qur’on o‘qimoqni o‘rganibdur. ani darajasi ulug‘dur». 
Qur’onning hurmatini saqlagay. Va o‘zini noshoyista ishlardin sakdagay. Va hamma 
ahvolda adab birla bo‘lg‘ay. Aks holda Qur’on qiyomat kuni ul kishiga xasm (dushman) 
bo‘lur. Rasul akram s.a.v. aytibdurlar: «Ummatlarimdan aksari munofiq qur’onxonlardur». 
Abu Sulaymon Doroniy aytur: «Bebok (hayosiz) ishlar birla Qur’on o‘qig‘uvchilarni 
do‘zaxbon butparastdan ilgariroq o‘ziga olur». Tavrotda kelibdurkim, Haq taolo aytur: 
«Ey bandalarim! Uyalmaysizlarkim, agar yoru birodarlaringdin noma kelsa, agar 
yurgan bo‘lsanglar, to‘xtarsizlar. Va agar qiyomda (tik) bo‘lsanglar, o‘tirursizlar. 
Bu kitob mening nomamdurkim, sizlarga yuboribdurman, tokim taammul birla o‘qib, 
munga boqib amal qilg‘aysizlar. Holbuki (sizlar) Qur’ondan yuz o‘girib, 
o‘qimassizlar va anga e’tiqod qilmassizlar». Va Hasan Basriy rahmatullohi alayh 
aytur: «Sizlardan ilgari o‘tganlar Qur’onni Haq taolodan kelgan noma deb bilur edilar. 
Kechalarda taammul qilib (chuqur o‘ylab), kunduz amalga keltirur erdilar. Va sizlar 
esa o‘z ishlaringni qilursizlar, va Qur’onning huruf va ohanglarini rostlamassizlar. 
Va anga amal qilmassizlar». 
Bas, hammaga bilmak lozimdurkim, Qur’onni nozil qilmoqdan maqsud faqat tilovat 
qilmoq ermas, balki maqsud-amalga kelturmakdur, o‘qimog‘liq, yod olmog‘liq va 
farmon deb bajarmoq uchundir. Bas, kishi Qur’on tilovat qilib, farmon deb bajarmasa, ul 
bandalarga o‘xsharki, xo‘jasi anga noma yuborgay va nechand ishni farmon qilg‘ay. Bu 
qul nomani o‘qig‘ay va huruflarini rostlagay, ammo hech farmon deb bajarmagay. 
Bundaylar beshak azobu uqubatga mustahiq (loyiq) bo‘lg‘usidir. 
Odobi tilovat bayonida bo‘lg‘ayki, Qur’on tilovat qilguvchi o‘zig‘a besh odobni lozim 
tutg‘ay: avvalg‘i odob ulki, Qur’onni xurmat birla o‘qig‘ay. Va tahorat qilib, yuzini qiblaga 
qilib, tavoze’ birla o‘ltirgay, namozda o‘tirgandek. 
Hazrati Ali roziyallohu anxu ayturlar: «Kishi, Qur’onni namozda turub o‘qisa, har harfiga 
yuz hasana bitilur. Va agar o‘ltirib o‘qisa, ellik hasana bitilur. Agar tahorat birla o‘qisa, ellik 

Kimyoi saodat. Abu Homid G’azzoliy 
 
 
www.ziyouz.com кутубхонаси 
117
hasana bitilur: Agar betahorat o‘qisa, o‘n hasana bitilur. Kechalikda namozda turub o‘qimoq 
fozilrokdur. Kechalikda dil forig‘ (hamma yomon xayollardin musaffo) bo‘lur». 
Ikkinchi odob ulki, ohista o‘qig‘ay. Taammulu tadbir qilg‘ay. Va tezda o‘qib tamom qilmoq 
qasdida bo‘lmag‘ay. Va ba’zilar tez shoshilib tilovat qilib, xdr kunda bir xatm qilibdur. 
Rasuli akram s.a.v. aytibdurlarki, «Kishi, Qur’onni uch kundan kamda xatm qilsa, 
Qur’onning lazzatini topmabdur». Ibn Abbos roziyallohu anhu ayturlarki, «Surai az-Zilzilat 
birla surai «al-Qori’atun»ni taammul va tadbir birla o‘qisam, surai «Baqara» birla, surai 
«Ol-i imron»ni shitob birla o‘qig‘ondan do‘stroq tutarman. 
Qazrati Oysha roziyallohu anho birovni ko‘rdikim, shitob birla o‘qiydur. Aytdilarkim, 
«Bu Kur’on o‘qigan emas va sukutda, ya’ni, xomush o‘lturg‘on ham emas. Va agar ajamiy 
bo‘lsa (arab bo‘lmasa) Qur’onning ma’nisini bilmasa, ohista o‘qimoq yaxshiroqdurkim, 
adabga rioya qilgan bo‘lur. 
Uchinchi odob yig‘lamoqliqdur. Rasuli akram s.a.v. aytibdurlarkim, «Qur’on 
o‘qinglar va yig‘langlar. Agar yig‘lag‘unglar kelmasa takalluf birla yig‘langlar». Ibn Abbos 
roziyallohu anx.u ayturlarkim, «Oyati sajdaga yetsa, sajda qilmoqg‘a shitob qilg‘ay 
va yig‘lagay. Agar oshkor yig‘lay olmasanglar, ko‘nglinglarda yig‘langlar». Rasuli 
akram s.a.v. aytibdurlar: «Kur’on oxiratning g‘amu anduhini tortmoq uchun nozil bo‘lubdir. 
Vaqtiki Qur’on o‘qisanglar, o‘zing‘larni anduxdin keyingi kayfiyatda qilinglar. Kishikim, 
Qur’onning va’da va vaid (qo‘rqitish, tahdid etish)larini va farmonlarini taammul qilsalar. 
nochor g‘amgin bo‘lur. Magarkim, g‘aflat g‘olib bo‘lsa ham. 
 
To‘rtinchi odob ulki, har oyatning haqqini ado qilg‘ay. Rasuli akram s.a.v. (Qur’on 
o‘qisalar,) oyati azobg‘a yetsalar, (Allohdin) panoh tilar edilar. Va oyati rahmatga 
yetsalar, Duo talab qilur edilar. Va oyati tanzihaga (poklanish)ga yetsalar, tasbix 
aytur edilar. Va tilovati avvalida «A’uzu billohi minash-shaytonir rajiym» der edilar. 
Tilovatidan forig‘ bo‘lg‘onda bu duoni o‘qur erdilar:  ; 
«Aiohummarhamniy bilqur’oni vaj’alahu li imoman va nuran va hudan va rahmatan. 
Ollohumma zakkirniy minhu mo nasiytu va allimniy minhu mo jahiltu varzuqniy 
tilovatahu ana-al-layli va atrofan-nahori vaj’alhu hujjatan li rabbil-olamiyn». 
Bu duoning ma’nisi ulkim, «Ey, bor Xudoyo! Raxm qilg‘il menga Kur’onning hurmati 
birla va imom qilg‘il ul Kur’onni menga va nuri rohi rostg‘a boshlag‘uvchi va rahmat 
qilg‘uchi. Ey, bor Xudoyo! Yodimga keltirgil Kur’on(dan) unutqonlarimni. bildirgil ul 
Kur’ondan bilmaganlarimni va ro‘ziy qilg‘il menga kecha va kunduzlarda tilovat 
qilchoqni va qilg‘il menga Qur’onni dalil va hujjat, yo rabbil olamiyn». (Oltinxon To‘ra 
tarjimasi). 
Vaqtiki, oyati sajdaga yetsa, avval takbir aytgay, andin sajda qilg‘ay. Namozdagi 
tariqa birla takbir va sajda kifoyat qilg‘ay. Tashahhud lozim emas. 
Beshinchi odob ulkim, agar o‘qig‘uchi ko‘ngliga riyo aralashuvi ehtimoli bo‘lsa va yo 
namozda turgan kishiga xalal berish ehtimoli bo‘lsa. ohista tilovat qilg‘ay. Xabarda 
kelibdurkim, Qur’onni ohista o‘qimoqning savobi jahr o‘qimoqdan ziyoda va fazlli, 
maxfiy sadaqani oshkoro sadaqadan ziyodaligiga o‘xshashdur. Agar riyodan emin 
bo‘lsa avlosi (yaxshisi) ulki, ovoz birla o‘qig‘ay, toki o‘zgalar ham nasiba olg‘aylar va 
savob topg‘aylar. Va Qur’ong‘a qarab o‘qimoqning xosiyati xo‘bdur. Aytibdurlar 
«Qur’onga boqib, bir tamom qilg‘on, Yetti marotaba yod o‘qub tamom qilg‘on birla 
barobardur». 
Misrning faqihlaridan biri (bir kuni) hazrati Imom Shofiyning qoshlarig‘a kelib 
ko‘rdiki, Imom Shofiy oldida Mushaf (Qur’on) qo‘yug‘luq va o‘zlari sajdada 
turubdurlar. 
Aytdilarki, «Yo, imom! Mas’alaga mashg‘ulluq qilmoq Qur’on o‘qimoqg‘a moni’ 
bo‘lmasmi?» Imom aytdiki, «Namozi xuftanni ado qilib, Qur’onni qo‘limg‘a olurman. 

Kimyoi saodat. Abu Homid G’azzoliy 
 
 
www.ziyouz.com кутубхонаси 
118
Tong otquncha qo‘limdin qo‘ymasman». Rasul alayhissalom xazrati Abu Bakr Siddiqni 
ko‘rdilarki, kechalig‘ namozga turubdur. Ohista qiroat qilur. So‘radilarkim, «Nima 
uchun ohista qiroat qilursan?» Hazrati Abu Bakr Siddiq aytdilar: «Qur’onni ul zotga 
(Allohga) o‘qurmanki, ohista o‘qiganni eshitadur». Umar roziyallohu anhuni ko‘rdilarki, 
ovoz birla o‘qiydur. So‘radilarki, «Nima uchun baland o‘qursen?» Umar 
roziyallohu anhu aytdilarki. 
«Uxlaganlarni bedor qilmoq uchun va shaytonni yiroq qilmoq uchun». Hazrati 
rasuli alayhissalom aytdilarki, «Har ikkilaringiz xo‘b qilibsizlar». Bas, amal niyatga 
tobe’durkim, , har ikkilarining niyati xo‘b erdi, savob topdilar. 
Ovozi xush birla o‘qimoqg‘a sa’y, harakat qilg‘ay. Rasul alayhissalom aytibdurlar: 
«Qur’onni ovozi xush birla o‘qinglar». Rasul alayhissalom bir kuni Xuzayfani 
ko‘rdilarki, ovozi xush birla Qur’on tilovat qiladur. Aytdilar: «Alhamdulillohillaziy 
ja’ala fi ummatiy mislihi». Ya’ni, xamd eturman ul Xudog‘aki, ummatimda munga 
o‘xshash kishini xalq qilibdur». Bas, onchakim ovozi xushrokdur, Qur’onning asari 
ko‘ngilga ziyodarokdur. Sunnat uldurki, Qur’onni maqom birla o‘qimagay. Huruf va 
kalimalar orasida alhon (ashulalar, xonishlar) qilmag‘ayki, makruhdir. Chunonchi 
qavvol (xonanda)lik g‘azalxonlar odatidur. 
 
FASL 
Tilovatdagi olti odobi botiniy bayonida 
 
Bilgilki, tilovatning botiniy odobi oltitadur: 
Avvalg‘i odob ulki, Qur’onning azimati va ulug‘ligini bilgay, Xudo azza va jallaning 
kalomi qadimiydur. Haq taoloning sifatidurki, vojibul vujudida qoyimdur. Onchakim 
bu qorilar zabonida joriydur, huruf va kalimotdurki, kalomi nafsi (Allohni so‘zi) 
qadimning lafzi mislliqdur. Chunonchi, otashin lafzni til birla aytmoq osondur. Ammo 
otashni hech kim qo‘lida tutmoqqa va tiliga kelturmoqg‘a toqat qilolmas. Munga 
o‘xshash, kalomulloh oyatlari maoniy qadimlarini 
x
URUflar libosidin mujarrad (xoli) 
qilib, oshkora qilsa, yetti osmonu zamin oning tajalliysiga toqat kelturolmas. 
Chunonchi, Haq taolo kalsmi majidida xabar berur: 
«Lav anzalno hazal Kur’ona ala jabalin va laraaytahu xoshi’am mutasaddiam min 
xashyatilloh». 
«Agar biz ushbu Qur’onni biron tog‘ga nozil qilganimizda, albatta siz u (tog‘)ni 
Ollohning qo‘rquvidan egilib yorilib «etgan xolida ko‘rgan bo‘lur edingiz». 
(Alouddin Mansur tarjimasi). (Hashr, 21). 
Va lekin Qur’onning jaloli va azimatini xuruflar libosi ichida pinhon qilib, arab tili 
pardasidan o‘zga nimarsalar birla odamlarga yetkurmoq mumkin emasdur. Bilgilki, 
ovozi hurufning ulug‘ xosiyaglari bordur. Andog‘ki, hayvonotni haydamay adab 
o‘rgatmak va xizmatga solmoq harf va ovozsiz bo‘lmas. Va odamlar so‘zini hayvonot 
fahm qilmoqg‘a toqat keltira olmas. Nochor hayvonot ovozlariga yaqin huruf va 
suratni ta’yin qilib, toki hayvonotni bu ovoz birla ogoh qilib, xizmatga solib va 
farmon tuttirg‘aylar. Masalan, ho‘kuzg‘a ovozlar qilsa, u qo‘shni tortib, yerni 
yumshatur.Ammo zaminni yumshatmoqning hukmini bilmaskim, zaminni 
yumshatmoqdan maqsud budurki, suv, havo, tufroq birla alishib ziroat qilmoqg‘a visola 
bo‘lg‘ay. Bas, munga o‘xshash, ba’zi odamlarga Qur’on o‘qimoqdan ovozi zohir va.ma’nii 
zohirdan  ziyoda  nasiba  bo‘lmas.  Ba’zilar  gumon  qilibdurlarki, Qur’on huruf va savt 
(ovoz)dur. Bu tariqa aqida qilmoq g‘oyat jaholat va aqidaning nihoyati sustlig‘idur. 
Ul kishining holiga o‘xsharki, otashni bilurki, harflari alif va to va shindur. Ammo muni 
bilmaskim, otashni qog‘oz uzrasiga qo‘ysa kuydurur. Toqat keltiraolmas. Ammo otash 

Kimyoi saodat. Abu Homid G’azzoliy 
 
 
www.ziyouz.com кутубхонаси 
119
lafzini qog‘ozga bitmak birla hech zarar bo‘lmas. Chunonchi xar badanning ruhi 
bordur. Bas, Kalomullohning huruflari badanga o‘xshashdur. Bas, har badanning 
sharofati ruhning sababidandur. Va oyati Qur’onning huruf va kalimati va sharofati 
ham ma’noiyi qadimiy, ya’ni Ruhdur. Bilgilki, Kalomullohning hamma haqiqatini 
bu kitobda zikr , qilmoq mumkin ermas. 
Ikkinchi odob ulki, Qur’on o‘qimoqdin ilgari Haq taoloning jalolati va azimatini 
ko‘ngilda hozir tutg‘aykim, •. Qur’on Haq taoloning kalomidur. Va bilgaykim, kimning 
so‘zini o‘qiydur. Qo‘rquv va adab birla o‘turg‘ay. Haq taolo kalomi majidda xabar 
berur: 
«Lo yamassuhu illa-l-mutahharuna». 
 
Mazmuni: Uni faqat tahoratli - pok kishilargina ushlarlar. (Voqea, 79). 
 
Chunonchi (zohiri) ilm shulki, Mushafni (Qur’onni) betahorat odam ushlashi durust emas. 
Bas, Qur’onning matni haqiqati andoq ko‘ngilda barqaror bo‘lurki, axloqi zamima (yomon 
xulqlar) najosatidan pok bo‘lg‘ay. Ta’zimu tavqir (izzatu viqor) nuri birla orasta 
bo‘lg‘ay. Va Ikrima roziyallohu anhu vaqtiki Mushafni qo‘lga olsalar, tamom badaniga 
larza tushar edi va aytur edi: 
- Huva kalomi robbiy, ya’ni, ul parvardigorimning kalomidur. 
Va hech kishi Qur’onning azimatini to‘lig‘icha bilmas. Qur’on ma’nolarini bilmaguncha, to 
Alloh taoloning sifot va af’ollaridan andesha qilmaguncha Haq taoloning azimatini 
dilda hosil qilmas. Chunonchi, Arsh, Kursi, yetti qavat osmonu, yetti qavat zamin, bular 
ichida hamma mavjudotlar, farishtalar, odamlar, jinlar va hayvonot va qashorot va 
jamod (jonsiz tabiat - tosh, ma’dan kabilar) va nabotot (barcha o‘simliklar, giyohlar) va 
asnofi xaloyiqni (turli xilqatlarni) ko‘ngliga kelturib, bilgaykim, Qur’on Ul z<1 gi vojibul 
vujudning kalomidur, bu hamma maxluqotlar aning qudrati qabzasidadur... Va kamoli 
qudratiga hech nuqson bo‘lmas va hammani ofarida qilg‘uvchi, yaratguvchi uldur. Bas, bu 
tariqada andesha qilsa, Haqtaoloning azimatidin ogoxlik bir qadar dilida qozir bo‘lur. 
Uchinchi odob ulki, Qur’on tilovat qilurda dilini toza qilg‘ay. Va g‘aflatga yo‘l bermagay. 
Tilida Qur’on o‘qub, ko‘nglida bo‘lak narsani xayol qilmagay. G’aflat birla o‘qig‘onni 
o‘qimagan qatorida bilgay. Yana qayta o‘qig‘ay. 
G’aflat birla o‘qig‘an anga o‘xsharkim. birov bog‘ tomoshasiga borgay. tag‘oful 
(beparvo, g‘ofillik.) birla aning ajoyiblarini ko‘rmay chiqqay. Qur’on mo‘minlarning 
tomoshagohidir. Aningda ajoyib hikmatlar bordurkim, aning ajoyib hikmatlarig‘a 
taammul (fikr, andesha) qilsa, andin o‘zga hech nimarsaga nazar qilmas. Agar kishi 
Qur’onning ma’nolarini bilmasa, qar ikki dunyodan bexabardir. Va lekin bo‘lg‘aykim, 
Qur’onning ulug‘ligini dilida hozir tutg‘ay. Parokanda birla andesha qilmag‘ay (Xayoli 
xar yoqqa sochilmagay). 
To‘rtinchi odob ulki, har oyatki o‘qiydur, taammul birla ma’nosini fahm qilib o‘qig‘ay. Va 
betaammulni ioda (qayta-'qayta) chuqur mulohaza bilan o‘qig‘aykim, ko‘p o‘qig‘ondin 
bu yaxshirog‘dur. 
Abu Zar G’iforiy roziyallohu anhu ayturkim, Rasul alayhissalom bir kecha tong 
otquncha namozda turdilar, bu bir oyatni ioda qilib o‘qidilar: 
«In tuazzibhum fa innahum iboduka». 
Oyatning mazmuni: «Agar ularni azoblasang, ular sening ojiz bandalaringdir (Alouddin Mansur 
tarjimasi). (Moida, 118). 
To yigirma marotaba ioda (qayta) o‘qidilar. Va Sa’ad ibn Jubayr roziyallohu anhu bir 
kecha bu oyatni qiroat qilib, namoz o‘qidi: 
«Vamtozul yavma ayyuhal mujrimuna». 

Kimyoi saodat. Abu Homid G’azzoliy 
 
 
www.ziyouz.com кутубхонаси 
120
Ma’nosi: «Ey, jinoyatchi kimsalar, mana bu kunda (mo‘‘minlardan) ajralinglar!». (Yosin, 
59). 
Va agar oyatni qiroat qilib, bo‘lak ma’no andesha qilsa, oyatning haqiqatini ado qilg‘an 
bo‘lmas. 
Har oyatkim, namozda o‘qibdur, aning ma’nosidin o‘zga hech nimarsani andesha 
qilmag‘ay. Balki har oyatning o‘z ma’nosidan o‘zgani andesha qilmoq vaovasadur. 
Chunonchi, Haq subhonaning sifotlari oyatini o‘qisa sifotlar asroridan andesha qilg‘ay, 
Quddus va Jabbor va Aziz va Hakim, mundin o‘zga ma’nolarni. V aqtiki, «Xalaqas-samovoti 
val arz»ni o‘qisa, ajoyib xilqatlarni va Xoliqning san’atini mulohaza qilg‘ay, 
; kamoli va qudratini fahm qilg‘ay. Andog‘fahm qilg‘aykim, hamma mavjudotni Haq taolo 
mavjud qilg‘uvchidir. Bu oyatni o‘qisaki:  
«Inno xalaqnal-insona min-nutfatin amshojin, nabtilihi». 
Oyatning tafsiri: «haqiqatan odamni (er va xotinni) otalik va onalik suvlaridan aralash bo‘lgan 
nutfadan yaratdik». (Inson, 2). 
Bas, nutfaning ajoyiblarini andesha qilg‘aykim, bir ; sifatlik qatrai suvdan chandon 
muxtalif nimarsalarni xalq qilmoq, chunonchi: go‘sht va po‘st va ustuxon va tomir va 
mundan o‘zga ajoyiblar, chunonchi, eshitmak va shunga o‘xshash a’zolaridan qo‘l-
oyoq, bosh va ko‘z va zabon va mundan o‘zga ham. Bas, Qur’onning hamma ma’nolarini 
sharh qilmoq qiyindur. 
Bilgilki, Qur’onning ma’nolarini uch toifa fahm qilolmas. Avval ulki, tafsir 
o‘qimagan va arabiy tildan xabari bo‘lmagan. 
Ikkinchi ulki, gunohi kabirani ko‘p qilg‘oni sababidan va bid’atg‘a mukkasidan ketgan 
jihatidan, bid’at va mas’iyat zulmati dilini tiyra (qora) qilgani uchun, Qur’onning 
ma’nolarini fahm qilolmas. 
Uchinchi ulki, zohiriy tilovatga mashg‘ul va mag‘rur bo‘lg‘ay, ma’nolarni mulohaza 
qilmoqtsan tag‘ofildur. Bas, bu tariqa kishilar Kur’onning ma’nolarini fahm qilmoqdan 
mahrumdirlar. 
Beshinchi odob ulki, har oyatning ma’nosiga boqib, dilini ul sifat bilan orasta qilg‘ay. 
Chunonchi: oyati xavfga yetsa, zoriy va tazarru’ (iltijo) qilg‘ay. Haq taoloning sifotlarini 
tavozu’ va shikastalik birla o‘qug‘ay. Vaqtiki kofirlarning botil aqidasi borasidagi oyatga 
yetsa, chunonchi: Haq taologa shirk (bir nechta xudo bor deb e’tiqod) qilmoq va farzandi 
bor degan mushriklar haqidag‘i oyatlarga kelganda, past qilib, sharm va xijolat birla o‘qig‘ay. 
Munga o‘xshash har oyatning ma’nosig‘a boqib, o‘zini ul sifot birla tutsa, oyatning 
haqini ado qilg‘on bo‘lur. 
Oltinchi odob ulki, Qur’onni ta’zim va ikrom birlan o‘qig‘onda andog‘ eshitgaykim, Haq 
taolodin eshitgan bo‘lg‘ay. Buzruklardan biri ayturlar: «Qur’onni o‘qidim, halovat 
topmadim. Rasuli akram s.a.v.dan eshitgan o‘qishni farz qildim, ziyodaroq lazzat topdim. Bas, 
endi andog‘tilovat qilurmenkim, Haq subhonaxu va taolodan payvasta eshiturman, andog‘ 
lazzatni topibdurmenki, hargiz topmag‘an erdim». 
 
TO’QQIZINCHI ASL  
Zikr aytmoq bayonida 
 
Bilgilki. hamma ibodatning mag‘zi Haq taoloni zikr etmoqdur. Chunonchi, aytibdurlar: 
«Musulmonchiliqning ustuni namozdur». Namozdan maksud Haq taoloni zikr etmoqdur. 
' 
«Innas-salota tanho anil fahshoi val munkari vala- « zikrullohi akbar». 
 
Oyatning ma’nosi shulki, «Haqiqatan namoz gunoh va zalolatdan 
to‘xtatquvchidir. Har holda Olloh taoloni zikr ' etmoqning savobi hammadan 

Kimyoi saodat. Abu Homid G’azzoliy 
 
 
www.ziyouz.com кутубхонаси 
121
ulug‘roqdir». (Ankabut, 45). 
Bas, Qur’on o‘qimoq hamma ibodatning fozilrog‘idur. Bu sababdanki, Haq 
taoloning  kalomidur.  Har  oyatki,Qur’onda bor, Haq taoloning zikrini toza qilmoq 
uchundir, bas, ro‘za tutmoqdan maqsad shahvati nafsoniyni sindurmoq va zahmati 
shahvoniydan xalos bo‘lmoqkim, dil sof bo‘lib, Haqtaoloning zikrig‘a qarorgoh bo‘lg‘ay. 
Va hajdan maqsad Xudo taoloning uyini ziyorat qilmoq va uy egasini zikr etmoqdur. 
Bas, hamma ibodatning sar mag‘zi zikr etmoq, balki musulmonchiliqning hamma 
mas’alalarining asli kalimasi «Lo iloha illallohu Muhammadur rasululloh»durkim, bu 
kalima ayni zikrdir. Va o‘zga ibodatlar bu zikrning ta’kididur. 
Bas, zikr qilg‘uvchining samari-natijasi Haq taoloni zikr qilmog‘idur. Kalomi 
majidda xabar berur: 
 
«Fazkuruniy, azkurukum». 
 
Ya’ni, mani yod qilinglar, men ham sizlarni yod qilgumdir. (Baqara, 152). 
 
Bas, aksar ahvolda, ko‘proq zikrg‘a mashg‘ul bo‘lg‘aykim, Haq taoloni ko‘proq 
zikr etguvchilar azizlardur, Qavluhu taolo: 
 
«Vazkurulloha kasiran laallakum tuflihun» 
 
Oyat tafsiri ulki, agar najotliq umidin tutsanglar, Alloh taoloni ko‘p eslanglar. Shoyadki 
najot topursiz. (Anfol, 45). 
 
Bas, najotliq topmoqning kalidi zikrdurkim, ko‘p holda zikrg‘a mashg‘ul bo‘lg‘ay. 
Qavluhu taolo: 
«Allaziyna yazkurunalloha qiyoman va quudan va ala junubihim». 
Oyatning tafsiri ulki: «Ul toifalarki Alloh taoloni tik turgan holda va o‘tirganda ham, 
yotgan vaqtda ham eslaydilar». (Oli Imron, 191). 
Har bir holatda ham Allohdan g‘ofil bo‘lmaydilar. Va yana Haq taolo xabar 
berurki: 
 
«Vazkur rabbaka fi nafsika tazarru’an va xiyfatan. Va duunal bahri minal qavli 
bilg‘uduvvi val osoli va lo takun minal g‘ofiliyn». 
 
Oyatning tafsiri ulki, parvardigoringlarni yod qilinglar, zoriy va qo‘rqinch birla erta va 
oqshom, hech g‘ofillardin bo‘lmanglar. (A’rof, 205). 
 
Rasuli akram s.a.v.dan so‘radilarki, qaysi ish xo‘broqdur? Rasul alayhissalom aytdilar: 
«Umringning oxiri nafasida bo‘lsa ham zaboning Haq taoloning zikri birla xo‘b bo‘lg‘ay». 
Rasul alayhissalom aytibdurlar: «Ogoh qilay sizlarni hamma amallaringizning 
yaxshirog‘i va maqbulrog‘idan. Podshohi alal itloq jalla jaloluhu nazarida hamma 
darajalarning balandrog‘i, oltin-kumush sadaqa qilg‘ondan xo‘brog‘i va kofirlar birla 
g‘azot qilg‘ondan afzalrog‘i bo‘lgan amaldan». 
Sahobalar arz qildilarki, «Yo rasululloh! Ul qaysi amaldur?» Hazrati rasululloh 
aytdilar: «Haq taoloni zikr etmokdur. Inson Alloh deb, boshqa so‘z qo‘shmay, duo 
va tilaklarga fursat topmasa ham, ul kishig‘a Haq taoloning atosi duo va talab 
qilg‘on kishidan ziyodadur». 
Rasul alayhissalom aytibdurlar: «G’ofillar orasida Haq taologa zikr aytg‘uvchi, o‘liklar 

Kimyoi saodat. Abu Homid G’azzoliy 
 
 
www.ziyouz.com кутубхонаси 
122
orasida tirilganlarga o‘xshashdur. Va quruq giyohlar orasida sabzag‘a o‘xshashdur. Va 
g‘azotdan qochganlar orasidan qaytib turub g‘azot qilg‘on yigitga o‘xshashdur». 
Maoz ibn Jabal roziyallohu anhu aytur: «Qiyomat kuni ahli jannat hech nimarsaga 
hasrat tortmaslar. Magar bir soatkim bu olamda Haq taolog‘a zikr etmay o‘tubdur, 
aning uchun hasrat tortarlar». 
Haqiqatan zikrning darajalari bordur. 
Avvalgi daraja ulki, zikr faqat tilda aytilur. G’ofil bo‘lib, dilga asari za’if bo‘lur va 
lekin asardin xoli ham bo‘lmas. Bas, Haqtaoloning zikri ila mashg‘ul bo‘lgan tilning 
darajasi behuda so‘zga mashg‘ul bo‘lgan va sukutdagi, ya’ni xomush turgan tildan 
ziyodadur. 
Ikkinchi daraja ulkim, zikr dilda ham aytilur va lekin dilda mutammakkin (muqim) va 
barqaror bo‘lmas. Ammo takalluf birla dilni zikrg‘a mashg‘ul qilg‘ali bo‘lur. Toki jaxd va 
takalluf qilmag‘uncha dil g‘aflat va nafs xayoliga mashg‘ul bo‘lg‘usidir. 
Uchinchi daraja ulki, zikr dilda barqaror va mustavliy (sobit) bo‘lur, andog‘kim, 
takalluf birla dilni yana bir ishg‘a mashg‘ul qilg‘ali bo‘lur. 
To‘rtinchi daraja ulki, Haq taolo dilg‘a doimiy barqaror va mutammakkin bo‘lur. 
Zikrg‘a o‘rin qolmas. Va mazkuri Haq subhonahu va taolodur. 
Bas, Mazkurni (zikr etiluvchi Haqtaoloni) do‘st tutish bilan zikrni do‘st tutish orasida 
chandon tafovut bordir. Balki kamol uldurki, Mazkurga mashg‘ul bo‘lmoq birla zikr 
ko‘ngildan tamoman bartaraf bo‘lg‘ay. 
Zikr arabiy yo forsiy bo‘lur. Har ikkisi xayoli nafsidan xoli bo‘lmas. Va asli zikr uldurki, 
dil forsiy va arabiydan, balki hamma nimarsadan xoli bo‘lg‘ay Mazkur va matlubdin 
o‘zga hech nimarsa dilga sig‘magaykim, muhabbati mufrit (juda jo‘shqin ishq)ning 
natijasi ushbudur, Ani ishq atalur. Va oshiqi sodiq ma’shug‘idan o‘zga hamma 
nimarsani, balki ma’shuqining ismini ham unutar. Chunonchi, amir Navoiy shu 
mazmunni bu baytda ado qilibdurlar (tarjimon izohi): Chu bo‘ldum ishq aro foniy hadisin 
so‘rmangiz mendan, Ki qolmas zikri zokir, bo‘lsa mazkurida mustahlak. («Navodur-ush 
shabob»dan.) 
Vaqtiki, oshiq bu tariqa mustag‘raq (g‘arq) bo‘lib, Haq taolodan o‘zgani unutsa, 
tasavvuf (so‘fiylik) yo‘lining avvalig‘a yetganidur. Bu holatni so‘fiylar tasavvuf avvali atarlar 
va martabai fano derlar. Ya’ni, solik bu martabada o‘zini va Haq taoloning zikrini unutar. 
Chunonchi, Haq taoloning chandon olami bordurki, bizlar aningdan hech xabarimiz 
yo‘qtur. 
Abadiy olamni ba’zilar «yo‘q» demagining sababi bor, charoki ular ul olamdan ogoh 
emaslar. O’zlari bilgan olamni bilurlar. Bas, odam Haq taolodan o‘zga xamma 
nimarsani, balki o‘zini ham unutsa, osmonu zamin, har nimag‘a qarag‘anda Haq 
taolodan o‘zga hech narsani ko‘rmas. Bu vaqti ayturki, Hamma Udir, ya’ni Haq 
taolodan o‘zga hech ma’bud yo‘qtur. Vaqtiki bu martabaga yetsa, Haq taolo bilan 
solikning orasidagi ikkilik ketar va yagonalik hosil bo‘lur. Va bu martaba tavhid olamidur. 
Vaxdoniyatning avvalidur. Ya’ni ikkilik oradan ketar. Haqtaolodan yiroq va yaqinliqdan 
ogoh bo‘lmas. Judolikni ul kishi bilurkim. ikkilik orada bo‘lsa. Foniy esa o‘zidan 
xabarsizdur. Va Xdq taolodan o‘zga hech nimani tanimas. Bas, judolikni na bilgusidir?  
Vaqtiki, inson bu darajaga yetsa, malakut (farishtalar) olami anga kashf bo‘lur. 
Payg‘ambarlar arvohlari va farishtalar yaxshi suratlar birla anga ko‘rinurlar. Va hazrati 
Ilohiyatga yaqinlik paydo bo‘lur. Ahvoli aziym paydo bo‘lurki, hech bir iboratg‘a (so‘zg‘a) 
sig‘mas. Vaqtiki, bu inson o‘ziga kelib, olam ishlaridin ogohbo‘lsa, ul holatning shavqi 
g‘olib bo‘lib, dunyo ichidagi hamma narsa va xaloyiqning qilur ishlari anga noxush 
ko‘rinur. Dunyo ishlarig‘a mashg‘ul bo‘lg‘ondin taajjub qilur va xaloyiq bu davlatdan 
maqrum qolg‘oniga marhamat nazari birla qarar. 

Kimyoi saodat. Abu Homid G’azzoliy