Kimyoviy-texnologiyalar fakulteti «oziq-ovqat texnologiyasi» kafedrasi «analitik fizik kolloid kimyo»

Ishning bajarilish tartibi. ~ 0,1 n Trilon-B erit­masi buretkaga quyiladi. Titrlash kolbasiga pipetka yordamida 20.00 ml 0,05000 n MgSO₄ eritmasidan olib ustiga 5 ml ammiakli bufer va 20-30 mg quruq indikator — Qora erioxrom-T qo‘shiladi. Aralashmaning rangi qizildan ko‘k rangga o‘tguncha buretkadagi Trilon-B eritmasi bilan titrlanadi. Taj­riba uch marta takrorlanadi. Olingan natijalar jadval ko‘rinishida yoziladi.

T/r	V MgSO4, ml	V T.B , ml	Indikator
1.	20,00		Qora erioxrom-T
2.	20,00
3.	20,00

Trilon-B ning titri quyidagi formulalar asosida hisoblanadi:
1. N₁∙V₁ = N₂ ∙V₂ yoki N_t.b = N_MgSO4 ∙ V_MgSO4/ V_{o‘r T.B}
2. T _T.B = E _T.B ∙ N _T.B/ 1000
3. T _{T.B / Mg2+} = E _Mg2+∙N_T.B / 1000
2-ish. Suvning qattiqligini aniqlash
Kerakli asbob-uskunalar va reaktivlar: shtativ; 25,00 ml li byuretka; 0,1000 n Trilon-B eritmasi; 3 dona 100 ml li titrlash kolbasi; qora erioxrom-T; ammiakli bufer eritma.
Suvning qattiqligi 1,0 litr suvda bo‘lgan kalsiy va magniy ionlarining milligramm - ekvivalent miqdori bilan ifodalanadi. Suv tarkibidagi Ca²⁺ va Mg²⁺ ionlari kompleksonlar bilan barqaror kompleks birikmalar hosil qiladi. Shuning uchun suvning qat­tiqligini kompleksonometrik usul bilan aniqlash juda qulay.