Kitapxana- málimleme mákemelerin basqarıw sistemasi Reje

Kitapxana-málimleme iskerliginde kitapxanalar-fondın komplektlew sisteması da zárúrli áhmiyetke iye bolıp, bunda hár bir kitapxana hám málimleme shólkemi óz aldına qoyǵan wazıypasınan kelip shıqqan halda kitapxana fondın yamasa málimleme resursların jaratadı. Kitapxana fondın komplektlew kishi sistemasınıń iskerligi kóbinese mámlekette kitap basıp shıǵarıw jumısları, málimlemenıń basqa túrlerin jaratılıwı menen tikkeley baylanıslı. Usınıń menen birge kitapxana xızmetkerlerin usı kitapxananıń tiykarǵı waziypasınıń qanday túsiniwine, kitapxanlardıń qızıǵıwshılıqların úyreniw dárejesine de tikkeley baylanıslı. Sonıń menen birge kitapxana fondın komplektlew jumıslarında, uluwma kitapxana hám málimleme shólkeminiń iskerlik kórsetiwine kitapxananıń ekonomikalıq-finanslıq jaǵdayı da salmaqlı rol oynawın aytıp ótiw kerek dep oylaymiz. Óz gezeginde sonı da aytıp ótiw kerek, barlıq túrdegi kitapxanalardı finanslıq támiyinleniwi tárepinen gárezsiz kitapxanalarǵa bólıw múmkin.

Gárezsiz kitapxanalar óz qarjılarına iye bolǵan, ózlerin esap nomerleri arqalı finanslıq-xojalıq jumısların ózleri júrgizetuǵın kitapxanalarǵa aytıladı. Milliy kitapxanalar, tarmaq kitapxanaları, Respublika ilimiy-universal kitapxanaları kiredi. Qalǵan kitapxanalar gárezli kitapxanalar esaplanıp, ózleri qaraslı mákeme hám shólkemlerdiń finanslıq jaǵdayına tikkeley baylanıslı. Usı tárepten alıp qaralganda kitapxana fondların komplektlew túrli bolıwı tábiy bolıp tabıladı.

Kitapxana-málimleme xızmetiniń kishi sisteması hám kitapxana-málimleme iskerligi sistemasınıń biri bolıp tabıladı. Házirde kitapxanalar hám málimleme mákemelerinde paudalanıwshılarǵa xizmet kórsetiw baslanǵısh hújjetler kitap, jurnal, gazeta hám basqa málimleme dárekleri, bibliografiyalıq materiallar menen jeke tártipte hám gruppaǵa xizmet kórsetiw, kitapxananıń ózinde hám odan sırtda ámelge asırılıp atır. Tikkeley xizmet kórsetiw kitapxananıń ózinde aboniment hám oqıw zalları arqalı orınlansa, nostacionar xizmet kórsetiw kóshpeli kitapxanalar, kitap beriw usılları arqalı ámelge asırılmaqta.