Kitapxana- málimleme mákemelerin basqarıw sistemasi Reje

Basqarıw páni- sociallıq pánlerdiń bir bólegi bolıp, onı tiykarǵı waziypası jámiyetti, óndirisdi hám ruwxıylıq tarawin basqarıw haqqındaǵı teoriyalıq bilimlerdi sistemalastırıwdan ibarat. Basqarıw pániniń máqseti - basqarıw processin xarakterlew, túsindiriw, hámde taǵı basqarıw páni tárepinen jaratılǵan nızam hám nizamlıqlarǵa tiykarlanǵan halda onıń nátiyjelerin bayanlawdan ibarat bolıp esaplanadi. Basqarıw páni wazıypalarına basqarıw shólkemleri iskerligin principleri, funkciyaları, metodları hám strukturasınıń teoriyalıq tiykarlaw kiredi.

Basqarıw páni tómendegi strukturalıq bólimlerden shólkemlesken:

- basqarıw teoriyası;

- basqarıw subyekti hám obyektin shólkemlestiriw jumısları;

- basqarıwdıń tásir kórsetiw usılların jaratıw;

- basqarıw processi;

- basqarıw sistemasında miynetti ilimiy tiykarda shólkemlestiriw.

Basqarıw mazmunı degende háreket dástúrin islep shıǵıw, onı zárúr finanslıq, materiallıq hám kadrlar resursı menen támiyinlew, ulıwma wazıypalarǵa bólinedi. Bóliw, jámaat kúshleri hám háreketlerin birlestiriw hám olardıń xızmetlerin basqarıw hámde dúzilgen wazıypalarǵa sáykes keliwin baqlaw túsiniledi.

Basqarıw - máqsetti belgilewden baslanadı. Máqsetti belgilew bir qansha sharayatlarǵa baylanıslı boladı. Áwele, qoyılǵan máqsetke erisiw ushın jámiyettegi ámeldegi obyektiv sharayatlar, yaǵnıy qanday materiallıq, finanslıq hám basqa múmkinshilikler bar ekenligine baylanıslı boladı. Basqarıw funkciyasın ámelge asırıw ushın mámlekette mámleketlik tárepinen arnawlı apparat, mámleketlik basqarıw shólkemleri shólkemlestiredi.

Mámleketlik basqarıw úzliksiz túrde turmısqa mámlekettiń Konstituciyası hám nızamların, hámde nızam aktların, mámleketlik tárepinen shıǵarılǵan qararlardı engiziw jumısların ámelge asıradı. Basqarıw iskerliginiń tiykarǵı ózine tán ekenligi, onı turaqlı jáne úzliksiz túrde ózine boysınıwshı obyektler iskerligine basshılıq etiw boladı. Mámleketlik basqarıw processinde, joqarı mámleketlik basqarıwdan baslap, tómengi basqarıw shólkemlerinde shólkemlestirilgen munasábetler payda boladı. Mámleketlik basqarıwına tán bolǵan qásiyet, bul sistemanıń har bir bólimin hám olar arasındaǵı munasábetlerdiń islengenligi bolıp tabıladı. Hár qanday basqarıw, basqarıw subyekti hám basqarıw obyektlerinen quraladı.