Kitapxana- málimleme mákemelerin basqarıw sistemasi Reje

Kitapxana- málimleme mákemelerin basqarıw sistemasi

Reje:

1. “Kitapxana- málimleme iskerligi” sistem sıpatında.

2. “Kitapxana- málimleme iskerligi” sociallıq-materiallıq sistemanıń strukturası, tiykarǵı ózgeshelikleri. Onıń máqset hám wazıypaları

3. “Kitapxana- málimleme iskerligi”niń sistema sıpatında rawajlanıwınıń ózgeshelikleri hám nizamlıqları

Basqarıw - jámiyet turmısınıń áhmiyetli shártlerinen biri bolıp tabıladı. Adamlardıń birge iskerligin óndiris kárxanalarına, hár qıylı shólkemler jámaatine, basqarıw shólkemlerine birlestirmesden shólkemlestiriw múmkin emes. Hár qanday materiallıq hám ruwxıy óndiris, hizmet kórsetiw tarawı belgili bir shólkemlestiriw, nızam-qaǵıydalar, miynet bólistiriliwi, adamdı jámiyettegi ornı hám wazıypasın belgilemey ámelge asırıp bolmaydı. Bulardıń barlıǵı basqarıw arqalı ámelge asırıladı. Mine usı sebepli da hár qanday mámleketde arnawlı jámiyetshillik institutları hám basqarıw shólkemleri shólkemlestirilediki, olar jámiyetke, halq xojalıǵını hár qıylı tarawlarıǵa, miynet jámaatlerine máqsetke jóneltirilgen háreketti ámelge asıradı.

Basqarıwdıń tiykarǵı waziypası adamlardı miynet jámaatlerindegi birge islesiwin, olardıń óz-ara xızmetlesligin shólkemlestiriw bolıp tabıladı.Basqarıwdı jámiyettiń rawajlanıw nizamlıqların, ekonomika nızamların bilmesden ámelge asırıp bolmaydı. Tek belgilengen nızam hám nizamlıqlardan paydalanıp ol yamasa bul tarawǵa, kárxana, shólkem jámaatine tásir kórsetiw, payda bolǵan qarama- qarsılıqlardı waqıtında saplastırıw, obyektiv múmkinshiliklerge qatań ámel etken halda ádil siyasat aparıw múmkin.

Ilimiy basqarıw - bul adamlarǵa, jámiyet yamasa onıń basqa tarawlarına, miynet jámaatlerine obyektiv nızam hám nizamlıqlardı túsingen halda, olardı optimal iskerlik kórsetiwi, rawajlanıwları hám gózlengen máqsetke erisiwi ushın sistemalı, máqsetke muwapıq túrde tásir kórsetiw bolıp tabıladı. Ilimiy basqarıw, basqarıw páni tárepinen islep shıǵılǵan nizamlarǵa tiykarlanadı.