Kitapxana- málimleme mákemelerin basqarıw sistemasi Reje

Mámleketimizde bazar ekonomikası sharayatına ótiw, siyasiy ideologiyalıq, ruwxıy hám materiallıq ózgerisler júz berip atırǵan dáwirde, kitapxana-málimleme iskerligi de ózgerip barmaqta. Kitapxana-málimleme mákemelerine xojalıq iskerligi menen shuǵıllanıw huqıqı, óz kitap fondinda yuridikalıq hám fizikalıq shaxslardı paydalıwshını shártnama tiykarında shólkemlestiriw, pullıq xızmet túrlerin engiziw, sırt ellerdegi shólkemler menen óz-ara sherikligine hám basqa jumıslar ushın keń jol ashıp berildi. Usınıń menen birge mámleketimizdegı demokratiyalıq túpkilikli ózgerisler de kitapxana-málimleme iskerligine úlken tásir kórsetip atır. Atap aytqanda, kitapxanalarǵa óz jumısı mazmunların ózleri belgilewi, kitapxana tarmaǵın oraylastırıwdan oraylastırılmaǵan tárepge qaray baratırǵanlıǵı, hár qıylı sheklewlerdi biykar etiliwi sonnan derek bolıp tabıladı. Taǵı bir áhmiyetli nizamlıqlardan biri - kitapxana-málimleme iskerliginiń proporcional rawajlanıwı nizamlıǵı bolıp tabıladı. Bul nizamlıq kitapxana-málimleme iskerliginiń barlıq kishi sistemaların proporsional túrde rawajlanıwı zárúr ekenligi belgilengen. Busiz taraw tolıq hám nátiyjeli iskerlik kórsete almaydı mısalı, qandayda bir kishi sistemanı arqada qalıwı mısalı, fonddı komplektlew yamasa kadrlar tayarlaw sistemasınıń arqada qalıwı pútkil sistema iskerliginde kórinetuǵın boladı, onıń nátiyjeli iskerlik kórsetiwin tómenletedi, kitap hám málimleme menen xizmet kórsetiwde qıyınshılıqlar tuwdıradı.

Kitapxana-málimleme iskerliginiń joqarıda belgilep ótilgen nizamlıqları menen birge ayriqsha ózgeshelikleri da mavjud bolıp tabıladı. Kitapxana-málimleme iskerliginiń ayriqsha ózgesheliklerinen biri onıń iskerligi tiykarında adamlardıń qızıǵıwshılıqları jatıwı bolıp tabıladı. Jámiyet, jámiyetlik hám jeke qızıǵıwshılıqlar kitapxana-málimleme iskerligi xolatiga jáne onı sistema sıpatında rawajlanıwına aktiv tásir kórsetedi.

Kitapxana-málimleme iskerliginiń ózgeshelikleriniń taǵı biri kitapxana xızmetkerleriniń hár qıylı qızıǵıwshılıq hám talaplarǵa iye bolǵan xalıqdıń qatlamları menen, miynet jámaatleri, anıq hám potensial kitapxanlar menen tikkeley baylanısda bolıwı bolıp tabıladı. Sol sebepli paydalanıwshılardıń kitap hám málimlemege bolǵan talapları motivların úyreniw hám olardı maksimal dárejede qanaatlandırıwǵa háreket etedi.