Kitapxana-málimleme iskerliginiń rawajlanıwına tásir kórsetilgen taǵı bir faktot bul hár bir mámleketdiń mádeniyatın rawajlanǵanlıǵı, xalıqdıń ruwxıy talapları dárejesi bolıp tabıladı. Xalıqdıń mádeniyatı qanshelli joqarı, ruwxıylıǵı joqarı bolsa, kitapxanashılıq jumısı da intensiv túrde rawajlanadı. Usınıń menen birge kitapxana-málimleme iskerliginiń rawajlanıwı sol mámleket puqaraların materiallıq-ruwxıy hám intelektual rawajlanıwına tikkeley tásir kórsetedi. Kitapxana málimleme iskerliginiń rawajlanıwında jámiyetshilliktiń aktivligi onıń rawajlanıwınıń zárúr shártlerinen biri bolıp tabıladı. Sebebi, kitapxana kitapxana-málimleme iskerliginde ámelge asırıp atırǵan barlıq jumıslardıń sońǵı nátiyjesi, jámiyet aǵzalarınıń kitap hám málimlemege bolǵan talapların qanaatlandırıwdan ibarat bolıp esaplanadi. Jámiyet aǵzalarınıń aktivligi, kitapxana-málimleme iskerliginiń zaman talaplarına say shólkemlestiriliwine alıp keledi.
1. Rawajlanıw nizamlıǵı degenimiz ne? 2. Kitapxana-málimleme iskerligi nizamlıqları qanday elementler ortasındaǵı baylanıslarda kórinedi? 3. Kitapxana-málimleme iskerliginiń dinamikligi nızamın tariyplep beriń? 4. Kitapxana-málimleme iskerligin demokratiyalastırıw nızamlıǵınıń tiykarǵı mazmunın kórsetip beriń? 5. Kitapxana-málimleme iskerligi sisteması sociallıq-materiallıq sistema sıpatında qanday ayriqsha ózgesheliklerge iye?
Do'stlaringiz bilan baham: |
